ઈઝરાયલ જર્મનીને અદ્યતન ડિફેન્સ સિસ્ટમ એરો-3 મિસાઈલ આપશે

ઈઝરાયલ જર્મનીને એરો-3 મિસાઈલ ડિફેન્સ સિસ્ટમ આપવા જઈ રહ્યું છે. રોયટર્સના રિપોર્ટ અનુસાર, આ ડીલ 29,000 કરોડ રૂપિયામાં ફાઇનલ કરવામાં આવી છે. સાથે જ, આ ઈઝરાયલનું અત્યાર સુધીનો સૌથી મોટો ડિફેન્સ સેલ હશે. એરો-3 મિસાઇલ ડિફેન્સ સિસ્ટમની ડિલિવરી 2025માં શરૂ થશે અને 2030 સુધીમાં પૂર્ણ થવાની ધારણા છે. ઈઝરાયલના એરો-3 મિસાઈલની ખાસિયતો એરો-3 મિસાઇલ ડિફેન્સ […]

Last Updated : 18 August 2023, 07:45 AM IST

ઈઝરાયલ જર્મનીને એરો-3 મિસાઈલ ડિફેન્સ સિસ્ટમ આપવા જઈ રહ્યું છે. રોયટર્સના રિપોર્ટ અનુસાર, આ ડીલ 29,000 કરોડ રૂપિયામાં ફાઇનલ કરવામાં આવી છે. સાથે જ, આ ઈઝરાયલનું અત્યાર સુધીનો સૌથી મોટો ડિફેન્સ સેલ હશે. એરો-3 મિસાઇલ ડિફેન્સ સિસ્ટમની ડિલિવરી 2025માં શરૂ થશે અને 2030 સુધીમાં પૂર્ણ થવાની ધારણા છે.

ઈઝરાયલના એરો-3 મિસાઈલની ખાસિયતો

એરો-3 મિસાઇલ ડિફેન્સ સિસ્ટમને એવી રીતે ડિઝાઇન કરવામાં આવી છે કે તે અલગ કરી શકાય તેવા વોરહેડની મદદથી પૃથ્વીના વાતાવરણની બહાર અર્થાત અવકાશમાંથી બેલેસ્ટિક મિસાઇલોને અટકાવવામાં સક્ષમ હશે. અમેરિકાએ પણ આ ડીલને મંજૂરી આપી દીધી છે. વાસ્તવમાં, અમેરિકા આ એરો-3 પ્રોજેક્ટમાં ઇઝરાયેલનો ભાગીદાર દેશ છે અને આ સંરક્ષણ પ્રણાલી યુએસ-ઇઝરાયેલ મિસાઇલ ડિફેન્સ એજન્સી દ્વારા સંયુક્ત રીતે વિકસાવવામાં આવી છે.

જર્મની એરો-3 મિસાઈલ માટે 5 હજાર કરોડનું એડવાન્સ પેમેન્ટ કરશે

જર્મની અને ઇઝરાયલ 2023ના અંત સુધીમાં આ ડીલ માટે સંપર્કો પર હસ્તાક્ષર કરશે. આ માટે જર્મની 5 હજાર કરોડનું એડવાન્સ પેમેન્ટ કરશે. ઈઝરાયલ મિસાઈલ ડિફેન્સ ઓર્ગેનાઈઝેશનના વડા મોશે પટેલે જણાવ્યું કે અમેરિકાની મંજૂરી આ ડીલનો પહેલો માઈલસ્ટોન છે. હવે કંપનીનું લક્ષ્ય શક્ય તેટલી વહેલી તકે મિસાઇલ સિસ્ટમ સપ્લાય કરવાનું છે.

રોયટર્સના રિપોર્ટ અનુસાર, જર્મનીએ યુક્રેન પર રશિયાના આક્રમણને ધ્યાનમાં રાખીને એરો-3 સિસ્ટમ ખરીદવાનો નિર્ણય કર્યો છે. જર્મની તેના હવાઈ સંરક્ષણને વધુ મજબૂત કરવા માંગે છે, જેથી જરૂર પડે તો દુશ્મનની બેલેસ્ટિક મિસાઈલ, ડ્રોન અને ફાઈટર પ્લેનને અટકાવીને નિષ્ક્રિય કરી શકાય. પશ્ચિમી દેશોમાં અમેરિકા સિવાય કોઈ પણ દેશ પાસે મજબૂત અને ભરોસાપાત્ર એર ડિફેન્સ સિસ્ટમ નથી.

એરો-3 મિસાઈલ સિસ્ટમનું પરીક્ષણ

ઈઝરાયેલે જાન્યુઆરી 2022માં એરો-3 મિસાઈલ ડિફેન્સ સિસ્ટમનું સફળ પરીક્ષણ કર્યું હતું. તે પરમાણુ, રાસાયણિક, બાયો અથવા અન્ય કોઈપણ હથિયાર વહન કરતી કોઈપણ આંતરખંડીય બેલિસ્ટિક મિસાઈલને નષ્ટ કરવામાં સક્ષમ છે.

આ સિવાય તે વાતાવરણની બહાર અન્ય બેલેસ્ટિક મિસાઈલોને પણ નીચે પાડી શકે છે. ડાયવર્ટ મોટરની મદદથી આ મિસાઈલ ગમે ત્યારે તેની દિશા બદલી શકે છે. તેની રેન્જ 2,400 કિમી છે. ઈઝરાયલ સ્પેસ એજન્સીના જણાવ્યા અનુસાર એરો-3 મિસાઈલ સિસ્ટમનો ઉપયોગ એન્ટી સેટેલાઈટ હથિયાર તરીકે પણ થઈ શકે છે. આ ટેક્નોલોજી વિશ્વના અમુક દેશોમાં જ ઉપલબ્ધ છે.

અમેરિકાની મંજૂરી શા માટે લેવી પડી?

એરો-3 મિસાઈલ ડિફેન્સ સિસ્ટમને બેલેસ્ટિક મિસાઈલ નિષ્ક્રિય કરવા માટે ડિઝાઈન કરાઈ છે. તે ઈઝરાયલની મલ્ટિ લેયર્ડ મિસાઈલ ડિફેન્સ સિસ્ટમમાં મહત્ત્વનો ભાગ ભજવે છે. ઈઝરાયલે અમેરિકા સાથે મળીને તેનું ઉત્પાદન કર્યું છે. તેથી આ મિસાઈલની ડીલ માટે અમેરિકાની મંજૂરી લેવી આવશ્યક હતી.

Tags :