Israel Hamas War: ઇઝરાયેલી સેનાએ ગાઝા હોસ્પિટલમાં ઇંધણ પહોંચાડ્યું, હમાસે સ્વીકારવાનો ઇનકાર કર્યો

7 ઓક્ટોબરમાં હમાસના હુમલાથી આ યુદ્ધ શરૂ થયું

Israel Hamas War: ઈઝરાયેલ અને હમાસ વચ્ચે 38 દિવસથી ભીષણ યુદ્ધ ચાલી રહ્યું છે. ઈઝરાયેલના વડાપ્રધાન બેન્જામિન નેતન્યાહુએ ફરી એકવાર યુદ્ધવિરામની અપીલને ફગાવી દીધી છે. નેતન્યાહુએ કહ્યું છે કે જ્યાં સુધી બંધકોને છોડવામાં નહીં આવે ત્યાં સુધી યુદ્ધવિરામનો (Israel Hamas War) કોઈ પ્રશ્ન જ નથી. આ સાથે ઈઝરાયેલની સેના સતત હવાઈ હુમલા કરી રહી છે અને પેલેસ્ટાઈન આતંકવાદીઓ પર તોપમારો કરી રહી છે. જો કે, આ દરમિયાન ઇઝરાયેલી સેનાએ ગાઝાની હોસ્પિટલ તરફ મદદનો હાથ લંબાવ્યો છે, પરંતુ હમાસે તેમાં અવરોધો ઉભા કર્યા છે.

હમાસે હોસ્પિટલમાં ઇંધણ સ્વીકારવાનો ઇનકાર કર્યો

 

હમાસ સાથે ચાલી રહેલા યુદ્ધ (Israel Hamas War) વચ્ચે ઇઝરાયેલી સેનાએ ગાઝાની શિફા હોસ્પિટલમાં તબીબી હેતુઓ માટે 300 લિટર ઇંધણ પહોંચાડ્યું છે, પરંતુ હમાસે હોસ્પિટલમાં ઇંધણ સ્વીકારવાનો ઇનકાર કર્યો છે. તમને જણાવી દઈએ કે હમાસ સંચાલિત ગાઝાનું સ્વાસ્થ્ય મંત્રાલય અઠવાડિયાથી ચેતવણી આપી રહ્યું છે કે તેની હોસ્પિટલોમાં ઈંધણ સમાપ્ત થઈ રહ્યું છે. IDF એ પણ કહે છે કે જો આવું છે તો તેઓ હોસ્પિટલને ઈંધણ લેવાથી કેમ રોકશે?

શિફા હોસ્પિટલમાંથી બાળકોને બહાર કાઢવામાં મદદ કરશે: ઈઝરાયેલની સેના

 

આ પહેલા શનિવારે ઈઝરાયેલની સેનાએ કહ્યું હતું કે તે ગાઝાની શિફા હોસ્પિટલમાંથી બાળકોને બહાર કાઢવામાં મદદ કરશે. IDFના પ્રવક્તા ડેનિયલ હગારીએ શનિવારે કહ્યું, 'ગાઝાથી ઘણી ખોટી માહિતી આવી રહી છે. તેથી, હું હકીકતો સ્પષ્ટ કરવા માંગુ છું. ત્યાં કોઈ ઘેરો નથી. હું ફરી કહું છું કે, શિફા હોસ્પિટલનો કોઈ ઘેરો નથી. હોસ્પિટલના સ્ટાફે બાળકોને સુરક્ષિત રીતે હોસ્પિટલ લઈ જવા માટે મદદની વિનંતી કરી છે. અમે જરૂરી મદદ કરીશું. અને એવું કંઈક છે જે દુનિયાએ ભૂલવું ન જોઈએ. અમે દુનિયાને ભૂલવા નહીં દઈએ.શિફામાં હજુ પણ 1,500 દર્દીઓ તેમજ 1,500 તબીબી કર્મચારીઓ અને 15,000 થી 20,000 લોકો આશ્રય શોધી રહ્યા છે. 

Israel Hamas War 7 ઓક્ટોબરથી શરૂ થયું 

 

7 ઓક્ટોબરમાં હમાસના હુમલાથી શરૂ થયેલા આ યુદ્ધ (Israel Hamas War) માં ઈઝરાયેલ મોટા પાયે જવાબી કાર્યવાહી કરી રહ્યું છે. છેલ્લા કેટલાક અઠવાડિયાથી યુદ્ધ વધારે ભયંકર અને તિવ્ર બન્યું છે અને ઇઝરાયેલની સેનાએ હમાસના ઘણા લક્ષ્યો અને કમાન્ડરોને સતત નષ્ટ કર્યા છે. ઈઝરાયેલની જવાબી કાર્યવાહીમાં અત્યાર સુધીમાં 11 હજારથી વધુ લોકો માર્યા ગયા છે. જ્યાં પહેલા એવું કહેવામાં આવી રહ્યું હતું કે હમાસે 1400 ઇઝરાયલી લોકોની હત્યા કરી છે, હવે તેનો સુધારેલો આંકડો સામે આવ્યો છે. આ આંકડા મુજબ હમાસના હુમલામાં લગભગ 1200 ઈઝરાયેલના લોકો માર્યા ગયા હતા.

 

• 

  Ahmedabad Civil Hospital: બાળકો માટે યોજાશે

  Gujarat

• 

  અફઘાનિસ્તાનમાં પેસેન્જર પ્લેન ક્રેશ, મોસ્કો જઈ રહેલું પ્લેન રસ્તો ભટકી ગયું... વાંચો વિગતો

  International

• 

  ઈરાન-પાકિસ્તાન વચ્ચે આગળ શું થઈ શકે? જાણો ભારતે શા માટે રાખવી જોઈએ નજર?

  International

• 

  પાકિસ્તાની 'લાલ ટોપી'એ ઈરાનને ગાઝામાં ફેરવવાની ધમકી આપી.. ભારત વિરુદ્ધ ઓક્યું ઝેર

  International

• 

  Ayodhya: 22મીએ રામ લલ્લાની પ્રાણપ્રતિષ્ઠા કડકડતી ઠંડીમાં

  India