વિદેશ મંત્રાલયે નવી દિલ્હીમાં અફઘાનિસ્તાનના દૂતાવાસને સમર્થન ન આપવાના આરોપોને નકારી કાઢ્યા

અફઘાનિસ્તાનના રાજદ્વારીઓએ 1 ઓક્ટોબરથી દૂતાવાસનું કામકાજ બંધ કરી દેશે તેવી જાહેરાત કર્યાના દિવસો પછી ભારતીય વિદેશ મંત્રાલયે એવા આરોપોને નકારી કાઢ્યા હતા, જેમાં દાવો કરવામાં આવ્યો હતો કે ભારત નવી દિલ્હીમાં અફઘાનિસ્તાનના દૂતાવાસને સમર્થન પૂરું પાડતું નથી. જો કે, અફઘાનિસ્તાનના દૂતાવાસમાં પહેલાથી જ સ્ટાફની અછત હતી. અફઘાનિસ્તાનના દૂતાવાસે એક નિવેદનમાં જણાવ્યું હતું કે, “અફઘાનિસ્તાન દૂતાવાસને […]

અફઘાનિસ્તાનના રાજદ્વારીઓએ 1 ઓક્ટોબરથી દૂતાવાસનું કામકાજ બંધ કરી દેશે તેવી જાહેરાત કર્યાના દિવસો પછી ભારતીય વિદેશ મંત્રાલયે એવા આરોપોને નકારી કાઢ્યા હતા, જેમાં દાવો કરવામાં આવ્યો હતો કે ભારત નવી દિલ્હીમાં અફઘાનિસ્તાનના દૂતાવાસને સમર્થન પૂરું પાડતું નથી. જો કે, અફઘાનિસ્તાનના દૂતાવાસમાં પહેલાથી જ સ્ટાફની અછત હતી.

અફઘાનિસ્તાનના દૂતાવાસે એક નિવેદનમાં જણાવ્યું હતું કે, “અફઘાનિસ્તાન દૂતાવાસને યજમાન સરકાર તરફથી નિર્ણાયક સમર્થનનો નોંધપાત્ર અભાવનો અનુભવ થયો છે, જેણે અમારી ફરજોને અસરકારક રીતે નિભાવવાની અમારી ક્ષમતામાં અવરોધ ઊભો કર્યો છે.” 

નિવેદનમાં જણાવવામાં આવ્યું હતું કે, “રાજદ્વારીઓ માટે વિઝા નવીકરણથી સહકારના અન્ય નિર્ણાયક ક્ષેત્રોમાં સમયસર અને પર્યાપ્ત સમર્થનનો અભાવ અમારી ટીમમાં હતાશા તરફ દોરી ગયો અને અસરકારક રીતે નિયમિત ફરજો નિભાવવાની અમારી ક્ષમતામાં અવરોધ ઊભો કર્યો છે.” 

ભારતમાં અફઘાનિસ્તાનના રાજદ્વારી પ્રતિનિધિત્વની સ્થિતિને લઈને ઘણા મહિનાઓના તણાવ પછી આ આરોપો લગાવવામાં આવ્યા છે. દિલ્હીમાં દૂતાવાસ ઈસ્લામિક રિપબ્લિક ઓફ અફઘાનિસ્તાન અને દેશની સરકારનું પ્રતિનિધિત્વ કરે છે જે 2021 માં તાલિબાન દળોના હાથમાં આવી ગયું હતું. ત્યારથી, તાલિબાન અફઘાનિસ્તાનના ઈસ્લામિક અમીરાત તરીકે દેશ પર શાસન કરે છે. ભારતે કાબુલમાં તાલિબાન શાસનને માન્યતા આપી નથી. તે ત્યાં લોકતાંત્રિક રીતે ચૂંટાયેલી સરકારની રચનાની હિમાયત કરી રહ્યું છે. જોકે, ભારતે અફઘાન કોન્સ્યુલેટને કામ કરવાની પરવાનગી આપી દીધી હતી.

