મેલેરિયાની રસી ટૂંક સમયમાં કરાશે લોન્ચ, ડેન્ગ્યુ એક વર્ષમાં મટાડશે: SII

SII (સીરમ ઈન્સ્ટિટ્યૂટ ઓફ ઈન્ડિયા) ના મેનેજિંગ ડિરેક્ટર સાયરસ પૂનવાલાએ બુધવારે જાહેરાત કરી હતી કે કંપની ટૂંક સમયમાં જ મેલેરિયાની રસી લોન્ચ કરશે. એક અહેવાલ અનુસાર, સાયરસ પૂનાવાલાએ પુણેમાં મિસ વર્લ્ડ ઓર્ગેનાઈઝેશન દ્વારા આયોજિત પ્રેસ કોન્ફરન્સમાં આ નિવેદન આપ્યું હતું. તેમના નિવેદનમાં તેમણે કહ્યું કે મેલેરિયાની રસી માત્ર ભારતમાં જ નહીં, પરંતુ આફ્રિકામાં પણ જ્યાં […]

Last Updated : 01 September 2023, 10:39 AM IST

SII (સીરમ ઈન્સ્ટિટ્યૂટ ઓફ ઈન્ડિયા) ના મેનેજિંગ ડિરેક્ટર સાયરસ પૂનવાલાએ બુધવારે જાહેરાત કરી હતી કે કંપની ટૂંક સમયમાં જ મેલેરિયાની રસી લોન્ચ કરશે. એક અહેવાલ અનુસાર, સાયરસ પૂનાવાલાએ પુણેમાં મિસ વર્લ્ડ ઓર્ગેનાઈઝેશન દ્વારા આયોજિત પ્રેસ કોન્ફરન્સમાં આ નિવેદન આપ્યું હતું. તેમના નિવેદનમાં તેમણે કહ્યું કે મેલેરિયાની રસી માત્ર ભારતમાં જ નહીં, પરંતુ આફ્રિકામાં પણ જ્યાં મેલેરિયાના કેસ જોવા મળે છે ત્યાં મેલેરિયાની રસી ફાયદાકારક સાબિત થશે.

સ્વદેશી મલેરિયાની રસી તૈયાર કરાશે

સાયરસ પૂનાવાલાએ પુણેમાં એક કાર્યક્રમ દરમિયાન મીડિયા સાથે વાતચીત કરી હતી. તેમણે કહ્યું, “અમે અત્યાર સુધી ઘણી બધી રસી બનાવી છે. હાલમાં દેશની સાથે સાથે વિશ્વભરમાં ડેન્ગ્યુ અને મેલેરિયાના રોગોનો વ્યાપ વધી રહ્યો છે. તેથી ડેન્ગ્યુ અને મેલેરિયાની રસી હવે SIIમાંથી તૈયાર કરવામાં આવશે.”

સાયરસ પૂનાવાલાએ વધુમાં કહ્યું, “કોવિશિલ્ડની સફળતા પછી, વિશ્વમાં પ્રથમ વખત, SII મેલેરિયાની રસી લોન્ચ કરશે. તેમણે જણાવ્યું કે ભારતના આંતરિક ભાગોમાં લોકો વારંવાર મેલેરિયાથી સંક્રમિત થાય છે.”

તેમણે એમ પણ કહ્યું કે SII ડેન્ગ્યુ માટે રસી તૈયાર કરી રહી છે, જે અન્ય વાયરલ ઈન્ફેક્શન છે જે મચ્છરોથી લોકોમાં ફેલાય છે. તેમણે કહ્યું કે ડેન્ગ્યુનો ઈલાજ એક વર્ષમાં તૈયાર થઈ જશે.

મેલેરિયા અને ડેન્ગ્યુ બંને ઉષ્ણકટિબંધીય અને ઉપ-ઉષ્ણકટિબંધીય દેશોમાં ફેલાવવાની શક્યતા વધુ છે. SII એ કોવિડ-19 રોગચાળાના ફેલાવા પછી કોવિશિલ્ડ રસી પણ બનાવી હતી.

મેલેરિયા બાદ કેન્સરની રસી લોન્ચ કરવાની પણ તૈયારી

ચોમાસાની ઋતુમાં ડેન્ગ્યુ અને મેલેરિયા જેવી બીમારીઓ લાખો લોકોને સંક્રમિત કરે છે અને કેટલાક લોકો ડેન્ગ્યુને કારણે મૃત્યુ પણ પામે છે. તેથી, ઘણા વર્ષોથી SII સંસ્થાના વૈજ્ઞાનિકો આ રોગો સામે લડવા માટે રસી વિકસાવવાનો પ્રયાસ કરી રહ્યા હતા. મેલેરિયાની રસી હવે વૈજ્ઞાનિકો દ્વારા સફળતાપૂર્વક બનાવવામાં આવી છે. સીરમ પર કામ કરતા SII સંસ્થાના સંશોધકો કેન્સર, મેલેરિયા અને ડેન્ગ્યુનો અભ્યાસ કરી રહ્યા હતા અને મેલેરિયાની રસી શોધવામાં આવી. હવે તેઓ કેન્સર જેવા ગંભીર રોગની રસી શોધવાનો પ્રયાસ કરી રહ્યા છે.

વર્લ્ડ હેલ્થ ઓર્ગેનાઈઝેશન (WHO) ના સૌથી તાજેતરના વૈશ્વિક રિપોર્ટ અનુસાર, 2020 માં 245 મિલિયન કેસોની સરખામણીમાં 2021 માં મેલેરિયાના 247 મિલિયન કેસ નોંધાયા હતા. 2021 માં, 6,19,000 મેલેરિયાના મૃત્યુની ધારણા હતી, જે 2020 માં 6,25,000 થી ઘટી છે.

મેલેરિયાનાં લક્ષણો

મેલેરિયા એ પરોપજીવીને કારણે થતી બીમારી છે. મેલેરિયા લોકોને પરોપજીવી ચેપગ્રસ્ત મચ્છરના કરડવાથી થાય છે. મેલેરિયા ઘણીવાર શરીરના ઊંચા તાપમાન અને ધ્રુજારી સાથે ગંભીર બીમારીમાં પરિણમે છે.