પ્રિન્સેસ ડાયનાના ખાસ ડ્રેસની હરાજી થઈ, કિંમત જાણીને તમારી આંખો પણ પહોળી થઈ જશે

શું એક ડ્રેસની કિંમત 75 લાખ રૂપિયા હોઈ શકે? તમને આઘાત લાગશે. પરંતુ તે સાચું છે. પ્રિન્સ ડાયના દ્વારા પહેરવામાં આવેલ ડ્રેસને લોસ એન્જલસમાં હરાજી માટે મૂકવામાં આવ્યો હતો.

Last Updated : 19 December 2023, 12:43 PM IST

હાઈલાઇટ્સ

ડ્રેસની કિંમત 1.1 મિલિયન ડોલર સુધી પહોંચતા બધા ચોંકી ઉઠ્યા
ડ્રેસની તેની મૂળ કિંમત કરતાં લગભગ 11 ગણા વધારે બોલી લાગી

કોઈપણ ડ્રેસની કિંમત હજારો કે લાખો હોઈ શકે છે. પરંતુ અમે જે ડ્રેસ વિશે વાત કરવા જઈ રહ્યા છીએ તે પ્રિન્સ ડાયના પહેરતી હતી અને હવે તે ડ્રેસની હરાજી કરવામાં આવી છે અને તેની કિંમત જાણીને તમે પણ ચોંકી જશો. લોસ એન્જલસ સ્થિત જુલિઅન્સ ઓક્શન્સે આ હરાજી હાથ ધરી હતી. વસૂલવામાં આવેલી કિંમત મૂળ કિંમત કરતાં 11 ગણી વધુ એટલે કે, પ્રિન્સ ડાયનાના ડ્રેસની રેકોર્ડ બ્રેકિંગ 1.1 મિલિયન ડોલર એટલે કે 75 લાખ રૂપિયામાં બોલી લગાવવામાં આવી હતી.

1985માં ડિઝાઇન કરવામાં આવ્યો હતો આ ડ્રેસ
1985માં, ડાયનાએ બ્લેક અને બ્લૂ બૈલિરિના લેંથનો ડ્રેસ પહેર્યો હતો. તે ડ્રેસ ફ્લોરેન્સમાં જેક્સ ઓઝેરી દ્વારા ડિઝાઇન કરવામાં આવ્યો હતો.એક વર્ષ પછી, ડાયના વાનકુવરમાં એક ઇવેન્ટમાં તે જ ડ્રેસમાં જોવા મળી હતી. જુલિયનની હરાજી અનુસાર, ડ્રેસની કિંમત 1 લાખથી 1.2 લાખ ડોલરની વચ્ચે રાખવામાં આવી હતી. ઓક્શન હાઉસનું કહેવું છે કે અગાઉનો રેકોર્ડ 6 લાખ ડોલરનો હતો. ઓક્સન હાઉસનું કહેવું છે કે તેમને આશા નહોતી કે ડ્રેસની કિંમત બેઝ પ્રાઇસ કરતા 11 ગણી વધી જશે.

હરાજી કરનારાઓ પણ ચોંકી ઉઠ્યા
આ ખાસ ડ્રેસમાં વાદળી તારાઓથી એમ્બ્રોઇડરી કરેલી લાંબી કાળી મખમલ બોડિસ અને બે ટાયર્ડ વાદળી ઓર્ગેન્ઝા સ્કર્ટનો સમાવેશ થાય છે. તે જુલિયન્સ ઓક્શન્સ એન્ડ ટર્નર ક્લાસિક મૂવીઝ (TCM) દ્વારા ચાર દિવસીય "હોલીવુડ લિજેન્ડ્સ" વેચાણના ભાગ રૂપે વેચવામાં આવ્યું હતું. 1981માં પ્રિન્સ ચાર્લ્સ સાથેની સગાઈ દરમિયાન ડાયનાએ પહેરેલ ગુલાબી શિફૉન બ્લાઉઝ લોર્ડ સ્નોડોન દ્વારા લેવામાં આવ્યો હતો જે $381,000માં વેચાયો હતો. ડેવિડ અને એલિઝાબેથ ઈમેન્યુઅલના બ્લાઉઝ, જેમણે ડાયનાના લગ્નનો ડ્રેસ ડિઝાઇન કર્યો હતો, તેની કિંમત $80,000 થી $100,000 હતી.

Tags :