Hijack Cargo Ship: ભારત આવતું જહાજ હુતી વિદ્રોહીઓએ કર્યું હાઈજેક, 25 ક્રૂ મેમ્બરને બંધક બનાવ્યા

હુતી બળવાખોરોએ હેલિકોપ્ટરની મદદથી જહાજ પર કબજો જમાવ્યો હતો

 

Hijack Cargo Ship: ઈરાન સમર્થિત હુતી વિદ્રોહીઓએ લાલ સમુદ્રમાં એક માલવાહક જહાજને હાઈજેક (Hijack Cargo Ship) કરીને તેના ક્રૂને બંધક બનાવી લીધા છે. આ હાઈજેકને અંજામ આપવા માટે, હુતી વિદ્રોહીઓ સમુદ્રની મધ્યમાં તરતા કાર્ગો જહાજ ‘ગેલેક્સી લીડર’ પર હેલિકોપ્ટર દ્વારા ઉતર્યા હતા. તેઓએ 25 ક્રૂ મેમ્બરને બંધક બનાવ્યા છે અને હુતીએ એક નિવેદન જારી કરીને આ જહાજના હાઈજેકની જવાબદારી લીધી છે.

ઈઝરાયલની સેનાએ જહાજને હાઈજેક કર્યાની પુષ્ટિ કરી

ઈઝરાયલની સેનાએ પણ જહાજને હાઈજેક (Hijack Cargo Ship) કર્યાની પુષ્ટિ કરી છે. ઈઝરાયલે તેને ઈરાની આતંકવાદનું બીજું જીવંત ઉદાહરણ ગણાવ્યું હતું. હમાસ અને ઈઝરાયલ વચ્ચે ભીષણ યુદ્ધ ચાલી રહ્યું છે ત્યારે હુતીએ આ જહાજને હાઈજેક કર્યું છે. 

 

હુતી વિદ્રોહીઓ પણ આ યુદ્ધમાં હમાસને સાથ આપી રહ્યા છે. હુતી લડવૈયાઓ પણ ઈઝરાયલ પર મિસાઈલો છોડી રહ્યા છે. આવી સ્થિતિમાં હમાસે જહાજને હાઈજેક કરવા બદલ હુતીનો આભાર માન્યો છે.

 

આ ઘટના પર ઈઝરાયલનું કહેવું છે કે હુતી વિદ્રોહીઓના જૂથ દ્વારા જપ્ત કરાયેલ કાર્ગો જહાજ ભારત તરફ જઈ રહ્યું હતું. તેલ અવીવનું કહેવું છે કે તેણે ઈરાન પર આરોપ લગાવ્યો છે અને તેને આતંકવાદી ઘટના ગણાવી છે. તેમનું કહેવું છે કે વૈશ્વિક સ્તરે આ ખૂબ જ ગંભીર ઘટના છે.

 

ઈઝરાયલના વડાપ્રધાન બેન્જામિન નેતન્યાહુના કાર્યાલયે કહ્યું છે કે જાપાનથી બ્રિટિશ માલિકીના અને સંચાલિત કાર્ગો જહાજને હુતી વિદ્રોહીઓએ હાઈજેક (Hijack Cargo Ship) કરી લીધું છે. બોર્ડમાં એક પણ ઈઝરાયલનો નાગરિક ન હતો. બેન્જામિન નેતન્યાહુના કાર્યાલયે કહ્યું કે ઈરાન દ્વારા આ આતંકવાદી કૃત્ય છે, જે વૈશ્વિક શિપિંગ માર્ગોની સુરક્ષાને અસર કરે છે. 

 

યમનના હુતી વિદ્રોહીઓનું કહેવું છે કે તેઓએ એક કાર્ગો જહાજ હાઈજેક (Hijack Cargo Ship) કરી લીધું છે. બાદમાં આ જહાજને લાલ સમુદ્રમાંથી યમનના એક બંદર પર લઈ જવામાં આવ્યું છે. હુતી વિદ્રોહીઓના સૈન્ય એકમના પ્રવક્તાએ કહ્યું કે અમે જહાજના ક્રૂ મેમ્બરો સાથે ઈસ્લામિક નિયમો અનુસાર સારવાર કરી રહ્યા છીએ. હુતી બળવાખોરોએ પહેલા જહાજ તરફ હેલિકોપ્ટર મોકલ્યું અને પછી લડવૈયાઓ તેમાંથી ઉતર્યા અને હાઈજેકને અંજામ આપ્યો.

ઈઝરાયલે Hijack Cargo Shipમાં આંતરરાષ્ટ્રીય નાગરિકો હોવાનો દાવો કર્યો 

ઈઝરાયલે કહ્યું છે કે જહાજમાં લગભગ 25 ક્રૂ મેમ્બર છે, જેઓ યુક્રેન, બલ્ગેરિયા, ફિલિપાઈન્સ અને મેક્સિકો જેવા દેશોના નાગરિક છે. 

 

અમેરિકાના બે સંરક્ષણ અધિકારીઓએ પણ પુષ્ટિ કરી છે કે હુતી વિદ્રોહીઓએ હેલિકોપ્ટર દ્વારા ગેલેક્સી લીડરશીપ નામના જહાજને હાઈજેક કરી લીધું છે. તે જ સમયે, હુતી બળવાખોરોનું કહેવું છે કે તેઓ તે બધા જહાજોને નિશાન બનાવવા જઈ રહ્યા છે જે ઈઝરાયલથી કામ કરે છે. 

• 

  Ahmedabad Civil Hospital: બાળકો માટે યોજાશે

  Gujarat

• 

  અફઘાનિસ્તાનમાં પેસેન્જર પ્લેન ક્રેશ, મોસ્કો જઈ રહેલું પ્લેન રસ્તો ભટકી ગયું... વાંચો વિગતો

  International

• 

  ઈરાન-પાકિસ્તાન વચ્ચે આગળ શું થઈ શકે? જાણો ભારતે શા માટે રાખવી જોઈએ નજર?

  International

• 

  પાકિસ્તાની 'લાલ ટોપી'એ ઈરાનને ગાઝામાં ફેરવવાની ધમકી આપી.. ભારત વિરુદ્ધ ઓક્યું ઝેર

  International

• 

  Ayodhya: 22મીએ રામ લલ્લાની પ્રાણપ્રતિષ્ઠા કડકડતી ઠંડીમાં

  India