મંગળવારે જાપાનના ટોકિયોના એરપોર્ટ પર કોસ્ટ ગાર્ડનું એક વિમાન જાપાન એરલાઈન્સના વિમાન સાથે અથડાયું હતું. આ ઘટના હાનેડા એરપોર્ટ પર બની હતી. મીડિયાએ એક અહેવાલમાં જણાવ્યું હતું કે ટક્કર બાદ વિમાનમાં આગ લાગી હતી. ફાયર વિભાગ આગને કાબુમાં લેવા જહેમત ઉઠાવતો જોવા મળ્યો હતો. અકસ્માત સમયે જાપાન એરલાઈન્સના વિમાનમાં 367 મુસાફરો સવાર હતા. દુર્ઘટના બાદ પ્લેનની અંદર અફરાતફરી મચી ગઈ હતી. આકાશમાં આગના વાદળ દેખાવા લાગ્યા. ચીસો વચ્ચે કોઈક રીતે તમામ મુસાફરોને ઈમરજન્સી ગેટથી સુરક્ષિત બહાર કાઢવામાં આવ્યા હતા.
અહી જુઓ પ્લેન દુર્ઘટનાનો ચોંકાવનારો વીડિયો
#WATCH | A Japan Airlines jet was engulfed in flames at Tokyo's Haneda airport after a possible collision with a Coast Guard aircraft, with the airline saying that all 379 passengers and crew had been safely evacuated: Reuters
— ANI (@ANI) January 2, 2024
(Source: Reuters) pic.twitter.com/fohKUjk8U9
બ્રોડકાસ્ટર NHK પર ઉપલબ્ધ તસવીરોમાં જોઈ શકાય છે કે પ્લેન રનવે પર આગળ વધી રહ્યું હતું અને તેની નીચે અને પાછળ નારંગી જ્વાળાઓ ફૂટી રહી હતી. એરબસ પ્લેનમાં સવાર તમામ 367 મુસાફરોને બહાર કાઢવામાં આવ્યા છે. આ ઘટનાનું કારણ તાત્કાલિક સ્પષ્ટ થયું નથી, પરંતુ ટેલિવિઝન અહેવાલો અનુસાર એરબસ કોસ્ટ ગાર્ડ એરક્રાફ્ટ સાથે અથડાઈ હતી.
અહેવાલોમાં કહેવામાં આવ્યું છે કે વિમાન ઉત્તરી જાપાની ટાપુ હોક્કાઇડો પરના સાપોરો એરપોર્ટથી પહોંચ્યું હતું. વિશ્વના સૌથી વ્યસ્ત એરપોર્ટ પૈકીના એક હનેડા એરપોર્ટ પર કોસ્ટ ગાર્ડના અધિકારીએ જણાવ્યું હતું કે તેઓ તપાસ કરી રહ્યા છે. હજી સ્પષ્ટ નથી કે અથડામણ થઈ હતી કે નહીં, પરંતુ એ ચોક્કસ છે કે અમારું વિમાન સામેલ હતું.
ટેલિવિઝન ફૂટેજમાં બચાવકર્મીઓ દ્વારા સ્પ્રે કર્યા બાદ આગની જ્વાળાઓ પ્લેનથી નીચે જમીન પર પડતી જોવા મળી હતી. રનવે પર સળગતો કાટમાળ પણ હતો. NHKએ જણાવ્યું હતું કે 70થી વધુ ફાયર એન્જિન તૈનાત કરવામાં આવ્યા છે. ઉલ્લેખનીય છે કે, જાપાનમાં એક દિવસ પહેલા વિનાશક ભૂકંપ આવ્યો હતો. જેના કારણે અનેક શહેરોમાં તબાહીના દ્રશ્યો હજી પણ જોવા મળી રહ્યા છે.
