IND vs SA 2nd Test: શું રોહિત શર્મા કરી શકશે મહેન્દ્ર સિંહ ધોની જેવું કારનામું?

સેન્ચુરિયન ખાતેની ટેસ્ટમાં અઢી દિવસમાં ઈનિંગ અને 32 રનથી મળેલી હારથી ટીમ ઈન્ડિયાની મુશ્કેલીઓ વધી ગઈ છે. હવે આવી સ્થિતિમાં તેઓ જીત સાથે નવા વર્ષની શરૂઆત કરવા માટે બેતાબ રહેશે.

Last Updated : 02 January 2024, 05:46 PM IST

હાઈલાઇટ્સ

રિપોર્ટ્સનું માનીએ તો આ મેચ માટે ભારતીય ટીમમાં બે મોટા ફેરફાર થઈ શકે છે
ODI વર્લ્ડ કપમાં મળેલી હારથી રોહિત શર્મા હજી પણ બહાર આવી શક્યો નથી

કેપટાઉનઃ પ્રથમ ટેસ્ટમાં શરમજનક હાર બાદ બાઉન્સ બેક કરવા માટે ભારતીય બોલરોએ બુધવારથી દક્ષિણ આફ્રિકા સામે શરૂ થઈ રહેલી બીજી ક્રિકેટ ટેસ્ટમાં વધુ સારું પ્રદર્શન કરવું પડશે. આ સાથે, તે કોઈપણ કિંમતે વર્લ્ડ ચેમ્પિયનશિપ પોઈન્ટ ટેબલમાં વધારો કરવાનો પ્રયાસ કરશે. હાલમાં, સાઉથ આફ્રિકા વર્લ્ડ ટેસ્ટ ચેમ્પિયનશિપ 2023-25 સીઝનમાં ટોચ પર છે, જ્યારે ભારત છઠ્ઠા સ્થાને છે. ઓલરાઉન્ડર રવિન્દ્ર જાડેજાની વાપસીથી મિડલ ઓર્ડરમાં સંતુલન રહેશે અને તે મિડલ ઓવરોમાં અસરકારક સાબિત થશે. મેચ ભારતીય સમય અનુસાર બપોરે 2 વાગ્યે શરૂ થશે.

શું રોહિત શર્મા કરશે ધોની જેવું કારનામું?
નવી વર્લ્ડ ટેસ્ટ ચેમ્પિયનશિપમાં એક હાર અને એક ડ્રો બાદ ભારત જીત માટે બેતાબ રહેશે. જોકે, ભારત આ મેદાન પર છેલ્લી છમાંથી ચાર મેચ હારી ચૂક્યું છે. ODI વર્લ્ડ કપની ફાઇનલમાં મળેલી હારમાંથી બહાર આવવાનો પ્રયાસ કરી રહેલા કેપ્ટન રોહિત શર્મા માટે છેલ્લા છ સપ્તાહ સારા રહ્યા નથી. આ મેદાન પર દક્ષિણ આફ્રિકાનો દબદબો છે. દક્ષિણ આફ્રિકાન કેપ્ટન ડીન એલ્ગર, જે આ ટેસ્ટ પછી નિવૃત્ત થઈ રહ્યો છે, તે નહીં ઈચ્છે કે, રોહિત મહેન્દ્ર સિંહ ધોની પછી ટેસ્ટ શ્રેણી ડ્રો કરનારો ભારતનો બીજો કેપ્ટન બને.

ત્રીજા અને ચોથા પેસરની ભૂમિકા મહત્વની
ભારત માટે ત્રીજા અને ચોથા ફાસ્ટ બોલરની ભૂમિકા મહત્વની રહેશે. પ્રસિદ્ધ કૃષ્ણ હજુ ટેસ્ટ ક્રિકેટ માટે તૈયાર નથી અને શાર્દુલ ઠાકુર સતત પ્રદર્શન કરી શક્યો નથી. ટોચના ત્રણ બેટ્સમેન યશસ્વી જયસ્વાલ, શુભમન ગિલ અને શ્રેયસ અય્યરના ખરાબ ફોર્મે ટીમની ચિંતા વધારી દીધી છે. તેમને દક્ષિણ આફ્રિકાના બોલરોના બાઉન્સરોનો સામનો કરવો પડશે. ઉલ્લેખનીય છે કે, પ્રથમ ટેસ્ટના પ્રથમ દાવમાં કેએલ રાહુલ અને બીજી ઈનિંગમાં વિરાટ કોહલીને બાદ કરતાં કોઈ પણ ભારતીય બેટ્સમેન સેન્ચુરિયનમાં વધારાના ઉછાળાનો સામનો કરી શક્યો ન હતો.

