Rahul Gandhiએ અદાણી પર 32 હજાર કરોડના કૌભાંડનો આરોપ લગાવ્યો

Rahul Gandhi: કોંગ્રેસના નેતા રાહુલ ગાંધીએ ફરી એકવાર ગૌતમ અદાણી (Adani) પર નિશાન સાધ્યું છે અને આરોપ લગાવ્યો છે કે અદાણીએ 32 હજાર કરોડ રૂપિયાનું કૌભાંડ કર્યું છે. આ ઉપરાંત, રાહુલ ગાંધીએ વચન આપ્યું છે કે જો કોંગ્રેસ 2024ની રાષ્ટ્રીય ચૂંટણીમાં ફરીથી સત્તા મેળવશે તો અદાણી ગ્રુપની તપાસ કરશે. તેમણે વડાપ્રધાન નરેન્દ્ર મોદીને અદાણી જૂથની […]

Last Updated : 18 October 2023, 12:51 PM IST

Rahul Gandhi: કોંગ્રેસના નેતા રાહુલ ગાંધીએ ફરી એકવાર ગૌતમ અદાણી (Adani) પર નિશાન સાધ્યું છે અને આરોપ લગાવ્યો છે કે અદાણીએ 32 હજાર કરોડ રૂપિયાનું કૌભાંડ કર્યું છે. આ ઉપરાંત, રાહુલ ગાંધીએ વચન આપ્યું છે કે જો કોંગ્રેસ 2024ની રાષ્ટ્રીય ચૂંટણીમાં ફરીથી સત્તા મેળવશે તો અદાણી ગ્રુપની તપાસ કરશે. તેમણે વડાપ્રધાન નરેન્દ્ર મોદીને અદાણી જૂથની તપાસ શરૂ કરીને તેમની વિશ્વસનીયતા બચાવવા માટે પણ હાકલ કરી હતી.

રાહુલ ગાંધી (Rahul Gandhi)એ કહ્યું કે અદાણી વિશેના ઘટસ્ફોટ અસર પેદા કરી રહ્યા છે. હવે, વડાપ્રધાન નરેન્દ્ર મોદીની વિશ્વસનીયતા પર પ્રશ્નો ઉભા થઈ રહ્યા છે કારણ કે તેમનું રક્ષણ કરનાર માત્ર એક જ વ્યક્તિ છે. હું વડાપ્રધાનને મદદ કરવાનો પ્રયાસ કરી રહ્યો છું. પરંતુ તેઓ સ્પષ્ટીકરણ આપવા માંગતા નથી.

રાહુલ ગાંધીએ આ મહિને બ્રિટિશ બિઝનેસ ડેઈલી ધ ફાઈનાન્શિયલ ટાઈમ્સ (FT)માં અદાણી (Adani)ગ્રૂપના કોલસાની આયાતના ઓવર-ઈન્વોઈસિંગ અંગેના અહેવાલનો ઉલ્લેખ કર્યો હતો. તેમણે વડાપ્રધાન નરેન્દ્ર મોદી પર અદાણી (Adani)ને બચાવવાનો આરોપ લગાવ્યો હતો. રાહુલ ગાંધીએ કહ્યું કે “અદાણી ઈન્ડોનેશિયામાં કોલસો ખરીદે છે અને ભારતમાં તેનો દર બમણો થઈ જાય છે. તેઓ કોલસાના ભાવને ખોટી રીતે રજૂ કરે છે.”

વધુ વાંચો: રાહુલ ગાંધીએ વડાપ્રધાનને ઈઝરાયલની ચિંતા વધારે હોવાનો કટાક્ષ કર્યો

Rahul Gandhiની પત્રકાર પરિષદ

પ્રેસ કોન્ફરન્સમાં રાહુલ ગાંધી (Rahul Gandhi)એ કહ્યું કે, “લોકો વીજળી ચાલુ કરે છે અને પૈસા અદાણીના ખિસ્સામાં જાય છે. અદાણીને ભારતના વડાપ્રધાન નરેન્દ્ર મોદી દ્વારા સુરક્ષિત કરવામાં આવે છે. દુનિયાના અન્ય દેશોમાં તપાસ થઈ રહી છે પરંતુ ભારતમાં અદાણીને બ્લેન્ક ચેક આપવામાં આવ્યો છે. તે જે ઈચ્છે તે કરી શકે છે. લોકોએ 32,000 કરોડ રૂપિયાનો આંકડો યાદ રાખવો જોઈએ. અદાણીમાં એવું શું છે કે સરકાર તેની તપાસ કરતી નથી ? તેમની પાછળ કોની શક્તિ છે?”

રાહુલ ગાંધી (Rahul Gandhi)ને જયારે પૂછવામાં આવ્યું કે, અદાણી મુદ્દે ઈન્ડિયા ગઠબંધન એકજૂટ હોવા છતાં તેઓ શરદ પવારની અદાણી સાથેની બેઠક પર સવાલ કેમ ઉઠાવતા નથી? આ સવાલના જવાબમાં કોંગ્રેસ સાંસદ રાહુલ ગાંધીએ કહ્યું કે મેં શરદ પવારને પૂછ્યું નથી. કારણ કે, તે ભારતના વડાપ્રધાન નથી. શરદ પવાર બચાવ પણ કરી રહ્યા નથી. જો શરદ પવાર ભારતના વડાપ્રધાન હોત અને અદાણીનું રક્ષણ કરતા હોત તો હું આ પ્રશ્ન શરદ પવારને પણ પૂછતો.”

રાહુલ ગાંધી (Rahul Gandhi)એ કહ્યું કે અદાણીએ કોલસાના ખોટા ભાવ બતાવીને વીજળીના ભાવ વધારીને લોકો પાસેથી 12 હજાર કરોડ રૂપિયા વસૂલ કર્યા છે. વીજળીના વધતા ભાવ પાછળ અદાણીનો હાથ છે. અમે કર્ણાટક અને રાજસ્થાનમાં લોકોને સબસિડી આપી રહ્યા છીએ જ્યારે અદાણી કિંમતમાં વધારો કરી રહી છે.

વધુ વાંચો: હું વિરોધીઓને મારા શિક્ષક માનું છું

Tags :