PM મોદીએ મધ્યપ્રદેશમાં પેટ્રોકેમિકલ પ્લાન્ટનો શિલાન્યાસ કર્યો

PM મોદી આજે 14 સપ્ટેમ્બરના રોજ ચૂંટણી માટે મધ્યપ્રદેશ પહોંચ્યા છે, જ્યાં તેઓ રાજ્યના બીનામાં એક કાર્યક્રમ દરમિયાન રૂ. 50,700 કરોડથી વધુના પેટ્રોકેમિકલ પ્લાન્ટનો શિલાન્યાસ કર્યો હતો. તેમણે આશા વ્યક્ત કરી છે કે આ પ્રોજેક્ટ દ્વારા લગભગ 15 હજાર લોકોને રોજગાર મળશે. આ ઉપરાંત મધ્યપ્રદેશમાં દસ નવા ઔદ્યોગિક પ્રોજેક્ટ શરૂ કરવામાં આવશે. આ પછી PM […]

PM મોદી આજે 14 સપ્ટેમ્બરના રોજ ચૂંટણી માટે મધ્યપ્રદેશ પહોંચ્યા છે, જ્યાં તેઓ રાજ્યના બીનામાં એક કાર્યક્રમ દરમિયાન રૂ. 50,700 કરોડથી વધુના પેટ્રોકેમિકલ પ્લાન્ટનો શિલાન્યાસ કર્યો હતો. તેમણે આશા વ્યક્ત કરી છે કે આ પ્રોજેક્ટ દ્વારા લગભગ 15 હજાર લોકોને રોજગાર મળશે. આ ઉપરાંત મધ્યપ્રદેશમાં દસ નવા ઔદ્યોગિક પ્રોજેક્ટ શરૂ કરવામાં આવશે. આ પછી PM મોદી વિકાસના પ્રોજેક્ટ્સની શ્રેણી શરૂ કરવા માટે છત્તીસગઢની મુલાકાત લેશે. 

રિફાઈનરીથી 3 કિલોમીટર દૂર હડકલખાતી ગામમાં સભાને સંબોધતા PM મોદીએ કહ્યું કે અભિમાની ગઠબંધન સનાતનને સમાપ્ત કરવા માંગે છે. અહીંથી  PM મોદીએ 1800 કરોડ રૂપિયાના ઔદ્યોગિક પ્રોજેક્ટનો વર્ચ્યુઅલ રીતે શિલાન્યાસ કર્યો હતો. જેમાં નર્મદાપુરમનો એનર્જી અને રિન્યુએબલ એનર્જી પ્રોડક્શન ઝોન, આઈટી પાર્ક-3 અને 4 ઈન્દોર, મેગા ઈન્ડસ્ટ્રિયલ પાર્ક રતલામ, 6 ઈન્ડસ્ટ્રિયલ પાર્ક્સ (નર્મદાપુરમ, ગુના, શાજાપુર, મૌગંજ, અગર-માલવા અને મકસી)નો સમાવેશ થાય છે.

બીનામાં એક કાર્યક્રમ દરમિયાન ₹ 50,700 કરોડથી વધુના પ્રોજેક્ટનો શિલાન્યાસ કર્યા પછી PM મોદીએ કહ્યું, “બુંદેલખંડ બહાદુરોની ભૂમિ છે. તેમાં બીના અને બેતવા બંનેના આશીર્વાદ છે.”

પેટ્રોકેમિકલ પ્લાન્ટ ભારતને આત્મનિર્ભર બનાવવામાં મદદ કરશે 

તેમણે કહ્યું કે “આજે, બીના રિફાઈનરીમાં પેટ્રોકેમિકલ પ્લાન્ટનું ઉદ્ઘાટન ભારતને આત્મનિર્ભર બનાવવામાં મદદ કરશે. આધુનિક પેટ્રોકેમિકલ પ્લાન્ટ બીનાને નવી ઊંચાઈઓ પર લઈ જશે. આ સાથે અહીં નવા ઉદ્યોગો આવશે અને MSME ને તકો મળશે અને યુવાનોને નોકરીની તકો મળશે.

PM મોદીએ કહ્યું, “તમે બધાએ જોયું છે કે કેવી રીતે ભારતે G20 સમિટનું સફળતાપૂર્વક આયોજન કર્યું છે. G20 સમિટની સફળતાનો શ્રેય દેશના લોકોને જાય છે. તે 140 કરોડ લોકોની સફળતા છે. “

વિપક્ષી ગઠબંધન ઈન્ડિયા પર, PM મોદીએ કહ્યું, “આ ઈન્ડિયા ગઠબંધનમાં કોઈ નેતા નથી. તેઓએ ભારતની સંસ્કૃતિ પર હુમલો કરવા માટે એક છુપાયેલા એજન્ડા પર પણ નિર્ણય લીધો છે. ઈન્ડિયા ગઠબંધન ‘સનાતન’ સંસ્કૃતિનો અંત લાવવા માટે એક સાથે આવ્યું છે. “

મધ્યપ્રદેશમાં સંબોધન કરતી વખતે, PM મોદીએ કહ્યું, “સરકાર દેશમાં મહિલાઓને 75 લાખ નવા ગેસ કનેક્શન આપશે.”

દેશની આયાત નિર્ભરતા ઘટશે

PM મોદીએ બીના રિફાઈનરીમાં ‘પેટ્રોકેમિકલ પ્લાન્ટ’ના મોડલનું નિરીક્ષણ કર્યું. આ એક અત્યાધુનિક રિફાઈનરી છે જે લગભગ 1,200 KTPA (કિલો-ટન પ્રતિ વર્ષ) ઈથિલિન, પ્રોપિલિન, ટેક્સટાઇલ, પેકેજિંગ અને ફાર્મા જેવા વિવિધ ક્ષેત્રો માટેના મહત્વપૂર્ણ ઘટકોનું ઉત્પાદન કરશે

આ પેટ્રોકેમિકલ પ્લાન્ટ પ્રોજેક્ટ દેશની આયાત નિર્ભરતા ઘટાડશે અને  PM મોદીના ‘આત્મનિર્ભર ભારત’ના વિઝનને પરિપૂર્ણ કરવા તરફનું એક પગલું હશે. 

PM મોદીએ વિપક્ષી ગઠબંધન ઈન્ડિયાને “ઘમંડિયા” (અહંકારી) ગણાવ્યું અને આરોપ લગાવ્યો કે તે સનાતન ધર્મને નષ્ટ કરવા માંગે છે. તેમનું નિવેદન DMKના નેતા અને તમિલનાડુના મંત્રી ઉદયનિધિ સ્ટાલિન દ્વારા કરવામાં આવેલી ટિપ્પણીના પગલે આવ્યું છે.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India