H-1B વિઝા ધારકોના જીવનસાથી પણ અમેરિકામાં કામ કરી શકશે

અમેરિકામાં વસતા H-1B વિઝા ધારકોના જીવનસાથી પણ આ દેશમાં કામ કરવા કરી શકશે તેવો ચુકાદો યુએસ ડિસ્ટ્રિક્ટ જજ, તાન્યા ચુટકને,આપીને યુએસ ટેક સેક્ટરમાં વિદેશી કામદારોને નોંધપાત્ર રાહત આપી છે. ન્યાયાધીશ ચૂટકને સેવ જોબ્સ યુએસએ દ્વારા દાખલ કરાયેલા મુકદ્દમાને ફગાવી દીધો હતો અને આ નિર્ણય જાહેર કર્યો હતો.  જેનો ઉદ્દેશ્ય ઓબામા સમયનાં નિયમને રદ કરવાનો હતો […]

અમેરિકામાં વસતા H-1B વિઝા ધારકોના જીવનસાથી પણ આ દેશમાં કામ કરવા કરી શકશે તેવો ચુકાદો યુએસ ડિસ્ટ્રિક્ટ જજ, તાન્યા ચુટકને,આપીને યુએસ ટેક સેક્ટરમાં વિદેશી કામદારોને નોંધપાત્ર રાહત આપી છે. ન્યાયાધીશ ચૂટકને સેવ જોબ્સ યુએસએ દ્વારા દાખલ કરાયેલા મુકદ્દમાને ફગાવી દીધો હતો અને આ નિર્ણય જાહેર કર્યો હતો. 

જેનો ઉદ્દેશ્ય ઓબામા સમયનાં નિયમને રદ કરવાનો હતો જેણે H-1B વિઝા ધારકોની અમુક શ્રેણીઓના જ જીવનસાથીઓને રોજગારન અધિકૃતતા કાર્ડ્સ આપ્યા હતા.

એપલ, એમેઝોન, ગૂગલ અને માઇક્રોસોફ્ટ જેવી અગ્રણી ટેક કંપનીઓ દ્વારા આ મુકદ્દમાનો વિરોધ કરવામાં આવ્યો હતો. યુ.એસ. દ્વારા H-1B કામદારોના જીવનસાથીઓને લગભગ એક લાખ વર્ક ઓથોરાઇઝેશન જારી કરવામાં આવ્યા છે, જેમાં નોંધપાત્ર સંખ્યામાં ભારતીયો છે.

ન્યાયાધીશ ચુટકને જણાવ્યું હતું કે કોંગ્રેસે યુએસ સરકારને H-4 જીવનસાથીઓના યુનાઇટેડ સ્ટેટ્સમાં રહેવાની અનુમતિપાત્ર શરત તરીકે રોજગારને અધિકૃત કરવાની સત્તા આપી હતી, સેવ જોબ્સ યુએસએની તેઓએ એ દલીલને નકારી કાઢી હતી કે કોંગ્રેસે ડિપાર્ટમેન્ટ ઓફ હોમલેન્ડ સિક્યુરિટીને H-4 વિઝા ધારકો જેવા વિદેશી નાગરિકોને  યુનાઇટેડ સ્ટેટ્સમાં તેમના રોકાણ દરમિયાન કામ કરવા માટે પરવાનગી આપવાનો અધિકાર આપ્યો ન હતો.

અમેરિકામાં કામ કરતા વિદેશી કામદારો માટે સારા સમાચાર છે. અમેરિકી કોર્ટે સ્પષ્ટ કર્યું છે કે જો કોઈની પાસે H-1B વિઝા છે તો તેના જીવનસાથીને દેશમાં કામ કરવાની છૂટ છે. કોર્ટના આદેશમાં, ન્યાયમૂર્તિ ચુટકને નોંધ્યું હતું કે સેવ જોબ્સ યુએસએની પ્રાથમિક દલીલ એ છે કે કોંગ્રેસે વિદેશી નાગરિકો, જેમ કે H-4 વિઝા ધારકોને યુનાઇટેડ સ્ટેટ્સમાં કામ કરવાની મંજૂરી આપવા માટે ડિપાર્ટમેન્ટ ઓફ હોમલેન્ડ સિક્યુરિટી ઓથોરિટી આપી નથી. ન્યાયાધીશે તેમના આદેશમાં સ્પષ્ટતા કરી છે કે કોંગ્રેસે સ્પષ્ટપણે અને ઇરાદાપૂર્વક યુએસ સરકારને H-4 જીવનસાથીના યુનાઇટેડ સ્ટેટ્સમાં રહેવાની અનુમતિપાત્ર શરત તરીકે રોજગાર અધિકૃત કરવા માટે અધિકૃત કર્યા છે. ડિપાર્ટમેન્ટ ઓફ હોમલેન્ડ સિક્યુરિટી અને તેના પુરોગામીઓએ માત્ર વિદ્યાર્થીઓ માટે જ નહીં, પરંતુ તેમના જીવનસાથીઓ અને આશ્રિતોને પણ રોજગાર અધિકૃત કર્યો છે.

ઇમિગ્રન્ટના એડવોકેટ અને અગ્રણી સમુદાયના નેતા અજય ભુટોરિયાએ કોર્ટના નિર્ણયને આવકાર્યો હતો. તેમણે કહ્યું કે H-1B વિઝા પ્રોગ્રામ કુશળ વિદેશી કામદારોને યુનાઇટેડ સ્ટેટ્સમાં આવવા અને અમેરિકન કંપનીઓ માટે કામ કરવાની મંજૂરી આપવા માટે રચાયેલ છે. જો કે, અત્યાર સુધી H-1B જીવનસાથીઓને કામ કરવાની મંજૂરી આપવામાં આવતી ન હતી, જેને કારણે  ઘણીવાર પરિવારો પર નોંધપાત્ર રીતે નાણાકીય બોજ વધી જતો હતો.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India