Janbhawna TimesBharatvarshSaurashtra KutchSalaam TeluguThe India Daily Live

ખલિસ્તાની કટ્ટરપંથી અમૃતપાલ સિંહની પંજાબ પોલીસે ધરપકડ કરી 

છેલ્લાં કેટલાંય સમયથી ફરાર અમૃતપાલ સિંહને આખરે પોલીસ ઝડપી લીધો છે અને તેને આસામની દિબ્રુગઢ સેન્ટ્રલ જેલમાં લઈ જવામાં આવ્યો છે. અમૃતપાલ સિંહ અજનાલા ઘટના પછી ફરાર હતો અને અનેક જગ્યાએ તેને શોધવા છાપા મારવામાં આવ્યા છતાં તે હાથ આવતો નહતો. દરમ્યાન તે વિડીયો મૂકીને તેનો કોઈ વાળ પણ વાંકો નહીં કરી શકે તેમ પણ […]

Admin
  • Last Updated : 14 July 2023, 06:32 AM IST

Share:

છેલ્લાં કેટલાંય સમયથી ફરાર અમૃતપાલ સિંહને આખરે પોલીસ ઝડપી લીધો છે અને તેને આસામની દિબ્રુગઢ સેન્ટ્રલ જેલમાં લઈ જવામાં આવ્યો છે. અમૃતપાલ સિંહ અજનાલા ઘટના પછી ફરાર હતો અને અનેક જગ્યાએ તેને શોધવા છાપા મારવામાં આવ્યા છતાં તે હાથ આવતો નહતો. દરમ્યાન તે વિડીયો મૂકીને તેનો કોઈ વાળ પણ વાંકો નહીં કરી શકે તેમ પણ કહેતો હતો. 

કટ્ટરપંથી ઉપદેશક અમૃતપાલ સિંહ 18 માર્ચથી ભાગી રહ્યો હતો, તેણે આજે મોગામાં પંજાબ પોલીસ સમક્ષ આત્મસમર્પણ કર્યું. પોલીસે તેની ધરપકડ કરી છે અને તેને આસામના ડિબ્રુગઢની સેન્ટ્રલ જેલમાં લઈ જવામાં આવ્યો છે. 

પંજાબ પોલીસે લોકોને શાંતિ જાળવવા અને અફવાઓ ન ફેલાવવા જણાવ્યું છે. 

આ અંગે પોલીસ ટ્વિટ કરતાં જણાવ્યું કે, ‘અમૃતપાલ સિંહની પંજાબના મોગામાં ધરપકડ કરવામાં આવી છે. પંજાબ પોલીસ દ્વારા સમયાંતરે  વધુ વિગતો શેર કરવામાં આવશે. નાગરિકોને શાંતિ અને સંવાદિતા જાળવવા વિનંતી કરો, કોઈ પણ નકલી સમાચાર શેર કરશો નહીં, હંમેશા ચકાસ્યા પછી જ શેર કરો,” 

પોલીસે જણાવ્યું કે 29 વર્ષીય યુવકે મોગા જિલ્લાનાં રોડે ગામમાં ગુરુદ્વારામાં આત્મસમર્પણ કર્યું. પંજાબ પોલીસના આઈજી સુખચૈન સિંઘ ગિલે જણાવ્યું હતું કે, “અમને માહિતી મળી હતી કે અમૃતપાલ સિંહ રોડે ગામમાં છે અને, તેને ઘેરી લેવામાં આવ્યો હતો અને બચવાની કોઈ તક નહોતી.”

ધરપકડ બાદ અલગતાવાદી અમૃતપાલ સિંહની તસવીરો સોશિયલ મીડિયા પર સામે આવી છે. તે પરંપરાગત સફેદ ઝભ્ભો પહેરેલો જોઈ શકાય છે.

અમૃતપાલ સિંહને આસામના ડિબ્રુગઢમાં ખસેડવામાં આવ્યો છે, જ્યાં તેના આઠ સહાયકોને રાષ્ટ્રીય સુરક્ષા કાયદા હેઠળ પહેલેથી જ રાખવામાં આવ્યા છે, આ કાયદો  કોઈપણ આરોપ વિના એક વર્ષ સુધી અટકાયતની મંજૂરી આપે છે.

અમૃતપાલ સિંહ વિરુદ્ધ સરકારી કાર્યવાહીમાં અવરોધ, શાંતિ ભડકાવવા જેવા અનેક ગંભીર કેસ નોંધવામાં આવ્યા છે.

ફરાર અમૃતપાલ સિંહની ધરપકડ કરવા માટે ઘણા રાજ્યોમાં એલર્ટ જાહેર કરવામાં આવ્યું હતું. અમૃતપાલ નેપાળ થઈને પાકિસ્તાન ભાગી જવાની તૈયારીમાં હોવાના પણ સમાચાર હતા. 

અમૃતપાલ સિંહ તેમના સેંકડો સમર્થકો સાથે તેમના સાથીદારની ધરપકડના વિરોધમાં પોલીસ સ્ટેશનમાં પ્રવેશ્યો હતો. જ્યારે પોલીસે તેને રોકવાનો પ્રયાસ કર્યો તો હિંસા ફાટી નીકળી. જેમાં અનેક પોલીસકર્મીઓ પણ ઘાયલ થયા હતા. અમૃતપાલ પાલ થોડાં મહિના પહેલા લંડનથી પંજાબ પાછો આવ્યો હતો અને ત્યારથી તે વારિસ પંજાબ દે સંગઠનના વડાની જવાબદારી સંભાળી રહ્યો હતો.

ત્રણ  દિવસ પહેલા પંજાબ પોલીસે અમૃતપાલ સિંહની પત્ની કિરણદીપ કૌરને એરપોર્ટ પરથી અટકાયતમાં લીધી હતી. કિરણદીપ લંડન જવાની તૈયારી કરી રહી હતી.

Tags :

Related News

Recent News

×