1 જાન્યુઆરી 2024થી થઈ રહ્યા છે 5 મોટા ફેરફાર, જલદી પતાવી દેજો આ કામ

1 જાન્યુઆરી, 2024થી, મોબાઇલ ફોન વપરાશકર્તાઓએ નવા સિમ કાર્ડ માટે બાયોમેટ્રિક વિગતો પ્રદાન કરવી પડશે. આ સાથે જ ગૂગલ જીમેલ એકાઉન્ટ અને પર્સનલ જીમેલ એકાઉન્ટ પર નવા નિયમો લાગુ થશે.

જો તમે મોબાઈલનો ઉપયોગ કરો છો, તો તમારા માટે એક મહત્વપૂર્ણ સમાચાર છે, કારણ કે 1 જાન્યુઆરી, 2024 થી, 5 મોટા ફેરફારો થઈ રહ્યા છે, જેની સીધી અસર મોબાઈલ વપરાશકર્તાઓ પર પડશે. આવી સ્થિતિમાં તમારે 31 ડિસેમ્બર પહેલા તમામ કામ પૂર્ણ કરી લેવા જોઈએ. અન્યથા તમે મોબાઈલ ફોન દ્વારા UPI પેમેન્ટ કરી શકશો નહીં. તેમજ સિમ કાર્ડ બ્લોક થઈ શકે છે. મતલબ કે એક રીતે તમારો ફોન ડબ્બો બની જશે.

UPI પેમેન્ટ કરી શકશે નહીં
જો તમે એક વર્ષ કે તેથી વધુ સમયથી UPI IDનો ઉપયોગ કર્યો નથી, તો તમારું UPI ID 31 ડિસેમ્બર, 2023 પછી નિષ્ક્રિય થઈ જશે. આનો અર્થ એ છે કે 1 જાન્યુઆરી, 2023થી, તમે Google Pay, Phone Pay અને Paytm જેવી UPI ચૂકવણીનો ઉપયોગ કરી શકશો નહીં. તેનાથી બચવા માટે યુપીઆઈ આઈડી 31 ડિસેમ્બર સુધી સક્રિય કરવી પડશે.

નવા સિમ કાર્ડ નિયમો
નવા વર્ષથી UPI સિમ કાર્ડ મેળવવું મુશ્કેલ બનશે, કારણ કે સરકાર નવા નિયમો લાગુ કરી રહી છે, જેના કારણે નવું સિમ લેતી વખતે બાયોમેટ્રિક વિગતો આપવી પડશે. આ બિલ રાજ્યસભા અને લોકસભામાં પસાર થઈ ચૂક્યું છે. આ પછી બિલ કાયદો બની જશે.

આ જીમેલ એકાઉન્ટ બંધ થશે
જીમેલ એકાઉન્ટ કે જેનો ઉપયોગ એક કે બે વર્ષથી કરવામાં આવ્યો નથી. ગૂગલ આવા તમામ જીમેલ એકાઉન્ટ બંધ કરી દેશે. નવો નિયમ વ્યક્તિગત જીમેલ એકાઉન્ટ પર લાગુ થશે. જ્યારે નવો નિયમ શાળાઓ અને બિઝનેસ એકાઉન્ટ પર લાગુ થશે નહીં. આવી સ્થિતિમાં, જો તમે જુના જીમેલ એકાઉન્ટનો ઉપયોગ કર્યો નથી, તો તેને સક્રિય રાખવું જોઈએ.

લોકર એગ્રીમેન્ટ
ભારતીય રિઝર્વ બેંકે 31 ડિસેમ્બર 2023 સુધીમાં લોકર કરારનું નવીકરણ પૂર્ણ કરવાનો આદેશ આપ્યો છે. તમને જણાવી દઈએ કે લોકરનો નવો નિયમ નવા વર્ષથી લાગુ થવાનો છે. આવી સ્થિતિમાં તમારે 31 ડિસેમ્બર સુધીમાં મંજૂરી આપવી પડશે. અન્યથા તમે લોકરનો ઉપયોગ કરી શકશો નહીં.

નોમિની અપડેટ
ડીમેટ ખાતાધારકે 31મી ડિસેમ્બર સુધીમાં નોમિનીની માહિતી અપડેટ કરવાની રહેશે. અગાઉ તેની સમયમર્યાદા 30 સપ્ટેમ્બર હતી, જેને ત્રણ મહિના વધારીને 31 ડિસેમ્બર કરવામાં આવી છે.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India