ચોમાસા દરમિયાન પાણીજન્ય રોગોનાં લક્ષણો ઓળખો

ચોમાસાની ઋતુ દરમિયાન, આસપાસના વિસ્તારોમાં પાણી ભરાવા અને બેક્ટેરિયાના વિકાસને કારણે પાણીજન્ય રોગો થવાનું જોખમ વધી જાય છે. પીવાના પાણીનું દૂષણ એ એક નોંધપાત્ર ચિંતા બની જાય છે, જેના કારણે પાણીજન્ય રોગો, ખાસ કરીને પેટ સંબંધિત સમસ્યાઓની સંભાવના વધી જાય છે. પીવાના પાણી સાથે સંકળાયેલા આ મુદ્દાઓને સામાન્ય રીતે પાણીજન્ય રોગો તરીકે ઓળખવામાં આવે છે, […]

Last Updated : 29 July 2023, 07:32 AM IST

ચોમાસાની ઋતુ દરમિયાન, આસપાસના વિસ્તારોમાં પાણી ભરાવા અને બેક્ટેરિયાના વિકાસને કારણે પાણીજન્ય રોગો થવાનું જોખમ વધી જાય છે. પીવાના પાણીનું દૂષણ એ એક નોંધપાત્ર ચિંતા બની જાય છે, જેના કારણે પાણીજન્ય રોગો, ખાસ કરીને પેટ સંબંધિત સમસ્યાઓની સંભાવના વધી જાય છે.

પીવાના પાણી સાથે સંકળાયેલા આ મુદ્દાઓને સામાન્ય રીતે પાણીજન્ય રોગો તરીકે ઓળખવામાં આવે છે, જે એલર્જી અને ફૂડ પોઈઝનિંગ જેવી ગંભીર અને જીવન માટે જોખમી પરિસ્થિતિઓને જન્મ આપી શકે છે. સરકારી મેડિકલ કોલેજ, કન્નૌજ (ઉત્તર પ્રદેશ) ખાતે કોમ્યુનિટી મેડિસિનનાં વડા પ્રોફેસર (ડૉ) ડી એસ માર્ટોલિયા એ આ રોગો અને તેના લક્ષણો વિશે જાણકારી આપી. આવો જાણીએ આ કયા રોગ છે અને તેનાં લક્ષણોને કેવી રીતે ઓળખી શકાય છે.

કોલેરા

દૂષિત પાણીના વપરાશથી થતા રોગોમાં, કોલેરા એ ભંયકર રોગ છે. કોલેરા એ બેક્ટેરિયલ ઈન્ફેક્શન છે જે દૂષિત પાણી અથવા ખોરાક લેવાથી થાય છે. કોલેરા સહિત પાણીજન્ય રોગો ઝાડા, ઉલ્ટી અને ડિહાઇડ્રેશન જેવી સમસ્યાઓ થાય છે. આ ચોક્કસ રોગ મુખ્યત્વે ચોમાસાની ઋતુ દરમિયાન થાય છે, ખાસ કરીને જ્યારે પૂર અને પાણી ભરાવાથી પાણીના સ્ત્રોતો દૂષિત થાય છે.

ટાઈફોઈડ

દૂષિત પાણી પીવાથી ટાઈફોઈડ તાવ થવાનું જોખમ પણ વધી જાય છે. કોલેરાની જેમ જ, ટાઈફોઈડ તાવ એ દૂષિત પાણી અથવા વાસી ખોરાકના કારણે થતો બેક્ટેરિયલ ઈન્ફેક્શન છે. ટાઈફોઈડ તાવના લક્ષણોમાં તાવ, માથાનો દુખાવો, પેટમાં દુખાવો અને ઝાડા થાય છે. તે એક પ્રચલિત પાણીજન્ય રોગ છે, અને અપૂરતી સ્વચ્છતાના કારણે તે ફેલાય છે.

હેપેટાઈટિસ A

હેપેટાઈટિસ A, જે દૂષિત પાણી દ્વારા ફેલાય છે, તે પાણીજન્ય રોગનું બીજું ઉદાહરણ છે. તે દૂષિત પાણી અથવા વાસી ખોરાકના વપરાશ દ્વારા ફેલાય છે. આ વાયરલ ઈન્ફેક્શનથી તાવ, ઉબકા, ઉલ્ટી અને કમળો જેવા લક્ષણો થઈ શકે છે. આ સમસ્યાને રોકવા માટે, નિષ્ણાતો ઘરની આસપાસ સ્વચ્છતા જાળવવા અને દૂષિત પાણીના વપરાશને ટાળવાના મહત્વ પર ભાર મૂકે છે.

ડાયેરિયા

ડાયેરિયા એ અસંખ્ય પાણીજન્ય રોગોમાં પ્રચલિત લક્ષણ તરીકે કામ કરે છે, જેમાં કોલેરા, ટાઈફોઈડ અને હેપેટાઈટીસ Aનો સમાવેશ થાય છે. આ સ્થિતિ બેક્ટેરિયા, વાયરસ અને પરોપજીવીઓ જેવા વિવિધ સુક્ષ્મસજીવો દ્વારા થઈ શકે છે. પાંચ વર્ષથી ઓછી ઉંમરના બાળકોમાં ખાસ કરીને આ લક્ષણો વધારે ઝડપથી જોવા મળે છે.

અમેબીયાસીસ

અમેબીયાસીસ, દૂષિત પાણીના પરિણામે થતો રોગ, દૂષિત પાણી અથવા વાસી ખોરાકના વપરાશ દ્વારા પ્રસારિત થતો રોગ છે. અમેબીયાસીસના લક્ષણોમાં ઝાડા, પેટમાં દુખાવો અને તાવનો સમાવેશ થઈ શકે છે. આ પાણીજન્ય રોગ ભારતમાં પ્રચલિત છે, ખાસ કરીને અપૂરતી સ્વચ્છતા રાખવાના કારણે તે ફેલાય છે.

દૂષિત પાણી પીવાથી થતા રોગોના લક્ષણો:

ઉલટી અને ઉબકા

ચક્કર આવવા

પેટમાં દુખાવો

ઝાડા

પુષ્કળ પરસેવો

થાક લાગવો

અચાનક વજન ઘટવું

ફૂડ પોઈઝનિંગના ગંભીર લક્ષણો

ધ્રુજારી

લકવો

પાણીજન્ય રોગોથી બચવાના ઉપાયો:

ઉકાળેલું પાણી ઠંડુ થયા બાદ પીઓ.

હંમેશા તાજો રાંધેલો અને ગરમ ખોરાક ખાવો.

હંમેશા ફિલ્ટર કરેલું પાણી પીવો.

બજારમાંથી હંમેશા સારી ગુણવત્તાના ફળ અને શાકભાજી ખરીદો.

ખોરાક બનાવતા પહેલા સાબુ અને પાણીથી હાથ ધોવા.

ઓછો રાંધેલો કે કાચો ખોરાક ન ખાવો.

બહારનો ખોરાક ખાવાનું ટાળો.

Tags :