કાચા કેળા ખાવાથી થતા આશ્ચર્યજનક લાભ જાણો

કાચા કેળા, જેને લીલા કેળા તરીકે પણ ઓળખવામાં આવે છે, તે પોટેશિયમ, ફાઈબર અને જરૂરી પોષક તત્વોથી ભરપૂર છે. તેના અસંખ્ય ફાયદાઓ હોવા છતાં, તેની પાકેલા, પીળા કેળાના તુલનામાં ઘણીવાર અવગણના કરવામાં આવે છે. તમારા દિવસની શરૂઆત તમે કાચા કેળાથી કરી શકો છો. તે સૌથી આરોગ્યપ્રદ ફળ છે. જો કે, ઘણા લોકો કાચા કેળાનું સેવન […]

Last Updated : 22 July 2023, 12:28 PM IST

કાચા કેળા, જેને લીલા કેળા તરીકે પણ ઓળખવામાં આવે છે, તે પોટેશિયમ, ફાઈબર અને જરૂરી પોષક તત્વોથી ભરપૂર છે. તેના અસંખ્ય ફાયદાઓ હોવા છતાં, તેની પાકેલા, પીળા કેળાના તુલનામાં ઘણીવાર અવગણના કરવામાં આવે છે.

તમારા દિવસની શરૂઆત તમે કાચા કેળાથી કરી શકો છો. તે સૌથી આરોગ્યપ્રદ ફળ છે. જો કે, ઘણા લોકો કાચા કેળાનું સેવન કરતા નથી. કાચા કેળા ઘણા જરૂરી પોષક તત્વોથી ભરેલા હોય છે અને તે સ્વાસ્થ્ય માટે લાભદાયક હોય છે. કાચા કેળા સહેલાઈથી ઉપલબ્ધ છે અને ઘણા લોકો માટે તે ફળ છે. ન્યુટ્રિશનિસ્ટ લવનીત બત્રાએ કાચા કેળાના લાભો જણાવ્યા છે, જે નીચે પ્રમાણે છે.

કાચા કેળા ખાવાથી થતા લાભ

1. પાચનશક્તિ વધારે છે

ન્યુટ્રિશનિસ્ટ લવનીત બત્રા જણાવ્યું કે, કાચા કેળામાં ફિનોલિક્સ સંયોજનોની સૌથી વધુ ટકાવારી જોવા મળે છે. આ સંયોજનો પ્રીબાયોટિક અસર ધરાવે છે કારણ કે તે પેટ અને નાના આંતરડાના પાચનમાં ઉપયોગી છે તેમજ તે તમારા આંતરડામાં સારા બેક્ટેરિયાને ઉત્પન્ન કરે છે. લોકો પાકા કેળાને વધુ ફાયદાકારક ગણે છે, પરંતુ કાચા કેળા વધુ ન્યૂટ્રિશિયનથી ભરપૂર છે.

2. હૃદયનાં સ્વાસ્થ્યને સુધારે છે

કાચા કેળા હૃદય માટે જરૂરી એવા પોષક તત્વોથી ભરેલા હોય છે. પીળા કેળાની જેમ જ કાચા કેળા પણ પોટેશિયમનો ઉત્તમ સ્ત્રોત છે. પોટેશિયમ બ્લડ પ્રેશરને તંદુરસ્ત બનાવવામાં મદદ કરે છે અને હૃદયના ધબકારા પણ નિયંત્રિત કરે છે.

3. ડાયાબિટીસના દર્દીઓ માટે ઉત્તમ

કાચા કેળા ઓછા મીઠા હોય છે અને તેમાં પીળા કેળા કરતા ઓછી શર્કરા હોય છે. કાચા કેળામાં વધુ પ્રતિકારાત્મક સ્ટાર્ચ પણ હોય છે જે બ્લડના સુગર લેવલને જાળવવામાં મદદ કરી શકે છે. આ ઉપરાંત, કાચા કેળા ગ્લાયકેમિક ઈન્ડેક્સમાં નીચા સ્થાને છે, જેનું મૂલ્ય 30 રૂપિયા છે.

4. કાચા કેળા એન્ટિઓકિસડન્ટ્સથી ભરપુર હોય છે

એન્ટિઓક્સિડન્ટ્સ તમારા શરીરને મુક્ત રેડિકલ સામે રક્ષણ આપે છે અને ઓક્સિડેટીવથી થતા નુકસાનને અટકાવે છે. કાચા કેળામાં વિટામિન સી, બીટા કેરોટીન અને અન્ય ફાયટોન્યુટ્રિઅન્ટ્સ હોય છે. આ જૈવ-સક્રિય સંયોજનો શરીરમાં બળતરા ઘટાડવામાં મદદ કરે છે.

5. વજન ઘટાડવામાં મદદ કરે છે

કાચા કેળા તમારી ભૂખ ઓછી કરવામાં મદદ કરી શકે છે. કાચા કેળામાં ઉચ્ચ ફાઈબર પણ તમારા પેટને તૃપ્ત કરવામાં મદદ કરે છે, જેનાથી તમે તમારા ડાયટમાં ઓછી કેલરી લો.

કાચા કેળાનું સેવન કરવાની રીત

જે વાનગીમાં તમે બાફેલાં બટાકાંનો ઉપયોગ કરો છો તેમાંથી મોટા ભાગની વાનગીમાં કાચા કેળાનો ઉપયોગ કરી હેલ્ધી ડિશ બનાવી શકાય છે. કાચા કેળાની કરી, કાચા કેળાની ચિપ્સ, કાચા કેળાનું પોર્રીજ અથવા કાચા કેળાનો મેશ બનાવી શકો છો. આ સિવાય ટેસ્ટી વાનગીમાં કાચા કેળાના પરાઠાં અને કેળા વડા બનાવી શકો છો.

Tags :