રેપર બાદશાહેને શા માટે માંગવી પડી માફી ?

રેપ સિંગર બાદશાહ તેના મેગા-હિટ જેમ કે પાની પાની, જુગનુ અને અન્ય અસંખ્ય ગીતો માટે જાણીતો છે. હાલમાં તેના લેટેસ્ટ ગીત સનક માટે લાઈમલાઈટ મેળવી રહ્યો છે. ગીત રિલીઝ થયું ત્યારથી, સનકને 22 મિલિયનથી વધુ વ્યૂ મળ્યા છે અને ઘણા શ્રોતાઓએ ગીતો સામે વાંધો ઉઠાવ્યો છે. બાદશાહના તાજેતરમાં આવેલ ગીત “સનક” એ 22 મિલિયનથી વધુ […]

રેપ સિંગર બાદશાહ તેના મેગા-હિટ જેમ કે પાની પાની, જુગનુ અને અન્ય અસંખ્ય ગીતો માટે જાણીતો છે. હાલમાં તેના લેટેસ્ટ ગીત સનક માટે લાઈમલાઈટ મેળવી રહ્યો છે. ગીત રિલીઝ થયું ત્યારથી, સનકને 22 મિલિયનથી વધુ વ્યૂ મળ્યા છે અને ઘણા શ્રોતાઓએ ગીતો સામે વાંધો ઉઠાવ્યો છે.

બાદશાહના તાજેતરમાં આવેલ ગીત “સનક” એ 22 મિલિયનથી વધુ વ્યુઝ મેળવ્યા છે અને સાથે જ ગીતમાં ભગવાન શિવના નામ (ભોલેનાથ)નો ઉપયોગ કરવા બદલ ટીકા પણ થઈ રહી છે. ત્યારબાદ બાદશાહે  “ધાર્મિક લાગણીઓને ઠેસ પહોંચાડવા” બદલ તેના ચાહકો માટે માફી પત્ર લખ્યો

24 એપ્રિલ, સોમવારે બાદશાહે ઇન્સ્ટાગ્રામ પર જઈને તેના પ્રશંસકોની લાગણીઓને ઠેસ પહોંચાડવા બદલ માફી માગતી પોસ્ટ કરી હતી. તેણે લખ્યું, “મારા ધ્યાન પર લાવવામાં આવ્યું છે કે મારું તાજેતરની રીલિઝ થયેલું ગીત, સનક, દુર્ભાગ્યે કેટલાક લોકોની ભાવનાઓને ઠેસ પહોંચાડી હોય તેવું લાગે છે. હું ક્યારેય પણ ઈચ્છાથી અથવા અજાણતા કોઈની લાગણીઓને ઠેસ પહોંચાડીશ નહિ. હું મારી કલાત્મક રચનાઓ લાવીશ અને મારા ચાહકો માટે  અત્યંત ઇમાનદારી અને જુસ્સા સાથે સંગીતની રચનાઓ કરીશ.”

બાદશાહે વધુમાં ઉમેર્યું હતું કે “મેં ગીતના કેટલાક ભાગોને બદલવા માટે સક્રિય પગલાં લીધાં છે અને કોઈને દુ::ખ ન થાય તે માટે તમામ ડિજિટલ પ્લેટફોર્મ પર આ નવા ગીત સાથે રિપ્લેસમેન્ટની કાર્યવાહી કરી છે. તમામ પ્લેટફોર્મ્સ પર રિપ્લેસમેન્ટ પ્રક્રિયામાં થોડા દિવસો લાગશે. હું દરેકને આ સમયગાળા દરમિયાન ધીરજ રાખવા વિનંતી કરું છું. જેમને મે અજાણતાં દુઃખી કર્યા હોઈ શકે છે તેઓની હું નમ્રતાપૂર્વક મારી નિષ્ઠાપૂર્વક માફી માંગું છું. મારા ચાહકો મારા પાયાનો આધાર છે, અને હું તેમને હંમેશા સર્વોચ્ચ સન્માન અને અપાર સ્નેહ સાથે રાખીશ, “

ઉજ્જૈનના મહાકાલેશ્વર મંદિરના એક વરિષ્ઠ પૂજારીએ ગીતમાં ભગવાન શિવના નામ (ભોલેનાથ)નો ઉપયોગ કરવા બદલ બાદશાહની ટીકા કરી હતી. વધુમાં, તેણે ગાયકને “ધાર્મિક લાગણીઓને ઠેસ પહોંચાડવા” માટે માફી માંગવા અને સનકમાંથી ભગવાનનું નામ દૂર કરવા કહ્યું હતું.

આ ગીતની નવી રજૂઆત ચાહકોને કેવી રીતે પ્રાપ્ત થશે અને કેટલી ગમશે તે હજુ જોવાનું બાકી છે.

દરમિયાન, એવા અહેવાલો હતા કે બાદશાહ ઈશા સાથે લગ્ન કરશે. મહત્વનું છે કે, રેપર બાદશાહના લગ્ન જાસ્મીન સાથે થયા હતા. જે લગ્નમાં તેઓને એક બાળક છે. જેનું નામ જેસામી ગ્રેસ મસીહ સિંઘ છે.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India