અફઘાનિસ્તાન દૂતાવાસ બંધ થવાની અટકળો વધી

અફઘાનિસ્તાનના દૂતાવાસના બંધ થવાના અહેવાલો બહાર આવ્યા પછી પણ, મુંબઈમાં કોન્સ્યુલ જનરલે જાહેરાત કરી કે દૂતાવાસ કાર્યરત રહેશે. તેના સત્તાવાર નિવેદનમાં, નવી દિલ્હી સ્થિત અફઘાનિસ્તાનના દૂતાવાસે આ કોન્સ્યુલેટ્સ પર “ગેરકાયદેસર” શાસનના હિતોની સેવા કરવાનો આરોપ મૂક્યો હતો.

અરિંદમ બાગચીએ ભારત અને કેનેડા વચ્ચે ચાલી રહેલા રાજદ્વારી વિવાદ પર પણ વાત કરી હતી. તેમણે બંને દેશોના રાજદ્વારી મિશનની તાકાતમાં સમાનતા માટે ભારતના આહ્વાનનો પુનરોચ્ચાર કર્યો હતો. તેમણે સ્વીકાર્યું કે આનાથી ભારતમાં કેનેડિયન મિશનની તાકાતમાં ઘટાડો થશે. જો કે, તેમણે દેશ છોડી રહેલા કેનેડિયન રાજદ્વારીઓની ચોક્કસ સંખ્યા વિશેના પ્રશ્નો પર ટિપ્પણી કરી ન હતી. તેમણે ભારતીય વિદ્યાર્થીઓ અને કેનેડિયન વિઝા મેળવવા માંગતા વ્યાવસાયિકો માટે આવા ઘટાડાથી ઊભી થતી મુશ્કેલીઓ અંગે વિગતોમાં કઈ જણાવ્યું ન હતું.

વિદેશ મંત્રાલયે આરોપો ફગાવ્યા

ભારતના વિદેશ મંત્રાલયે આ આરોપોને ફગાવી દીધા હતા. વિદેશ મંત્રાલયના પ્રવક્તા અરિંદમ બાગચીએ એક પ્રેસ કોન્ફરન્સમાં કહ્યું કે અફઘાનિસ્તાનના દૂતાવાસના નિવેદનો હકીકત જાહેર કરી રહ્યાં નથી. તેમણે એમ પણ કહ્યું કે દૂતાવાસ કાર્યરત છે.

વિદેશ મંત્રાલયના પ્રવક્તા અરિંદમ બાગચીએ કહ્યું, “અમારી સમજ એ છે કે નવી દિલ્હીમાં અફઘાનિસ્તાનના દૂતાવાસ કાર્યરત છે અથવા કામ કરવાનું ચાલુ રાખી રહ્યું છે. અમે દૂતાવાસમાં અફઘાનિસ્તાનના રાજદ્વારીઓ તેમજ મુંબઈ અને હૈદરાબાદના કોન્સ્યુલેટના સંપર્કમાં છીએ.”

• 

  Ahmedabad Civil Hospital: બાળકો માટે યોજાશે

  Gujarat

• 

  અફઘાનિસ્તાનમાં પેસેન્જર પ્લેન ક્રેશ, મોસ્કો જઈ રહેલું પ્લેન રસ્તો ભટકી ગયું... વાંચો વિગતો

  International

• 

  ઈરાન-પાકિસ્તાન વચ્ચે આગળ શું થઈ શકે? જાણો ભારતે શા માટે રાખવી જોઈએ નજર?

  International

• 

  પાકિસ્તાની 'લાલ ટોપી'એ ઈરાનને ગાઝામાં ફેરવવાની ધમકી આપી.. ભારત વિરુદ્ધ ઓક્યું ઝેર

  International

• 

  Ayodhya: 22મીએ રામ લલ્લાની પ્રાણપ્રતિષ્ઠા કડકડતી ઠંડીમાં

  India