CM એકનાથ શિંદેના નિવાસ સ્થાને ગણપતિ બાપ્પાના આશીર્વાદ લેવા પહોંચ્યા શાહરૂખ ખાન-સલમાન ખાન

રવિવારના રોજ મહારાષ્ટ્રના મુખ્યમંત્રી એકનાથ શિંદેના નિવાસ સ્થાને બોલિવુડના કલાકારોનો મેળાવડો જામ્યો હતો. અભિનેતા સલમાન ખાન અને શાહરૂખ ખાન પણ રવિવારે સાંજે મુખ્યમંત્રી એકનાથ શિંદેના નિવાસ સ્થાને ગણપતિજીના દર્શન કરવા માટે પહોંચ્યા હતા.  આ પ્રસંગે શાહરૂખ ખાને બ્લુ કલરનો કુર્તો પહેર્યો હતો જ્યારે સલમાન ખાન ગેરૂઆ કલરના કુર્તામાં જોવા મળ્યા હતા. મુખ્યમંત્રી એકનાથ શિંદેએ શાહરૂખ […]

રવિવારના રોજ મહારાષ્ટ્રના મુખ્યમંત્રી એકનાથ શિંદેના નિવાસ સ્થાને બોલિવુડના કલાકારોનો મેળાવડો જામ્યો હતો. અભિનેતા સલમાન ખાન અને શાહરૂખ ખાન પણ રવિવારે સાંજે મુખ્યમંત્રી એકનાથ શિંદેના નિવાસ સ્થાને ગણપતિજીના દર્શન કરવા માટે પહોંચ્યા હતા. 

આ પ્રસંગે શાહરૂખ ખાને બ્લુ કલરનો કુર્તો પહેર્યો હતો જ્યારે સલમાન ખાન ગેરૂઆ કલરના કુર્તામાં જોવા મળ્યા હતા. મુખ્યમંત્રી એકનાથ શિંદેએ શાહરૂખ ખાન અને સલમાન ખાનનું શાલ આપીને સ્વાગત કર્યું હતું. આ સાથે જ તેમણે બંને કલાકારોને ગણપતિ બાપ્પાની મૂર્તિ પણ ભેટમાં આપી હતી.

સલમાન ખાનની બહેન અર્પિતા પણ પોતાના પતિ આયુષ શર્મા સાથે ત્યાં જોવા મળી હતી. તે સિવાય ભૂષણ કુમાર, આશા ભોસલે, પંકજ ત્રિપાઠી, અર્જુન રામપાલ, બોની કપૂર અને ખુશી કપૂર પણ મુખ્યમંત્રી એકનાથ શિંદેના નિવાસ સ્થાને ગણપતિ બાપ્પાના આશીર્વાદ લેવા માટે પહોંચ્યા હતા.

એકનાથ શિંદેના નિવાસ સ્થાને બોલિવુડના પીઢ અભિનેતા જેકી શ્રોફે પણ ગણેશ ઉત્સવમાં હાજરી આપી હતી. તે સમયે શાહરૂખ ખાને તેમને પ્રેમથી ગળે લગાવી લીધા હતા અને ગાલ પર કિસ પણ કરી હતી. નોંધનીય છે કે, શાહરૂખ ખાન અને જેકી શ્રોફે કિંગ અંકલ, દેવદાસ અને હેપ્પી ન્યૂ યર જેવી ફિલ્મોમાં એકસાથે કામ કરેલું છે. 

શાહરૂખ ખાન અને સલમાન ખાન ભવિષ્યમાં ટાઈગર વર્સિસ પઠાણ ફિલ્મ દ્વારા સ્ક્રીન પર એકસાથે જોવા મળવાના છે. જોકે તે પહેલા બંને મુખ્યમંત્રી એકનાથ શિંદેના નિવાસ સ્થાને એકઠા થઈ ગયા હતા. શાહરૂખ ખાન અને સલમાન ખાને મુખ્યમંત્રી સાથે તસવીર પણ પડાવી હતી. 

શાહરૂખ ખાને ત્યાર બાદ ટી-સીરિઝની ઓફિસની પણ મુલાકાત લીધી હતી. તે સમયે શાહરૂખ ખાનની સાથે તેની મેનેજર પૂજા દદલાની પણ હતી અને તેમણે ટી-સીરિઝની ઓફિસમાં આરતી પણ ઉતારી હતી. શાહરૂખ ખાને તાજેતરમાં જ પોતાના નાના પુત્ર અબરામ અને મેનેજર પૂજા સાથે મુંબઈના પ્રખ્યાત લાલબાગચા રાજાના પણ દર્શન કર્યા હતા.

મુખ્યમંત્રી એકનાથ શિંદેના નિવાસ સ્થાને શાહરૂખ ખાન અને સલમાન ખાનને એકસાથે જોઈને તેમના ચાહકોમાં ભારે આનંદ વ્યાપ્યો હતો. આ દરમિયાન શાહરૂખ ખાન અને સલમાન ખાનના લુકને લઈ પણ ભારે ચર્ચા જાગી હતી. સાથે જ સલમાન ખાનની હેરસ્ટાઈલ પણ આકર્ષણનું કેન્દ્ર બની હતી.
 

સલમાન ખાને ગેરૂઆ કુર્તાની ઉપર ભગવો ગમછો ઓઢ્યો હતો જેના પર શ્રી ગણેશાય નમઃ લખ્યું હતું. યુઝર્સે સલમાન ખાનના આ લુક પર અનેક પ્રતિક્રિયાઓ દર્શાવી હતી. એક યુઝરે સલમાન ખાન સનાતની લાગે છે તેમ લખ્યું હતું. અન્ય એક યુઝરે સલમાન ખાનના આ લુક અંગે ટીખળ કરતા લખ્યું હતું કે, “તમને પણ ભગવા રંગમાં રંગી દીધા.”

અન્ય એક યુઝરે સલમાન ખાન પંડિતજી કેમ બની ગયા એ પ્રકારની રમૂજી કોમેન્ટ કરી હતી.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India