Janbhawna TimesBharatvarshSaurashtra KutchSalaam TeluguThe India Daily Live

દેશને મળશે પ્રથમ વોટર મેટ્રો: PM મોદી 25 એપ્રિલે લીલી ઝંડી આપશે

દેશની પ્રથમ વોટર મેટ્રો કેરળના કોચીમાં શરૂ થવાની છે. વડાપ્રધાન નરેન્દ્ર મોદી સત્તાવાર રીતે 25 એપ્રિલના રોજ તિરુવનંતપુરમથી તેનું ઉદ્ઘાટન કરશે. આ પ્રસંગે કેરળના મુખ્યમંત્રી પિનરાઈ વિજયને તેને રાજ્યનો ડ્રીમ પ્રોજેક્ટ ગણાવ્યો છે.  તો પ્રધાનમંત્રી કાર્યાલયથી મળેલી માહિતી અનુસાર આ પ્રવાસ વડાપ્રધાન  24 એપ્રિલથી શરૂ કરશે. જે બે દિવસનો રહેશે. વડાપ્રધાન મોદી બે દિવસીય પ્રવાસ […]

Admin
  • Last Updated : 14 July 2023, 07:06 AM IST

Share:

દેશની પ્રથમ વોટર મેટ્રો કેરળના કોચીમાં શરૂ થવાની છે. વડાપ્રધાન નરેન્દ્ર મોદી સત્તાવાર રીતે 25 એપ્રિલના રોજ તિરુવનંતપુરમથી તેનું ઉદ્ઘાટન કરશે. આ પ્રસંગે કેરળના મુખ્યમંત્રી પિનરાઈ વિજયને તેને રાજ્યનો ડ્રીમ પ્રોજેક્ટ ગણાવ્યો છે. 

તો પ્રધાનમંત્રી કાર્યાલયથી મળેલી માહિતી અનુસાર આ પ્રવાસ વડાપ્રધાન  24 એપ્રિલથી શરૂ કરશે. જે બે દિવસનો રહેશે. વડાપ્રધાન મોદી બે દિવસીય પ્રવાસ 36 કલાકમાં લગભગ 5,000 માઇલની મુસાફરી કરશે, આઠ કાર્યક્રમોમાં હાજરી આપશે અને સાત જુદા જુદા નગરોમાં રોકાશે. રાજધાનીથી રવાના થયા બાદ પીએમ સૌપ્રથમ મધ્ય ભારતમાં એટલે કે મધ્ય પ્રદેશની મુલાકાત લેશે. ત્યારબાદ તે દક્ષિણમાં કેરળ જશે. એ બાદ પશ્ચિમમાં કેન્દ્રશાસિત પ્રદેશમાં થોડો સમય વિતાવશે અને પછી દિલ્હી પરત ફરશે.

હવે કોચી વોટર મેટ્રોની વાત કરીએ તો તેનું નિર્માણ પોર્ટ સિટીમાં રૂ. 1,136.83 કરોડના ખર્ચે કરવામાં આવ્યું છે. આ પ્રોજેક્ટ હેઠળ કોચીની આસપાસ સ્થિત 10 ટાપુઓને જોડવામાં આવશે. આ માટે બેટરીથી ચાલતી હાઇબ્રિડ બોટનો ઉપયોગ કરવામાં આવશે. જ્યાં આ બોટોમાં અદ્યતન ટેકનોલોજી હશે. એ સાથે તે ઈકો ફ્રેન્ડલી પણ હશે. કેરળ વોટર મેટ્રો સંપૂર્ણ એરકન્ડિશન્ડ, ઇકો-ફ્રેન્ડલી હોવા ઉપરાંત દિવ્યાંગો માટેની સુવિધાઓનું પણ ધ્યાન રાખે છે.

વોટર મેટ્રો પ્રોજેક્ટમાં 78 ઇલેક્ટ્રિક બોટ અને 38 ટર્મિનલ હશે. આ પ્રોજેક્ટ કેરળ સરકાર અને KFW દ્વારા ભંડોળ પૂરું પાડવામાં આવે છે. પ્રોજેક્ટના પ્રથમ તબક્કામાં તેને હાઈકોર્ટ-વાઈપિન ટર્મિનલ અને વિટ્ટીલા-કક્કનાડ ટર્મિનલ વચ્ચે શરૂ કરવામાં આવશે.વોટર મેટ્રો પ્રોજેક્ટ 78 કિલોમીટરમાં ફેલાયેલો છે અને તે 15 રૂટમાંથી પસાર થશે.

ખાસ વાત એ છે કે, કોચી મેટ્રો અને વોટર મેટ્રો બંને એક જ કાર્ડ દ્વારા મુસાફરી કરી શકે છે. આ માટે મુસાફરોએ કોચી-1 કાર્ડનો ઉપયોગ કરવાનો રહેશે. ઉપરાંત, તેઓ ડિજિટલ રીતે પણ ટિકિટ બુક કરી શકે છે. વોટર મેટ્રોમાં વન ટાઈમ ટ્રાવેલની ટિકિટની સાથે સાપ્તાહિક, માસિક અને ત્રણ મહિનાના પાસની પણ વ્યવસ્થા કરવામાં આવી છે. વોટર મેટ્રોમાં ડિસ્કાઉન્ટ પાસની સુવિધા પણ આપવામાં આવી છે. સાપ્તાહિક પાસ 180 રૂપિયા છે. આ 12 વખત મુસાફરી કરી શકે છે. 50 ટ્રિપ્સ સાથેના 30-દિવસના પાસની કિંમત 600 રૂપિયા છે, જ્યારે 150 ટ્રિપ્સ સાથે 90-દિવસના પાસની કિંમત 1,500 રૂપિયા છે.શરૂઆતમાં વોટર મેટ્રો સવારે 7 થી રાત્રે 8 વાગ્યા સુધી ચાલશે. તે પીક અવર્સ દરમિયાન દર 15 મિનિટે ઉપલબ્ધ રહેશે.

Tags :

Related News

Recent News

×