વેટલોસ કરવા HIIT વર્કઆઉટ માટે ઉપયોગી સાધનોનું લિસ્ટ જાણો

શરીરમાં જમા થયેલી વધારાની કેલેરીને બાળવા માટે અને કાર્ડિયોવેસ્ક્યુલર ફિટનેસમાં સુધારો લાવવા માટે કાર્યક્ષમ પરિણામો આપી રહેલી હાઈ ઈન્ટેન્સિટી ઈન્ટરવલ ટ્રેઈનિંગ (HIIT) હાલ ખૂબ જ લોકપ્રિય બની રહી છે. HIIT વર્કઆઉટ માટેનું એક અગત્યનું પાસું એ પણ છે કે, તમારે વજન ઘટાડવાનો સંપૂર્ણ લાભ લેવા માટે એક સુસજ્જ જિમની પણ જરૂર નથી રહેતી. ઘરે જ […]

Last Updated : 19 August 2023, 12:57 PM IST

શરીરમાં જમા થયેલી વધારાની કેલેરીને બાળવા માટે અને કાર્ડિયોવેસ્ક્યુલર ફિટનેસમાં સુધારો લાવવા માટે કાર્યક્ષમ પરિણામો આપી રહેલી હાઈ ઈન્ટેન્સિટી ઈન્ટરવલ ટ્રેઈનિંગ (HIIT) હાલ ખૂબ જ લોકપ્રિય બની રહી છે. HIIT વર્કઆઉટ માટેનું એક અગત્યનું પાસું એ પણ છે કે, તમારે વજન ઘટાડવાનો સંપૂર્ણ લાભ લેવા માટે એક સુસજ્જ જિમની પણ જરૂર નથી રહેતી. ઘરે જ અમુક સાધનો વસાવીને તમે પડકારજનક HIIT વર્કઆઉટ રૂટિન નક્કી કરી શકો છો. જે તમને ફિટનેસ જાળવવા ઉપરાંત વજન ઘટાડવાના લક્ષ્યને પાર પાડવા માટેની તમારી મર્યાદાઓમાંથી બહાર આવવામાં પણ મદદરૂપ બનશે.

ઘરે રહીને HIIT વર્કઆઉટ કરવા માટે ઉપયોગી સાધનો

જો તમે ઘરે જ HIIT વર્કઆઉટની મદદથી તમારૂં વજન ઘટાડવા માટે તત્પર છો તો અહીં દર્શાવવામાં આવેલા સાધનો તમારા માટે ખૂબ જ ઉપયોગી બની રહેશે.

1. રેઝિસ્ટન્સ બેન્ડ્સ

વિવિધ રેઝિસ્ટન્સ લેવલ પ્રમાણે મળતાં આ રેઝિસ્ટન્સ બેન્ડ્સ (Resistance bands)નો ઉપયોગ કરીને તમે સ્ક્વોટ્સ, લંગ્સ અને શોલ્ડર વર્કઆઉટમાં વૈવિધ્ય લાવીને મસલ્સને મજબૂત બનાવી શકશો.

2. બેટલ રોપ

સ્ટ્રેન્થ ટ્રેઈનિંગ અને કાર્ડિયોવેસ્ક્યુલર કન્ડિશનીંગને જોડતા આખા શરીરના વર્કઆઉટ માટે બેટલ રોપ્સ (Battle ropes) ઉત્તમ સાધન છે. દોરડા વડે તરંગો બનાવીને અને પ્રહારો કરીને તમે તમારા શરીરના ઉપલા ભાગ, કોર અને પગને એકસાથે વર્કઆઉટમાં જોડી શકો છો. બેટલ રોપ HIIT વર્કઆઉટ્સ સહનશક્તિ, સંકલન અને શરીરની એકંદર શક્તિમાં સુધારો કરે છે.

3. કેટલબેલ્સ

કેટલબેલ્સ (Kettlebells) એક સાથે સ્ટ્રેન્થ અને કાર્ડિયો લાભ આપતા હોવાથી તે HIIT વર્કઆઉટ કરનારા લોકોની દિનચર્યામાં મહત્વનો ભાગ ભજવે છે. સ્વિંગ, સ્નેચ અને રશિયન ટ્વિસ્ટ જેવી કસરતો કરતી વખતે તે તમારી સ્થિરતા અને સંકલન સાધવાની શક્તિને પડકાર ઉભો કરે છે.

4. ડમ્બેલ્સ

HIIT વર્કઆઉટની વિવિધ કસરતોમાં ડમ્બેલ્સ (Dumbbells)નો ઉપયોગ કરવાથી તમે નિર્ધારિત મસલ્સને પ્રભાવશાળી રીતે લક્ષિત કરી શકો છો. ડમ્બલ થ્રસ્ટર્સ, રિનેગેડ રો સહિતની કસરતો શરીર માટે એક વ્યાપક પૂર્ણ વર્કઆઉટ બની શકે છે.

5. ફોમ રોલર

શરીર માટે વર્કઆઉટ જેટલું જ મહત્વ રિકવરીનું પણ છે. ફોમ રોલર (foam roller)ની મદદથી તમે સ્નાયુઓના દુઃખાવાને ઘટાડી લચીલાપણું પ્રાપ્ત કરી શકો છો.

6. એર બાઈક

અસોલ્ટ બાઈક તરીકે ઓળખાતા એર બાઈક (Air bike) HIIT વર્કઆઉટ માટેનું એક શક્તિશાળી ઉપકરણ છે. તમે જેટલા બળપૂર્વક પેડલ મારશો પ્રતિરોધ તેટલો વધુ આવશે જે એક કાર્ડિયોવેસ્ક્યુલર કસરત બનીને તમારા શરીરના ઉપરના અને નીચેના હિસ્સાને વ્યાયામ આપશે.

7. પન્ચિંગ બેગ

પન્ચિંગ બેગ (Punching bag) તણાવમુક્ત બનવા માટેના શ્રેષ્ઠ સાધનની સાથે જ કાર્ડિયો ફોકસડ HIIT વર્કઆઉટ માટેનું એક ઉપયોગી સાધન પણ છે. દૈનિક વર્કઆઉટમાં ઈનકોર્પોરેટિંગ બોક્સિંગ અને કિકબોક્સિંગને સામેલ કરીને કાર્ડિયોવેસ્ક્યુલર ફિટનેસ મેળવવાની સાથે શરીરના ઉપરના અને નીચેના હિસ્સાના મસલ્સને ટોનિંગ આપી શકશો.

Tags :