ફેફસાનું કેન્સર થવાના આ 5 લક્ષણોની અવગણના ન કરો

લંગ કેન્સર અર્થાત ફેફસાનું કેન્સર જે એક ભયંકર રોગ છે, તેના નિવારણ અને નિદાન વિશે જાગૃતિ ફેલાવવા માટે દર વર્ષે 1 ઓગસ્ટના રોજ વર્લ્ડ કેન્સર ડે ઉજવવામાં આવે છે. ફેફસાનું કેન્સર એ વિશ્વના સૌથી સામાન્ય કેન્સર પૈકીનું એક છે અને પુરુષો અને સ્ત્રીઓ બંનેમાં મૃત્યુદર સૌથી વધુ છે. અમેરિકન કેન્સર સોસાયટી અનુસાર, એક પુરૂષને તેના […]

Last Updated : 01 August 2023, 11:10 AM IST

લંગ કેન્સર અર્થાત ફેફસાનું કેન્સર જે એક ભયંકર રોગ છે, તેના નિવારણ અને નિદાન વિશે જાગૃતિ ફેલાવવા માટે દર વર્ષે 1 ઓગસ્ટના રોજ વર્લ્ડ કેન્સર ડે ઉજવવામાં આવે છે. ફેફસાનું કેન્સર એ વિશ્વના સૌથી સામાન્ય કેન્સર પૈકીનું એક છે અને પુરુષો અને સ્ત્રીઓ બંનેમાં મૃત્યુદર સૌથી વધુ છે.

અમેરિકન કેન્સર સોસાયટી અનુસાર, એક પુરૂષને તેના જીવનકાળ દરમિયાન ફેફસાંનું કેન્સર થવાની સંભાવના 16 માંથી 1 છે, જ્યારે સ્ત્રી માટે, જોખમ 17 માંથી લગભગ 1 છે. આ સંખ્યામાં ધૂમ્રપાન કરનારા અને ધૂમ્રપાન ન કરનારા બંનેનો સમાવેશ થાય છે. ધૂમ્રપાન કરતા લોકો માટે જોખમ ઘણું વધારે છે, જ્યારે ધૂમ્રપાન ન કરતા લોકો માટે જોખમ ઓછું છે.

સેન્ટર્સ ફોર ડિસીઝ કંટ્રોલ એન્ડ પ્રિવેન્શન (CDC) એ એવા કેન્સરને વ્યાખ્યાયિત કરે છે જે ફેફસાંમાં થાય છે અને તે લસિકા ગાંઠો અથવા મગજ જેવા શરીરના અન્ય ભાગોમાં ફેલાઈ શકે છે. કેન્સર અન્ય અવયવોમાંથી ફેફસાંમાં પણ ફેલાઈ શકે છે. ડૉ. દેવવ્રત આર્ય, મેક્સ સુપર સ્પેશિયાલિટી હોસ્પિટલના ડાયરેક્ટર, કેટલાક મહત્વપૂર્ણ લક્ષણો જણાવે છે જેને અવગણવા જોઈએ નહીં અને તાત્કાલિક તબીબી સહાય લેવી જોઈએ. ડૉ. દેવવ્રત આર્યના જણાવ્યા મુજબ, જાગૃતિના અભાવ અને નિદાનમાં વિલંબને કારણે, મોટાભાગના ફેફસાનાં કેન્સર એડવાન્સ સ્ટેજમાં હોય છે જેમ કે સ્ટેજ III/IV.

આ 5 લક્ષણો ફેફસાનું કેન્સર હોવાનો ઈશારો કરે છે

સતત ઉધરસ

શરદી અથવા શ્વાસમાં થતા ઈન્ફેક્શન સાથે સંકળાયેલ શરદી એ સામાન્ય રીતે એક અઠવાડિયામાં દૂર થઈ જાય છે, પરંતુ સતત ઉધરસ જે સમય જતાં વધુ ખરાબ થાય છે તે ફેફસાંનું કેન્સરની ચેતવણી સંકેત હોઈ શકે છે. જો તમારી ઉધરસ વધુ વખત, કર્કશ અને લોહી અને મોટી માત્રામાં લાળ ઉત્પ્ન્ન કરે છે, તો તમારે તરત જ તમારા ડૉક્ટર દ્વારા તેની તપાસ કરાવવી જોઈએ.

છાતીમાં દુખાવો

છાતીમાં સતત અથવા વધુ પડતો દુખાવો થવો એ ફેફસાંના કેન્સરની બીજી નિશાની હોઈ શકે છે. ફેફસાના કેન્સરથી છાતીમાં દુખાવો થઈ શકે છે જેનથી શ્વાસ લેવામાં, ઉધરસ અથવા હસવામાં મુશ્કેલી થઈ શકે છે.

વજનમાં ઘટાડો

લગભગ 10 પાઉન્ડ અથવા તેથી વધુ વજનમાં અસ્પષ્ટ ઘટાડો એ ફેફસાંના કેન્સરની ચિંતાજનક નિશાની હોઈ શકે છે. ડૉ. દેવવ્રત આર્યના જણાવ્યા મુજબ, શરીરમાં કેન્સરની હાજરીને કારણે કોષો વધુ ઊર્જા વાપરે છે જેના કારણે વ્યક્તિના વજનમાં નોંધપાત્ર ઘટાડો થાય છે.

નબળાઈ અને થાક

ડૉ. દેવવ્રત આર્ય જણાવે છે કે જ્યારે શરીરમાં ફેફસાનું કેન્સર થાય છે, ત્યારે તમને થાકનો અનુભવ થઈ શકે છે જે આરામ કે ઊંઘ દ્વારા સારી ન થાય તો થાય છે. શરીરમાં કેન્સરના અન્ય લક્ષણોની હાજરી નબળાઈ અને થાક તરફ દોરી શકે છે.

ચહેરા પર સોજો

ફેફસાનું કેન્સર તમારા ચહેરા પર સોજો લાવી શકે છે. જમણા ફેફસાંના ઉપરના વિસ્તારની આસપાસની ગાંઠો ઉપરી વેના કાવા (SVC) પર દબાવી શકે છે, એક નસ જે શરીરના ઉપરના ભાગમાંથી હૃદય સુધી લોહી વહન કરે છે. આનાથી લોહીના પ્રવાહમાં અવરોધ આવી શકે છે અને ચહેરા, ગરદન અને હાથ પર સોજો આવી શકે છે.

ડૉ. દેવવ્રત આર્યએ ફેફસાના કેન્સર માટે કેટલાક નિવારક પગલાં પણ સૂચિત કર્યા જેમાં ધૂમ્રપાન ઘટાડવાનો સમાવેશ થાય છે. જો તમે ધૂમ્રપાન કરતા નથી, તો તમારા દુષિત હવાના સંપર્કમાં ઘટાડો કરો. એવું કહેવાય છે કે સક્રિય ધૂમ્રપાન કરતાં નિષ્ક્રિય ધૂમ્રપાન વધુ જોખમી છે. બહાર જતી વખતે, N95 પોલ્યુશન માસ્ક પહેરવાનું ધ્યાન રાખો. ફેફસાંને વાયુ પ્રદૂષકોની હાનિકારક અસરોથી બચાવવામાં પોષણ મહત્વની ભૂમિકા ભજવે છે. રંગબેરંગી ફળો અને એન્ટીઑકિસડન્ટોથી ભરપૂર ખોરાક ખાઓ.

Tags :