સેન્સિટિવ દાંતની સમસ્યાથી તમે પણ છો પરેશાન? અપનાવો આ ઉપાયો

દાંતને સ્વસ્થ, સુંદર અને ચમકદાર રાખવા મુશ્કેલ છે. સેન્સિટિવ દાંત ધરાવતા લોકોને અનેક પરેશાનીઓનો સામનો કરવો પડતો હોય છે. તેથી દાંતના સ્વાસ્થ્યને પ્રાથમિકતા આપવી જરૂરી છે. જ્યારે તમે ગરમ, ઠંડા અથવા ખાંડવાળા ખોરાક અને પીણાંનું સેવન કરો છો ત્યારે દાંતમાં સેન્સિટિવિટીથાય છે. આ સેન્સિટિવિટીને કારણે તમે ખુલીને હસી શકતા નથી. સેન્સિટિવ દાંતને સફેદ કરવા માટેના […]

Last Updated : 24 September 2023, 01:21 PM IST

દાંતને સ્વસ્થ, સુંદર અને ચમકદાર રાખવા મુશ્કેલ છે. સેન્સિટિવ દાંત ધરાવતા લોકોને અનેક પરેશાનીઓનો સામનો કરવો પડતો હોય છે. તેથી દાંતના સ્વાસ્થ્યને પ્રાથમિકતા આપવી જરૂરી છે. જ્યારે તમે ગરમ, ઠંડા અથવા ખાંડવાળા ખોરાક અને પીણાંનું સેવન કરો છો ત્યારે દાંતમાં સેન્સિટિવિટીથાય છે. આ સેન્સિટિવિટીને કારણે તમે ખુલીને હસી શકતા નથી.

સેન્સિટિવ દાંતને સફેદ કરવા માટેના ઉપાયો:

ડેન્ટિસ્ટની સલાહ લો

સેન્સિટિવ દાંત સફેદ કરવાની સારવાર કરાવતા પહેલા, તમારા ડેન્ટિસ્ટની સલાહ લો. તેઓ તમારા મોંના સ્વાસ્થ્યનું મૂલ્યાંકન કરી શકે છે, સેન્સિટિવિટીનું કારણ શોધી શકે છે અને તમારી સમસ્યા માટે શ્રેષ્ઠ ઉપાય બતાવી શકે છે.

દાંતની સેન્સિટિવિટીનો ઉકેલ

1. ખાસ કરીને સેન્સિટિવ દાંત માટે રચાયેલ ટૂથપેસ્ટનો ઉપયોગ કરો જેમાં એવા ઘટકો હોય છે જે સેન્સિટિવિટી પેદા કરતી સંવેદનાઓને અવરોધવામાં મદદ કરે છે.

2. કડક રૂંછાવાળા ટૂથબ્રશનો ઉપયોગ કરવાનું ટાળો. સોફ્ટ-બ્રિસ્ટલ ટૂથબ્રશ પસંદ કરો અને દાંત પરના પડનું ધોવાણ થતા અટકાવો.

3. દાંત પર આવેલા પડને મજબૂત કરવા અને સેન્સિટિવિટી ઘટાડવામાં મદદ કરવા ફ્લોરાઈડ માઉથવોશનો ઉપયોગ કરો.

4. જો જરૂરી હોય તો, તમારા ડેન્ટિસ્ટ ફ્લોરાઈડ વાર્નિશ અથવા ડિસેન્સિટાઈઝિંગ એજન્ટ્સ જેવી પ્રોફેશનલ સારવારની સલાહ આપી શકે છે.

વ્હાઈટનિંગ

ડેન્ટિસ્ટ દર્દીના દાંતની સેન્સિટિવિટીને અનુસાર દાંતને સફેદ કરવા માટેની સારવાર કરી શકે છે. તેઓ વ્હાઈટિંગ એજન્ટની સાંદ્રતાને નિયંત્રિત કરી શકે છે અને જરૂરિયાત મુજબ ડિસેન્સિટાઈઝિંગ સારવાર આપી શકે છે.

હોમ વ્હાઈટનિંગ કિટ્સ

કેટલીક હોમ વ્હાઈટનિંગ કિટ્સ સેન્સિટિવ દાંત માટે ડિઝાઇન કરવામાં આવતી હોય છે. આ કિટમાં સામાન્ય રીતે ઓછી માત્રામાં વ્હાઈટનિંગ એજન્ટ હોય છે અને તેમાં માઉથ ગાર્ડમાં મૂકેલા ડિસેન્સિટાઈઝિંગ જેલ્સનો પણ સમાવેશ થઈ શકે છે.

કેટલીક નુકસાનકારક વ્હાઈટનિંગ સારવાર લેવાનું ટાળો

અનુકૂળ હોવા છતાં, OTC વ્હાઈટિંગ સ્ટ્રીપ્સ બ્લીચિંગ એજન્ટોની વધુ સાંદ્રતાને કારણે તમારા દાંતમાં વધુ સેન્સિટિવિટી પેદા કરી શકે છે. આથી, આવી સારવાર લેવાનું ટાળો.

મોંની સ્વચ્છતા જાળવો

નિયમિત બ્રશ, ફ્લોસિંગ અને માઉથવોશનો ઉપયોગ તમારા દાંતના સ્વાસ્થ્ય અને

દેખાવને જાળવવામાં મદદ કરી શકે છે.

એસિડિક ખોરાકને ટાળો અને ઠંડા પીણાંને મર્યાદિત કરો

કોફી, ચા, રેડ વાઈન તમારા દાંતને ખરાબ કરી શકે છે. તમારા દાંતને સફેદ કરવા માટે આ પદાર્થોના સેવનને મર્યાદિત કરો.

નિયમિત ડેન્ટલ ચેકઅપ

તમારા મોંના સ્વાસ્થ્યની દેખરેખ રાખવા માટે નિયમિત ડેન્ટલ ચેકઅપ કરાવો.

તમારી દાંતની સેન્સિટિવિટી સમસ્યાને પ્રાધાન્ય આપો અને ડેન્ટિસ્ટ પાસે નિયમિત ચેકઅપ કરવતા રહો. કોઈ પણ સારવાર લેતા પહેલા ડેન્ટિસ્ટની સલાહ લેવી અનિવાર્ય છે.

Tags :