બોલિંગમાં થઈ શકે બદલાવ
આ પીચ બેટ્સમેનો માટે મદદરૂપ થઈ શકે છે જેના પર સ્પિનરોને વધારે મદદ નહીં મળતી. આવી સ્થિતિમાં જો જાડેજા ફિટ હોય તો રવિચંદ્રન અશ્વિનને ટીમમાં રાખવાનો કોઈ અર્થ નથી. રોહિતે એ પણ જોવું પડશે કે શું તે તેના નિષ્ણાત બેટ્સમેન પર વિશ્વાસ કરે છે અને શાર્દુલ અને પ્રસિદ્ધની જગ્યાએ મુકેશ કુમાર કે આવેશ ખાનને સામેલ કરે છે. મુકેશે નેટ્સમાં વધારાની પ્રેક્ટિસ કરી અને તે શાર્દુલ કરતાં વધુ અસરકારક છે. આવેશ લાલ બોલમાં વધારાના ઉછાળનો ફાયદો ઉઠાવી શકે છે.

રમતને ફરી પલટાવી શકે છે સાઉથ આફ્રિકાના બેટ્સમેન
એલ્ગર, એડન માર્કરામ, ટોની ડી જ્યોર્ગી, કીગન પીટરસનને બેટ્સમેન-ફ્રેન્ડલી પિચ પર નિયંત્રિત કરવું સરળ રહેશે નહીં. આવી સ્થિતિમાં નવા બોલની ભૂમિકા મહત્વની રહેશે. જસપ્રીત બુમરાહ પ્રાર્થના કરશે કે આકાશ વાદળછાયું હોય અને તે પ્રથમ ટેસ્ટની જેમ અશુભ સાબિત ન થાય જ્યારે ભારતની ફિલ્ડિંગ પણ નબળી સાબિત થઈ હતી. કેપ્ટન રોહિતે બેટિંગમાં પોતાનું કૌશલ્ય બતાવવું પડશે. ફાસ્ટ બોલર કાગિસો રબાડા તેને વારંવાર પરેશાન કરી રહ્યો છે. લુંગી એનગિડી પણ એટલો જ ખતરનાક બોલર છે.

સંભવિત ટીમ
ભારત: રોહિત શર્મા (કેપ્ટન), યશસ્વી જયસ્વાલ, શુભમન ગિલ, વિરાટ કોહલી, કેએલ રાહુલ (વિકેટકીપર), શ્રેયસ અય્યર, રવિન્દ્ર જાડેજા, શાર્દુલ ઠાકુર, જસપ્રિત બુમરાહ, મોહમ્મદ સિરાજ, મુકેશ કુમાર, પ્રસિદ્ધ કૃષ્ણા, કેએસ ભરત (વિકેટકીપર), અભિમન્યુ ઇશ્વરન (બીજી ટેસ્ટ).

દક્ષિણ આફ્રિકા: ટેમ્બા બાવુમા (કેપ્ટન), એડન માર્કરમ, ટોની ડી જોર્ઝી, ડીન એલ્ગર, કીગન પીટરસન, કાયલ વેરેન (વિકેટકીપર), ટ્રિસ્ટન સ્ટબ્સ (વિકેટકીપર), નાન્દ્રે બર્ગર, માર્કો યાનસન, વિયાન મુલ્ડર, ગેરાલ્ડ કોએત્ઝી, કેશવ મહારાજ, કાગીસો રબાડા, લુંગી એનગીડી, ડેવિડ બેડિંગહામ.

Tags :