Skin Supplements: આખું વર્ષ ચમકતી ત્વચા મેળવવા માટે ધ્યાનમાં રાખો આ ખાસ ટિપ્સ

Skin Supplements: તમારી ત્વચાની સંભાળ રાખવા માટે ત્વચાના બાહ્ય આવરણ પર વિવિધ પ્રકારની સ્કિનકેર પ્રોડક્ટ્સનો ઉપયોગ કરવામાં આવે તેટલું જ પૂરતું નથી. યુવાન અને ચમકતી ત્વચા (Glowing Skin) પ્રાપ્ત કરવા માટે તેને અંદરથી પોષણ આપવું પણ ખૂબ જરૂરી છે. આ માટે અહીં દર્શાવેલા સ્કિન સપ્લીમેન્ટ્સ (Skin Supplements)ને તમારા ડાયેટમાં સામેલ કરવા જોઈએ જેથી ત્વચાના સ્વાસ્થ્યને […]

Last Updated : 25 October 2023, 06:56 AM IST

Skin Supplements: તમારી ત્વચાની સંભાળ રાખવા માટે ત્વચાના બાહ્ય આવરણ પર વિવિધ પ્રકારની સ્કિનકેર પ્રોડક્ટ્સનો ઉપયોગ કરવામાં આવે તેટલું જ પૂરતું નથી. યુવાન અને ચમકતી ત્વચા (Glowing Skin) પ્રાપ્ત કરવા માટે તેને અંદરથી પોષણ આપવું પણ ખૂબ જરૂરી છે. આ માટે અહીં દર્શાવેલા સ્કિન સપ્લીમેન્ટ્સ (Skin Supplements)ને તમારા ડાયેટમાં સામેલ કરવા જોઈએ જેથી ત્વચાના સ્વાસ્થ્યને પ્રોત્સાહન મળશે.

ત્વચા માટે જરૂરી પોષક તત્વોની વાત કરીએ તો બાયોટિન એ ત્વચાને હાઈડ્રેટ રાખવામાં અને તેના એકંદર દેખાવ માટે નોંધપાત્ર ભૂમિકા ભજવે છે. ફેટી એસિડ સાથે તેના સંશ્લેષણથી ત્વચાને પોષણ મળે છે અને ખીલ દૂર કરવામાં મદદ મળે છે. ત્વચા વધુ યુવાન લાગે છે.

હાયલ્યુરોનિક એસિડ સાથે મળીને કોલેજન ત્વચાને હાઈડ્રેટ રાખે છે અને કોલેજનના ઉત્પાદનમાં મદદરૂપ બને છે. ઉપરાંત તે ત્વચાની લવચીકતા વધારે છે અને વૃદ્ધત્વના ચિહ્નો ઘટાડવામાં પણ ઉપયોગી બને છે. વિટામીન સી કોલેજનના ઉત્પાદનને ઉત્તેજિત કરે છે જેથી પિગમેન્ટેશનમાં ઘટાડો થાય છે, ચમકતી ત્વચા (Glowing Skin) મળે છે અને કરચલીઓ પણ ઘટે છે.

વધુ વાંચો: રાત્રે આ ડ્રિંક પીને સૂવાથી બ્લોટિંગ અને ગેસની સમસ્યામાં મળશે રાહત

આ Skin Supplements તમારી ત્વચાને તેજસ્વી બનાવવામાં મદદરૂપ સાબિત થશે

કોલેજન બિલ્ડર

કોલેજનના પરંપરાગત સ્ત્રોતો મોટાભાગે દરિયામાંથી મળે છે અને શાકાહારીઓ માટે અયોગ્ય હોય છે. જોકે વૈજ્ઞાનિકોએ કોલેજન બિલ્ડર્સ અને પ્રો-કોલેજન પ્રોટીન પેપ્ટાઈડ્સ જેવા શાકાહારી-મૈત્રીપૂર્ણ વિકલ્પો શોધી કાઢ્યા છે. અસાઈ બેરી, એસેરોલા ચેરી અને સી બકથ્રોન જેવા ઘટકો ત્વચાના સમારકામ અને કાયાકલ્પ માટે જરૂરી વિટામિન સી, વિટામિન એ અને ઓમેગા ફેટી એસિડ્સ જેવા આવશ્યક પોષક તત્વોથી સમૃદ્ધ છે. તે સિવાય કેટલાક કોલેજન સમૃદ્ધ ખોરાકમાં કઠોળ, બીન્સ, બેરીઝ અને ખાટા ફળો વગેરેનો સમાવેશ થાય છે.

વિટામીન સી

વિટામિન સી એ આખું વર્ષ અદભૂત, ખુશખુશાલ ત્વચા પ્રાપ્ત કરવાનું છે. તે એક અસરકારક એન્ટીઓકિસડેન્ટ છે જે કોલેજનના ઉત્પાદનમાં મહત્વપૂર્ણ ભૂમિકા ભજવે છે અને યુવી એક્સપોઝરના કારણે ફ્રી રેડિકલની નુકસાનકારક અસરો સામે ત્વચાને રક્ષણ આપે છે. વિટામિન સી ત્વચાને હાઈડ્રેટ કરવામાં મદદ કરે છે અને તેની છોડ આધારિત કેપ્સ્યુલ્સ ત્વચાના ડિટોક્સિફિકેશન માટે યોગ્ય છે.

તે રંગને ચમકદાર બનાવવામાં મદદ કરે છે, કાળઆ ધબ્બાઓને ઝાંખા કરે છે અને ત્વચાના વધુ સમાન ટોનને પ્રોત્સાહન આપે છે. તે સાઈટ્રસ ફળો, સ્ટ્રોબેરી, બ્રોકોલી, બટાકા વગેરેમાંથી પણ મળી રહે છે.

વધુ વાંચો: દુલ્હન બનવા જઈ રહ્યા હોવ તો આમળા, બીટથી નિખારો તમારી સુંદરતા

આ સિવાય એલોવેરા, આર્ગોન અને સનફ્લાવર ઓઈલ ધરાવતા સપ્લીમેન્ટ્સ અને બદામ, મગફળી, પાલક, કોળું વગેરે વિટામીન ઈથી ભરપૂર ખોરાક ત્વચાને હાઈડ્રેટ અને સ્વસ્થ રાખશે. ઝિંકયુક્ત કુદરતી ખોરાક ત્વચામાં ઓક્સિડેટીવ તણાવ ઘટાડી ખીલ વગેરે સામે પણ રક્ષણ આપશે.

જ્યારે આખા અનાજ, બદામ, સીડ્સ, પાલક, ચોખા, મશરૂમ્સ અને કેળા સહિતના ખોરાકમાંથી મળતું બાયોટિન અથવા વિટામીન બી7 ત્વચા, વાળ અને નખના સ્વાસ્થ્યને જાળવવામાં મદદરૂપ બનશે.

Tags :