Japan: ઉત્તર કોરિયાની મિસાઈલના સંભવિત જોખમથી બચવા ઓકિનાવાના રહેવાસીઓને કર્યા એલર્ટ

ઉત્તર કોરિયાની સ્પેસ એજન્સીએ પોતાના પ્રથમ જાસૂસી ઉપગ્રહ મલ્લિગ્યોંગ-1ને સફળતાપૂર્વક ભ્રમણકક્ષામાં મૂક્યો

Last Updated : 22 November 2023, 03:36 PM IST

Courtesy: Image: Twitter

Japan: દક્ષિણ કોરિયા અને જાપાન (Japan)ની સેના દ્વારા એવી આશંકા વ્યક્ત કરવામાં આવી હતી કે, ઉત્તર કોરિયાએ મંગળવારે એક જાસૂસી ઉપગ્રહને ભ્રમણકક્ષામાં મૂકવા માટે રોકેટ છોડ્યું છે. ઉત્તર કોરિયાની મિસાઈલના સંભવિત જોખમથી બચવા માટે જાપાને ઓકિનાવાના રહેવાસીઓ માટે ઈમરજન્સી ચેતવણી જારી કરી હતી.

Japan દ્વારા બચાવના પગલાં

જાપાનના વડાપ્રધાન કાર્યાલયના જણાવ્યા અનુસાર, ટોક્યોએ ઉપગ્રહને તોડી પાડવાની તૈયારીમાં પ્રતિકૂળ પગલાં તૈનાત કર્યા છે. દક્ષિણ કોરિયા અને જાપાનની સેના દ્વારા એવી આશંકા વ્યક્ત કરવામાં આવી હતી કે, ઉત્તર કોરિયાએ મંગળવારે એક જાસૂસી ઉપગ્રહને ભ્રમણકક્ષામાં મૂકવા માટે રોકેટ છોડ્યું છે.

દરમિયાન જાપાને ઉત્તર કોરિયાની મિસાઈલના સંભવિત ખતરાને ધ્યાનમાં રાખીને તેના રહેવાસીઓ માટે ઈમરજન્સી ચેતવણી જારી કરી હતી.જાપાને (Japan) પોતાની જે-એલર્ટ પ્રસારણ પ્રણાલી પર ચેતવણી જારી કરીને જણાવ્યું હતું કે, ઉત્તર કોરિયાએ એક મિસાઈલ છોડી છે જે ઓકિનાવાના દક્ષિણ પ્રીફેક્ચરના રહેવાસીઓ માટે જોખમ ઊભું કરી શકે છે.

જાપાનના PM કાર્યાલયે શું કહ્યું?

જાપાનના વડા પ્રધાન ફ્યુમિયો કિશિદાના કાર્યાલયના જણાવ્યા અનુસાર, ટોક્યોએ ઉપગ્રહને તોડી પાડવાની તૈયારીમાં પ્રતિકૂળ પગલાં ગોઠવ્યા હતા. ઓકિનાવાના મિયાકો, ઈશિગાકી અને યોનાગુની ટાપુઓ પર PAC-3 જમીન આધારિત મિસાઈલ-સંરક્ષણ બેટરીઓ તૈનાત કરવામાં આવી હતી અને SM-3 ઈન્ટરસેપ્ટર્સથી સજ્જ મેરીટાઈમ સેલ્ફ-ડિફેન્સ ફોર્સ એજિસ ડિસ્ટ્રોયરને પણ તૈનાત કરવામાં આવી હતી.

ઉત્તર કોરિયાએ જાપાનીઝ કોસ્ટ ગાર્ડને જાણ કરી હતી

ઉત્તર કોરિયાનો આ વર્ષે જાસૂસી સેટેલાઈટ લોન્ચ કરવાનો આ ત્રીજો પ્રયાસ છે. અગાઉ તે મે અને ઓગસ્ટ દરમિયાન કરવામાં આવેલા 2 પ્રયાસોમાં નિષ્ફળ રહ્યું હતું. મંગળવારે સવારે ઉત્તર કોરિયાએ જાપાનીઝ કોસ્ટ ગાર્ડને જાણ કરી હતી કે, તે 22 થી 30 નવેમ્બરની વચ્ચે ગમે ત્યારે સેટેલાઈટ લોન્ચ કરી શકે છે.

ઉત્તર કોરિયાનું સફળ લોન્ચિંગ

ઉત્તર કોરિયાએ અવકાશમાંથી પોતાના દુશ્મનો પર નજર રાખવા માટે નવી યોજના બનાવી છે. જાપાન (Japan) અને દક્ષિણ કોરિયાની ચેતવણી છતાં તેણે સફળતાપૂર્વક જાસૂસી ઉપગ્રહને અવકાશમાં છોડ્યો છે. ઉત્તર કોરિયાનું કહેવું છે કે, આ જાસૂસી ઉપગ્રહ તેમની સર્વેલન્સ ટેક્નોલોજીમાં વધુ સુધારો કરશે અને તેમની સેનાને પણ મજબૂત કરશે.

ઉત્તર કોરિયાની સ્પેસ એજન્સીનું કહેવું છે કે, તેણે તેના પ્રથમ જાસૂસી ઉપગ્રહ મલ્લિગ્યોંગ-1ને સફળતાપૂર્વક ભ્રમણકક્ષામાં મૂક્યો છે. ઉત્તર કોરિયાએ અમેરિકા અને તેના સહયોગી દેશોની આંતરરાષ્ટ્રીય નિંદાને ફગાવીને આ જાસૂસી ઉપગ્રહ લોન્ચ કર્યો છે.

ઉત્તર કોરિયાએ અગાઉ બે વખત જાસૂસી ઉપગ્રહને ભ્રમણકક્ષામાં મૂકવાનો પ્રયાસ કર્યો હતો પરંતુ તે નિષ્ફળ ગયો હતો. કોરિયાનું કહેવું છે કે તેને તેના સ્પર્ધકોથી એક ડગલું આગળ રહેવા માટે આવા જાસૂસી ઉપગ્રહની જરૂર છે.

Tags :

Japan: ઉત્તર કોરિયાની મિસાઈલના સંભવિત જોખમથી બચવા ઓકિનાવાના રહેવાસીઓને કર્યા એલર્ટ