પેન્શનથી લઈને વીમા અંગેની સરકારી યોજનાઓ વિશે જાણો

ભારતનાં લોકોની નાણાકીય સ્વતંત્રતાને પ્રોત્સાહન આપવા માટે કેન્દ્ર સરકાર અને સરકારી યોજનાઓ બહાર પાડે છે. અને તેના અંતર્ગત વરિષ્ઠ નાગરિકો અને જરૂરિયાતવાળા લોકોને આવરી લે છે. આ પહેલના ભાગરૂપે કેન્દ્ર સરકારે વિવિધ વિભાગો જેવા કે, બેંકિંગ, વીમા, ડિજિટલ ચૂકવણી અને નિવૃત્તિ યોજનાઓ જેવા ક્ષેત્રોને આવરી લીધા છે. પ્રધાનમંત્રી જન ધન યોજના(PMJDY) 2014માં વડા પ્રધાન નરેન્દ્ર […]

Last Updated : 17 July 2023, 04:57 AM IST

ભારતનાં લોકોની નાણાકીય સ્વતંત્રતાને પ્રોત્સાહન આપવા માટે કેન્દ્ર સરકાર અને સરકારી યોજનાઓ બહાર પાડે છે. અને તેના અંતર્ગત વરિષ્ઠ નાગરિકો અને જરૂરિયાતવાળા લોકોને આવરી લે છે. આ પહેલના ભાગરૂપે કેન્દ્ર સરકારે વિવિધ વિભાગો જેવા કે, બેંકિંગ, વીમા, ડિજિટલ ચૂકવણી અને નિવૃત્તિ યોજનાઓ જેવા ક્ષેત્રોને આવરી લીધા છે.

પ્રધાનમંત્રી જન ધન યોજના(PMJDY)

2014માં વડા પ્રધાન નરેન્દ્ર મોદીએ રાષ્ટ્રીય મિશન તરીકે આ યોજનાની જાહેરાત કરી હતી. આ યોજના ભારતમાં લોકોને બેંકોમાં વિવિધ સુવિધાઓની સાર્વત્રિક ઍક્સેસ શક્ય બનાવીને તેઓને નાણાકીય સ્થિરતા આપવા માટે શરૂ કરવામાં આવી હતી. જે લોકો પાસે બેંકોમાં બચત ખાતા નથી તેઓ મિનિમમ બેલેન્સ વિના ખાતું ખોલાવી શકે છે.

પ્રધાનમંત્રી સુરક્ષા વીમા યોજના (PMSBY)

આ યોજનાની શરૂઆત 18 થી 70 વર્ષની વયના લોકો માટે કરાઇ છે. જેમણે 1 જૂનથી 31મી મે સુધી અને 31મી મે પહેલા ઓટો ડેબિટમાં જોડાવાની સંમતિ આપી છે અથવા તેને સક્ષમ કરી છે તેઓને આ સ્કીમનો લાભ મળે છે. આ યોજના હેઠળ, આકસ્મિક મૃત્યુ અને સંપૂર્ણ વિકલાંગતા માટે રૂ. 2 લાખ અને આંશિક અપંગ થઈ જાય તો તે માટે રૂ. 1 લાખ ચૂકવવામાં આવે છે.

અટલ પેન્શન યોજના (APY)

આ યોજના 18 થી 40 વર્ષની વય જૂથ હેઠળના તમામ બચત બેંક ખાતા ધારકો માટે છે. આ યોજના હેઠળ, જોડાયેલા લોકોને 60 વર્ષની ઉંમરે માસિક પેન્શન આપવામાં આવે છે. આ યોજનામાં તેના લાભાર્થીને જીવનસાથીના મૃત્યુ પછી પેન્શન પ્રદાન કરે છે. જીવનસાથી પણ તેના જેટલું જ પેન્શન મેળવવા માટે હકદાર છે.

પ્રધાનમંત્રી મુદ્રા યોજના (PMMY)

આ યોજના વિવિધ પેટા યોજનાઓ હેઠળ લોન પૂરી પાડે છે. શિશુ પેટા યોજના હેઠળ રૂ. 50,000 આપવામાં આવે છે. ‘કિશોર’ પેટા-સ્કીમ હેઠળ 50 લાખ, અને ‘તરુણ’ પેટા-સ્કીમ હેઠળ 5 લાખથી રૂ. 10 લાખ આપવામાં આવે છે. આ યોજના લોકોને ઉદ્યોગ સાહસિક બનવા અને તેમના વ્યવસાયો શરૂ કરવા પ્રોત્સાહિત કરવા માટે છે.

પ્રધાનમંત્રી વય વંદના યોજના (PMVVY)

60 વર્ષથી વધુ ઉંમરના વૃદ્ધોને રક્ષણ આપવા અને તેમને સામાજિક સુરક્ષા આપવા માટે છે. તે વૃદ્ધ લોકો માટે નિશ્ચિત પેન્શનની ખાતરી કરે છે કે જેઓ આ યોજના હેઠળ પોતાની નોંધણી કરાવે છે.

Tags :