Photo: કમરમાં બંદૂક ભરાવીને ન્યૂઝ એન્કરિંગ કરવા કેમ બેઠી ઈઝરાયલી ટીવી એન્કર?

ઈઝરાયલી મીડિયાએ એક તસવીર શેર કરી છે, જેમાં એક ટીવી એન્કર ટેલિકાસ્ટ દરમિયાન કમરમાં બંદૂક ભરાવીને બેસેલી જોઈ શકાય છે.

Last Updated : 04 January 2024, 08:58 PM IST

હાઈલાઇટ્સ

મહિલા એન્કર પાસે બંદૂકની તસવીર સોશિયલ મીડિયા પર વાયરલ
મહિલા એન્કરને લઈને લોકો અલગ-અલગ વાતો કરી રહ્યા છે

જટિલ સુરક્ષા સંજોગો અને ઇઝરાયેલમાં ચાલી રહેલા સંઘર્ષોના કારણે અસંખ્ય મહિલાઓએ પોતાને હથિયારોથી સજ્જ કરવાનું પસંદ કર્યું છે. આવી જ એક મહિલા લિટલ શેમેશ છે, જે ચેનલ 14ની ન્યૂઝ પ્રેઝેન્ટર છે, જે મંગળવારે એક પ્રસારણમાં કમર પર માઇક્રોફોનની બાજુમાં બંદૂક સાથે દેખાઈ રહી છે. ટીવી સ્ટુડિયોમાં ગન સાથેની શેમેશની તસવીર સોશિયલ મીડિયા પર ઝડપથી ફરતી થઈ છે, ઘણા લોકો એવી પણ ચર્ચા કરી રહ્યા છે કે, 7 ઓક્ટોબરના રોજ હમાસ એટેક બાદ તેણે પોતાની સાથે બંદૂક રાખવાનું શરૂ કર્યું છે.

કોણ છે લિટલ શેમેશ?
લિટલ શેમેશ નેશનલ ઇઝરાયલી બ્રોડકાસ્ટ ઓથોરિટી (IBA) અને કોમર્શિયલ ચેનલ 14 બંને માટે ન્યૂઝ એન્કર અને સંવાદદાતા તરીકે સેવા આપે છે. વધુમાં, તે અંગ્રેજીમાં ચેનલ ilTVમાં યોગદાન આપે છે. તેણી પાસે અમેરિકન યહૂદી અભ્યાસમાં માસ્ટર ડિગ્રી છે. તે ન્યૂઝકાસ્ટ દરમિયાન તેના હિપ પર બંદૂક સાથે અહીં જોવા મળી રહી છે.

7 ઓક્ટોબરે હમાસનો હુમલો
ઑક્ટોબર 7, 2023ના રોજ, હમાસના આતંકવાદીઓએ ગાઝા પટ્ટીમાંથી ઇઝરાયેલ પર હુમલો શરૂ કર્યો, પરિણામે 1,139 લોકોના દુઃખદ મૃત્યુ અને 240 બંધકોને પકડવામાં આવ્યા. જવાબમાં, ઇઝરાયેલી સૈન્યએ હવાઈ હુમલા કર્યા અને જમીની આક્રમણ શરૂ કર્યું. આ હુમલામાં કથિત રીતે જાતીય હિંસાની વ્યાપક ઘટનાઓનો સમાવેશ થાય છે.

AJCએ હોલોકોસ્ટ પછી યહૂદીઓ પરના આ હુમલાને સૌથી ઘાતક ગણાવ્યો છે, જે બીજા ઈન્તિફાદાના પાંચ વર્ષ દરમિયાન ઈઝરાયેલી મૃત્યુની કુલ સંખ્યા કરતાં લગભગ 1.25 ગણો છે.

ઉલ્લેખનીય છે કે, ઈઝરાયલ-હમાસ યુદ્ધ વચ્ચે ઈઝરાયેલના નાગરિકોને બંદૂકનું લાઇસન્સ મેળવી રહ્યા છે. એક રિપોર્ટ અનુસાર હજારો લોકોએ બંદૂકના લાયસન્સ માટે અરજી કરી છે. લાયસન્સ માટે અરજી કરનારાઓનું કહેવું છે કે, 7 ઓક્ટોબરે થયેલા હુમલા પછી અમને સ્વરક્ષણનું મહત્વ સમજાયું છે. અમે હથિયારોના ઉપયોગની તાલીમ પણ લઈ રહ્યા છે. કારણ કે, પરિવાર અને બાળકોને સુરક્ષિત રાખવા અમારી પ્રાથમિકતા છે.

Tags :