યુકેના PM ઋષિ સુનકે G20 સમિટની યજમાની, વેપાર કરાર અને ખાલિસ્તાની મુદ્દાઓ વિશે આશાવાદ વ્યક્ત કર્યો

યુકેના PM ઋષિ સુનક અને તેમની પત્ની અક્ષતા મૂર્તિ G20 સમિટ માટે શુક્રવાર સાંજે નવી દિલ્હી પહોંચ્યા હતા. યુકેના PM ઋષિ સુનકે ભારત દ્વારા G20 સમિટની યજમાની, વેપાર કરાર અને ખાલિસ્તાની ઉગ્રવાદ જેવા મુદ્દાઓ વિશે આશાવાદ વ્યક્ત કર્યો હતો. આજથી શરૂ થનારી G20 સમિટ માટે નવી દિલ્હી પહોંચ્યા બાદ ઋષિ સુનકે કહ્યું કે G20 એ […]

યુકેના PM ઋષિ સુનક અને તેમની પત્ની અક્ષતા મૂર્તિ G20 સમિટ માટે શુક્રવાર સાંજે નવી દિલ્હી પહોંચ્યા હતા. યુકેના PM ઋષિ સુનકે ભારત દ્વારા G20 સમિટની યજમાની, વેપાર કરાર અને ખાલિસ્તાની ઉગ્રવાદ જેવા મુદ્દાઓ વિશે આશાવાદ વ્યક્ત કર્યો હતો. આજથી શરૂ થનારી G20 સમિટ માટે નવી દિલ્હી પહોંચ્યા બાદ ઋષિ સુનકે કહ્યું કે G20 એ ભારત માટે એક મોટી સફળતા છે. ભારત G20 સમિટની યજમાની કરવા માટે યોગ્ય સમયે યોગ્ય દેશ છે અને અમારી પાસે થોડા દિવસો ચર્ચા વિચારણા અને નિર્ણયો લેવા માટે ખૂબ જ સારા રહેશે.

ઋષિ સુનકે ભારત-યુકે વેપાર કરારના મુદ્દે જણાવ્યું હતું, “મોદીજી અને હું અમારા બંને દેશો વચ્ચે એક વ્યાપક અને મહત્વાકાંક્ષી વેપાર કરાર પૂર્ણ થાય તે જોવા આતુર છીએ. વેપાર કરારમાં હંમેશા સમય લાગે છે, તેઓએ બંને દેશો માટે કામ કરવાની જરૂર છે. અમે ઘણી પ્રગતિ કરી હોવા છતાં, હજુ પણ સખત મહેનત કરવાની બાકી છે.”

યુકેમાં કોઈપણ પ્રકારનો ઉગ્રવાદ સ્વીકાર્ય નથી: ઋષિ સુનક

ઋષિ સુનકે યુકેમાં ખાલિસ્તાન તરફી તત્વો સાથે સંકળાયેલી ઘટનાઓ પર પણ વાત કરી હતી. તેમને કહ્યું, “તે ખરેખર એક મહત્વપૂર્ણ પ્રશ્ન છે અને હું સ્પષ્ટપણે કહું છું કે યુકેમાં કોઈપણ પ્રકારનો ઉગ્રવાદ અથવા હિંસા સ્વીકાર્ય નથી. અને તેથી જ અમે ખાસ કરીને ‘PKE’ ખાલિસ્તાની ઉગ્રવાદનો સામનો કરવા માટે ભારત સરકાર સાથે ખૂબ નજીકથી કામ કરી રહ્યા છીએ. મને નથી લાગતું કે તે યોગ્ય છે.”

ભારતે યુકેમાં ખાલિસ્તાની તરફી ઉગ્રવાદીઓની વધતી ગતિવિધિઓ, ખાસ કરીને આ વર્ષે માર્ચમાં લંડનમાં ભારતીય હાઈ કમિશન પર થયેલા હુમલા પર ચિંતા વ્યક્ત કરી હતી.   

રશિયા-યુક્રેન યુદ્ધ પર ભારતના વલણના મુદ્દા પર, ઋષિ સુનકે કહ્યું, “આંતરરાષ્ટ્રીય મુદ્દાઓ પર ભારતને શું વલણ અપનાવવું તે જણાવવાનું મારું કામ નથી, પરંતુ હું જાણું છું કે ભારત આંતરરાષ્ટ્રીય કાયદાના નિયમ, યુએન ચાર્ટરની યોગ્ય રીતે કાળજી રાખે છે અને પ્રાદેશિક અખંડિતતા માટે આદર કરે છે. આ એવી બાબતો છે જેમાં હું માનું છું અને જાણું છું કે ભારત પણ તે બાબતોમાં માને છે.”

મેં રક્ષાબંધનની ઉજવણી કરી: ઋષિ સુનક

હિન્દુ મૂળના પ્રથમ યુકેના PM ઋષિ સુનકે પણ હિન્દુ ધર્મ પર વાત કરી હતી. તેમણે કહ્યું, “હું ગૌરવપૂર્ણ હિંદુ છું, અને આ રીતે મારો ઉછેર થયો છે. આશા છે કે, આગામી થોડા દિવસો સુધી અહીંના મારા રોકાણ દરમિયાન, હું કોઈ મંદિરની મુલાકાત લઈ શકીશ. અમે હમણાં જ રક્ષાબંધન ઉજવી હતી. મારી બહેન અને મારા પિતરાઈ ભાઈઓ તરફથી, મારી પાસે મારી બધી રાખડીઓ છે, અને મારી પાસે બીજા દિવસે જન્માષ્ટમીની યોગ્ય રીતે ઉજવણી કરવાનો સમય નહોતો.”

• 

  Ahmedabad Civil Hospital: બાળકો માટે યોજાશે

  Gujarat

• 

  અફઘાનિસ્તાનમાં પેસેન્જર પ્લેન ક્રેશ, મોસ્કો જઈ રહેલું પ્લેન રસ્તો ભટકી ગયું... વાંચો વિગતો

  International

• 

  ઈરાન-પાકિસ્તાન વચ્ચે આગળ શું થઈ શકે? જાણો ભારતે શા માટે રાખવી જોઈએ નજર?

  International

• 

  પાકિસ્તાની 'લાલ ટોપી'એ ઈરાનને ગાઝામાં ફેરવવાની ધમકી આપી.. ભારત વિરુદ્ધ ઓક્યું ઝેર

  International

• 

  Ayodhya: 22મીએ રામ લલ્લાની પ્રાણપ્રતિષ્ઠા કડકડતી ઠંડીમાં

  India