વ્યસ્ત જીવનમાં કસરત કરવા માટે આ 5 ટિપ્સ અપનાવી તમારું વજન ઘટાડો

ઘણા લોકો માટે કસરત કરવા માટે સમય કાઢવો મુશ્કેલ બની શકે છે. તમારા કુટુંબ અને નોકરીની જવાબદારીઓને ધ્યાનમાં રાખીને દરરોજ જીમમાં જવું પડકારજનક હોઈ શકે છે. તેનો અર્થ એ નથી કે તમે મસલ્સ બનાવવા માટે કસરત કરી શકતા નથી. તમારો ઉદ્દેશ્ય વધુ ચાલવાનો અને ધીમે ધીમે વધુ સખત કસરત કરવાનો હોવો જોઈએ. તમે કરેલ વર્કઆઉટમાં […]

Last Updated : 05 August 2023, 06:12 AM IST

ઘણા લોકો માટે કસરત કરવા માટે સમય કાઢવો મુશ્કેલ બની શકે છે. તમારા કુટુંબ અને નોકરીની જવાબદારીઓને ધ્યાનમાં રાખીને દરરોજ જીમમાં જવું પડકારજનક હોઈ શકે છે. તેનો અર્થ એ નથી કે તમે મસલ્સ બનાવવા માટે કસરત કરી શકતા નથી.

તમારો ઉદ્દેશ્ય વધુ ચાલવાનો અને ધીમે ધીમે વધુ સખત કસરત કરવાનો હોવો જોઈએ. તમે કરેલ વર્કઆઉટમાં સંતોષ કરો. કોઈપણ પ્રવૃત્તિ તમારા સ્વાસ્થ્ય માટે સારી હોય છે, અને જ્યારે પણ તમે કસરત કરવા માટે પહેલ કરો છો, ત્યારે તમે તમારા જીવનસાથી અને બાળકો માટે એક સારું ઉદાહરણ સ્થાપિત કરો છો.

જો તમારું વ્યસ્ત શેડ્યૂલ હોય તો તમને નિયમિતપણે કસરત કરવા માટે આ ટિપ્સની મદદ લો:

મુસાફરી દરમિયાન કસરત

જો તમને કાર્ડિયો માટે સમય કાઢવામાં તકલીફ પડતી હોય, તો તમે એક જગ્યાએથી બીજી જગ્યાએ મુસાફરી કરતી વખતે ચાલવા અથવા દોડવાનું પસંદ કરી શકો છો. જો કે કામ પર જતી વખતે તે અનુકૂળ નથી. કસરત કરતી વખતે તમે ચાલી શકો છો અથવા દોડી શકો છો.

ઓફિસમાં કસરત

તમારી ઓફિસમાં તમે કસરત કરી શકો છો. તમારા ડેસ્ક પર ડમ્બેલ્સ અથવા વર્કઆઉટ ટ્યુબિંગ રાખો અને તમારા કોરની સ્થિતિ સુધારવા માટે સ્થિર બોલ પર બેસો. ડમ્બેલ કર્લ્સ, ઓવરહેડ પ્રેસ અને એબ ક્રન્ચ્સના 12થી 15 વખત પુનરાવર્તન કરીને, દરેક કસરતના બે અથવા ત્રણ સેટ કરવાનું લક્ષ્ય રાખો.

સમય નિશ્ચિત કરો

જો મોટાભાગના દિવસોમાં તમારું વ્યસ્ત શેડ્યૂલ હોય, તો તમે કસરત માટે ચોક્કસ સમય નિશ્ચિત કરો. કસરત માટે ચોક્કસ સમય કાઢો. સવારે સૌથી પહેલા કસરત કરવી તમારા માટે ફાયદાકારક સાબિત થઈ શકે છે અને દિવસ દરમિયાન તમારી ઊર્જા પણ વધે છે. સવારે 30 મિનિટ માટે પણ કસરત કરવી અત્યંત ફાયદાકારક સાબિત થઈ શકે છે.

HIIT કસરત કરો

HIIT અદ્ભુત રીતે અસરકારક છે, તે ફક્ત થોડા સમય માટે કસરત કરનારા લોકો માટે ઉત્તમ છે. અન્ય કોઈપણ પ્રકારની કસરત કરતાં HIIT કસરતથી ચરબી ઘટાડવામાં વધારે મદદ મળે છે. પુશ-અપ્સ, બર્પીઝ, સ્ક્વોટ્સ અને લંગ્સ માત્ર 20 મિનિટ કરવાથી દર એક મિનિટમાં 15 કેલરી બર્ન થઈ શકે છે, જે લાંબા સમય સુધી ચાલવાથી બર્ન થતી કેલરી કરતાં લગભગ બમણી છે. HIITને ઉચ્ચ-તીવ્રતાવાળી એરોબિક કસરત તરીકે વર્ગીકૃત કરવામાં આવે છે, જેમાં 150 મિનિટની કસરત કરવાથી થતા સ્વાસ્થ્ય લાભો દર અઠવાડિયે માત્ર 75 મિનિટની કસરત કરવાથી પ્રાપ્ત થાય છે.

મલ્ટિટાસ્ક

ટ્રેડમિલ પર ઝડપથી ચાલવા માટે તેને સેટ કરો અને બંને હાથમાં ત્રણથી પાંચ પાઉન્ડવાળા ડમ્બેલ પકડો. ટ્રેડમિલ પર ચાલતી વખતે ક્રમશ: દરેક કસરત એક મિનિટ માટે કરો: શોલ્ડર પ્રેસ, બાઈસેપ્સ કર્લ, ટ્રાઈસેપ્સ એક્સ્ટેંશન, સાઈડ લેટરલ, ફ્રન્ટ લેટરલ અને સ્ટેન્ડિંગ ટ્રાઈસેપ્સ કિકબેક. તે શરીરના ઉપરના ભાગની કસરત છે જે હૃદયના ધબકારા વધારે છે. આ કસરતને અઠવાડિયામાં બે કે ત્રણ વખત કરો.

Tags :