સુપ્રીમ કોર્ટે મહિલાઓ માટે ઉપયોગમાં લેવાતા શબ્દો માટે કોમ્બેટ હેન્ડબુક લોન્ચ કરી

હવે સુપ્રીમ કોર્ટમાં જજ અને વકીલોએ પણ કોઈ પણ નિર્ણય કે દલીલ કરતાં સમયે શબ્દોની મર્યાદા જાળવવી પડશે. અત્યાર સુધી પ્રોસ્ટિટ્યુટ, બાસ્ટર્ડ જેવા બોલાતા શબ્દોને સ્થાને નવી શબ્દાવલી જાહેર કરાઈ છે. અર્થાત હવે સુપ્રીમ કોર્ટના નિર્ણયો અને દલીલોમાં જેન્ડર સ્ટીરિયોટાઇપ શબ્દોનો ઉપયોગ કરવામાં આવશે નહીં. સુપ્રીમ કોર્ટે મહિલાઓ માટે વપરાતા અપમાનજનક શબ્દો પર પ્રતિબંધ લગાવવા […]

હવે સુપ્રીમ કોર્ટમાં જજ અને વકીલોએ પણ કોઈ પણ નિર્ણય કે દલીલ કરતાં સમયે શબ્દોની મર્યાદા જાળવવી પડશે. અત્યાર સુધી પ્રોસ્ટિટ્યુટ, બાસ્ટર્ડ જેવા બોલાતા શબ્દોને સ્થાને નવી શબ્દાવલી જાહેર કરાઈ છે. અર્થાત હવે સુપ્રીમ કોર્ટના નિર્ણયો અને દલીલોમાં જેન્ડર સ્ટીરિયોટાઇપ શબ્દોનો ઉપયોગ કરવામાં આવશે નહીં. સુપ્રીમ કોર્ટે મહિલાઓ માટે વપરાતા અપમાનજનક શબ્દો પર પ્રતિબંધ લગાવવા માટે જેન્ડર સ્ટીરિયોટાઇપ્સ કોમ્બેટ હેન્ડબુક લોન્ચ કરી.

સુપ્રીમ કોર્ટના 3 મહિલા ન્યાયાધીશે બનાવી શબ્દાવલી

8 માર્ચે મહિલા દિવસ પર સુપ્રીમ કોર્ટમાં આયોજિત એક કાર્યક્રમમાં CJI DY ચંદ્રચુડે કહ્યું હતું કે કાયદાકીય બાબતોમાં મહિલાઓ માટે વાંધાજનક શબ્દોનો ઉપયોગ બંધ થશે, ટૂંક સમયમાં એક શબ્દકોશ પણ આવશે.

બુધવાર, 16 ઓગસ્ટના રોજ હેન્ડબુક બહાર પાડતા, CJI ચંદ્રચુડે જણાવ્યું હતું કે તે ન્યાયાધીશો અને વકીલોને સમજવામાં સરળ બનાવશે કે કયા શબ્દો સ્ટીરિયોટાઇપિકલ છે અને તેનો ઉપયોગ કેવી રીતે ટાળવો જોઈએ.

જેન્ડર સ્ટીરિયોટાઇપ કોમ્બેટ હેન્ડબુક લોન્ચ થઈ

CJI ચંદ્રચુડે કહ્યું કે આ હેન્ડબુકમાં વાંધાજનક શબ્દોની યાદી છે અને તેની જગ્યાએ ઉપયોગમાં લેવાતા શબ્દો અને વાક્યો આપવામાં આવ્યા છે. તેનો ઉપયોગ કોર્ટમાં દલીલો આપવા, ઓર્ડર આપવા અને તેની નકલો તૈયાર કરવા માટે થઈ શકે છે. આ હેન્ડબુક વકીલો તેમજ ન્યાયાધીશો માટે છે.

આ હેન્ડબુકમાં એવા શબ્દો છે જે ભૂતકાળમાં અદાલતો દ્વારા ઉપયોગમાં લેવાયા છે. શબ્દો કેમ ખોટા છે અને તે કાયદાને કેવી રીતે વધુ બગાડી શકે છે તે પણ સમજાવવામાં આવ્યું છે.  આ શબ્દાવલીમાં અફેરને બદલે લગ્ન બહાર સંબંધ, પ્રોસ્ટિટ્યુટને બદલે સેક્સ વર્કર, અવિવાહિત માતાને બદલે માતા, ચાઇલ્ડ પ્રોસ્ટિટ્યુટને બદલે તસ્કરી કરીને લાવેલું બાળક, ઇવ ટીઝિંગને બદલે સ્ટ્રીટ સેક્સ્યુઅલ હેરેસમેન્ટ સહિતના શબ્દો સામેલ છે.

CJI ચંદ્રચુડે કહ્યું કે આ હેન્ડબુક તૈયાર કરવાનો હેતુ કોઈ નિર્ણયની ટીકા કે શંકા કરવાનો નથી, પરંતુ એ જણાવવાનો છે કે કેવી રીતે અજાણતા રૂઢિચુસ્તતાની પરંપરા ચાલી રહી છે. કોર્ટનો હેતુ એ સમજાવવાનો છે કે સ્ટીરિયોટાઇપિંગ શું છે અને તેનાથી શું નુકસાન થાય છે, જેથી કોર્ટ મહિલાઓ વિરુદ્ધ વાંધાજનક ભાષાના ઉપયોગથી બચી શકે. તેને ટૂંક સમયમાં સુપ્રીમ કોર્ટની વેબસાઈટ પર અપલોડ કરવામાં આવશે.

કોલકાતા હાઈકોર્ટની ટીમે પરિભાષા તૈયાર કરી

CJI ચંદ્રચુડ દ્વારા ઉલ્લેખિત કાનૂની પરિભાષા કોલકાતા હાઈકોર્ટના જસ્ટિસ મૌસુમી ભટ્ટાચાર્યની અધ્યક્ષતાવાળી સમિતિ દ્વારા તૈયાર કરવામાં આવી છે. આ સમિતિમાં નિવૃત્ત જસ્ટિસ પ્રભા શ્રીદેવન અને જસ્ટિસ ગીતા મિત્તલ અને પ્રોફેસર ઝુમા સેનનો સમાવેશ થાય છે, જેઓ હાલમાં પશ્ચિમ બંગાળ નેશનલ યુનિવર્સિટી ઑફ જ્યુરિડિકલ સાયન્સ, કોલકાતામાં ફેકલ્ટી મેમ્બર છે.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India