RBIએ રેપો રેટ 6.5% પર યથાવત રાખ્યો, મોનેટરી પોલિસી કમિટીની બેઠકમાં લેવાયો નિર્ણય

RBI (રિઝર્વ બેંક ઓફ ઈન્ડિયા) એ શુક્રવારે જણાવ્યું હતું કે પોલિસી રેપો રેટ 6.5% પર યથાવત છે. RBI ગવર્નર શક્તિકાંત દાસે 4-6 ઓક્ટોબર દરમિયાન યોજાયેલી સેન્ટ્રલ બેંકની વર્ષની પાંચમી મોનેટરી પોલિસી કમિટી બેઠકમાં સર્વસંમતિથી લેવામાં આવેલા નિર્ણયની જાહેરાત કરી હતી. RBI ગવર્નર શક્તિકાંત દાસના આ નિર્ણયથી હોમ લોનની EMIમાં વધારો થશે નહીં. ઊંચો મોંઘવારી દર […]

Last Updated : 06 October 2023, 01:09 PM IST

RBI (રિઝર્વ બેંક ઓફ ઈન્ડિયા) એ શુક્રવારે જણાવ્યું હતું કે પોલિસી રેપો રેટ 6.5% પર યથાવત છે. RBI ગવર્નર શક્તિકાંત દાસે 4-6 ઓક્ટોબર દરમિયાન યોજાયેલી સેન્ટ્રલ બેંકની વર્ષની પાંચમી મોનેટરી પોલિસી કમિટી બેઠકમાં સર્વસંમતિથી લેવામાં આવેલા નિર્ણયની જાહેરાત કરી હતી. RBI ગવર્નર શક્તિકાંત દાસના આ નિર્ણયથી હોમ લોનની EMIમાં વધારો થશે નહીં.

ઊંચો મોંઘવારી દર અર્થતંત્ર માટે ખતરો

આ સતત ચોથી મોનેટરી પોલિસી કમિટી બેઠક છે જેમાં RBI ગવર્નર શક્તિકાંત દાસની અધ્યક્ષતામાં RBIની 6 સભ્યોની મોનેટરી પોલિસી કમિટી (MPC) એ રેપો રેટ યથાવત રાખ્યો હતો.

RBI ગવર્નર શક્તિકાંત દાસે કહ્યું કે ફુગાવો ઘટવાની આશા છે. રેપો રેટમાં વધારાની અસર અર્થવ્યવસ્થા પર દેખાઈ રહી છે. RBI ગવર્નર શક્તિકાંત દાસના મતે ઊંચો મોંઘવારી દર અર્થતંત્ર માટે ખતરો છે.

વિશ્વમાં પડકારો હોવા છતાં, ભારત ગ્રોથ એન્જિન બન્યું

હાલમાં, રેપો રેટ 6.50 ટકા છે અને નિષ્ણાતો પહેલેથી જ તે સ્થિર રહેવાની અપેક્ષા રાખતા હતા. ગયા વર્ષે કેન્દ્રીય બેન્ક તેની ટોચે પહોંચેલા મોંઘવારી દરને અંકુશમાં લેવા માટે, આ દર એક પછી એક ઘણી વખત વધારવામાં આવ્યો હતો. મે 2022માં રેપો રેટ 4 ટકા હતો, જે ફેબ્રુઆરી 2023 સુધીમાં 6.50 ટકા સુધી પહોંચી ગયો હતો. જો કે ત્યાર પછી તેને યથાવત રાખવામાં આવ્યો છે. RBI ગવર્નર શક્તિકાંત દાસે કહ્યું કે વિશ્વમાં પડકારો હોવા છતાં, ભારત ગ્રોથ એન્જિન બનેલું છે.

ફેબ્રુઆરીમાં રેપોરેટમાં વધારો કરાયો હતો

RBIએ ફેબ્રુઆરી 2023માં રેપો રેટ વધારીને 6.5% કર્યો હતો. ત્યારપછી તેમાં કોઈ ફેરફાર કરવામાં આવ્યો નથી. નાણાકીય નીતિની બેઠક દર બે મહિને થાય છે. આ નાણાકીય વર્ષની પ્રથમ બેઠક એપ્રિલમાં મળી હતી. જ્યારે ગત નાણાકીય વર્ષમાં રેપો રેટમાં 6 વખતમાં 2.50%નો વધારો કરવામાં આવ્યો હતો.

RBI ગવર્નર શક્તિકાંત દાસે કહ્યું કે તમામ મોનેટરી પોલિસી કમિટીના સભ્યો પોલિસી રેપો રેટ સ્થિર રાખવાના પક્ષમાં હતા. RBIએ પણ તેનાં ધોરણોમાં કોઈ ફેરફાર કર્યો નથી. 6માંથી 5 સભ્યો અનુકૂળ વલણ જાળવવાની તરફેણમાં હતા.

રેપો રેટ શું છે?

રેપો રેટ વ્યાજ દર છે કે જેના પર ભારતમાં રાષ્ટ્રીયકૃત સરકારી અને ખાનગી ક્ષેત્રની બેંકો RBI પાસેથી નાણાં ઉછીના લે છે. મોંઘવારી વધ્યા પછી, RBI રેપો રેટમાં વધારો કરે છે, જ્યારે ફુગાવાનો દર ઘટે છે ત્યારે તેને ઘટાડે છે. રિવર્સ રેપો રેટ એ વ્યાજ દર છે જેના પર જાહેર અને ખાનગી ક્ષેત્રની બેંકો તેમની થાપણો RBI પાસે રાખે છે. રેપો રેટનો અર્થ એ છે કે જ્યારે વ્યાપારી બેંકોને ભંડોળની અછતનો સામનો કરવો પડે છે, ત્યારે તેઓ RBI દ્વારા માન્ય સિક્યોરિટીઝ જેમ કે ટ્રેઝરી બિલ્સ વેચીને એક દિવસ માટે RBI પાસેથી લોન લે છે.

Tags :