USમાં એક ભયાનક માર્ગ અકસ્માતે 6 ભારતીયોના જીવ લીધા, તમામ એક જ પરિવારના સભ્ય

અમેરિકાના ટેક્સાસમાં એક ભયાનક માર્ગ અકસ્માત સર્જાયો છે. જેમાં ભારતીય મૂળના એક જ પરિવારના છ લોકોના મોત થયા છે.

અમેરિકાના ટેક્સાસમાં એક ભયાનક માર્ગ અકસ્માતમાં બે બાળકો સહિત ભારતીય મૂળના એક પરિવારના ઓછામાં ઓછા છ લોકોના મોત થયા છે. અધિકારીઓએ આ માહિતી આપી હતી. ટેક્સાસ ડિપાર્ટમેન્ટ ઓફ પબ્લિક સેફ્ટી (ડીપીએસ) એ જણાવ્યું હતું કે જોન્સન કાઉન્ટી નજીક એક વાન અને ટ્રક સામસામે અથડાતાં અકસ્માત થયો હતો. અધિકારીએ જણાવ્યું કે આંધ્રપ્રદેશના અમલાપુરમ શહેરના એક જ પરિવારના સાત લોકો વાનમાં મુસાફરી કરી રહ્યા હતા.

તેમાંથી લોકેશ પોટાબાથુલા (43) નામનો જ વ્યક્તિ બચ્યો હતો. તે ગંભીર રીતે ઘાયલ છે. ડીપીએસએ બુધવારે વેન ડ્રાઈવરની ઓળખ ઈરવિંગના 28 વર્ષીય રૂશીલ બેરી તરીકે કરી હતી. તેણે અન્ય મૃતકોની ઓળખ લોકેશની પત્ની નવીના પોટાબાથુલા (36), તેમના બાળકો કાર્તિક પોટાબાથુલા (10) અને નિશિધા પોટાબાથુલા (9) અને માતા-પિતા નાગેશ્વર રાવ પોનડા (64), સીતામહાલક્ષ્મી પોનડા (60) તરીકે કરી છે. ભારતના કોન્સ્યુલેટ જનરલે જણાવ્યું હતું કે વૃદ્ધ વ્યક્તિ તેમની પુત્રી નવીના અને પૌત્રો કાર્તિક અને નિશિધાને મળવા ભારતથી આવ્યા હતા.

સીટ બેલ્ટ નહોતો પહેર્યો
ભારતીય કમિશન અનુસાર, દંપતી L1 વિઝા પર TCS માટે કામ કરી રહ્યું હતું અને અકસ્માતમાં માર્યા ગયેલા લોકો મુમ્મીદિવરમના ધારાસભ્ય પી. વેંકટ સતીશ કુમારના સંબંધીઓ હતા. ડીપીએસ તપાસકર્તાઓએ જણાવ્યું હતું કે ટ્રક કાઉન્ટી રોડ 1119 નજીક હાઈવે 67 પર દક્ષિણ તરફ જઈ રહી હતી, જ્યારે વાન તે જ વિસ્તારમાં ઉત્તર તરફ જઈ રહી હતી. ત્યારબાદ ટ્રક ઉત્તર તરફની લેનમાં ઘૂસી ગઈ હતી અને મિનિવાન સાથે અથડાઈ હતી. ડીપીએસએ જણાવ્યું હતું કે દુર્ઘટના સમયે વૃદ્ધ દંપતી અને તેમના બે બાળકોએ સીટ બેલ્ટ પહેર્યા ન હતા.

કલાકો સુધી બંધ રહ્યો હાઈવે
તેમણે કહ્યું કે ટ્રકમાં મુસાફરી કરી રહેલા બે 17 વર્ષના છોકરાઓને પણ ગંભીર ઈજાઓ થઈ હતી અને તેમને ફોર્ટ વર્થની હોસ્પિટલમાં દાખલ કરવામાં આવ્યા હતા. હાઇવે 67 ઘટના પછી કેટલાક કલાકો સુધી બંધ રહ્યો હતો, પરંતુ બાદમાં તેને ટ્રાફિક માટે ખોલવામાં આવ્યો હતો, એમ અધિકારીએ જણાવ્યું હતું. DPSએ ભારતીય કોન્સ્યુલેટ, ઈન્ડિયા એસોસિએશન ઓફ નોર્થ ટેક્સાસ, જ્યોર્જિયા સ્ટેટ પોલીસ અને જોન્સ ક્રીક પોલીસ વિભાગનો નજીકના સંબંધીઓને શોધવામાં મદદ કરવા બદલ આભાર માન્યો છે.

• 

  Ahmedabad Civil Hospital: બાળકો માટે યોજાશે

  Gujarat

• 

  અફઘાનિસ્તાનમાં પેસેન્જર પ્લેન ક્રેશ, મોસ્કો જઈ રહેલું પ્લેન રસ્તો ભટકી ગયું... વાંચો વિગતો

  International

• 

  ઈરાન-પાકિસ્તાન વચ્ચે આગળ શું થઈ શકે? જાણો ભારતે શા માટે રાખવી જોઈએ નજર?

  International

• 

  પાકિસ્તાની 'લાલ ટોપી'એ ઈરાનને ગાઝામાં ફેરવવાની ધમકી આપી.. ભારત વિરુદ્ધ ઓક્યું ઝેર

  International

• 

  Ayodhya: 22મીએ રામ લલ્લાની પ્રાણપ્રતિષ્ઠા કડકડતી ઠંડીમાં

  India