Ahmedabad Airport પર વર્લ્ડ કપની ફાઈનલ મેચના દિવસે રેકોર્ડ સર્જાયો

17 થી 20 નવેમ્બર દરમિયાન ફ્લાઈટ્સની સંખ્યા વધીને 205 થઈ ગઈ

Last Updated : 21 November 2023, 10:34 AM IST

Courtesy: Image: Twitter

Ahmedabad Airport : ક્રિકેટ વર્લ્ડ કપની ફાઈનલ મેચને કારણે, અમદાવાદ એરપોર્ટ પર ખાનગી ચાર્ટર્ડ/વીઆઈપી ફ્લાઈટ્સની સંખ્યામાં સામાન્ય ચાર દિવસના સમયગાળાની સરખામણીમાં લગભગ ત્રણ ગણો વધારો નોંધાયો છે.

સામાન્ય રીતે આ એરપોર્ટ પર ચાર દિવસના સમયગાળામાં લગભગ 64 ફ્લાઈટ્સ ઓપરેટ થાય છે, પરંતુ 17 થી 20 નવેમ્બર દરમિયાન ફ્લાઈટ્સની સંખ્યા વધીને 205 થઈ ગઈ છે. ક્રિકેટના આ મહાકુંભમાં ભારત અને ઓસ્ટ્રેલિયા વચ્ચેની શાનદાર મેચ નિહાળવા માટે અનેક સેલિબ્રિટીઓ અને અન્ય મહાનુભાવો અમદાવાદ આવતાં હોવાથી એરપોર્ટ (Ahmedabad Airport ) પર ફ્લાઈટ્સની સંખ્યામાં વધારો થયો છે.

એરપોર્ટ પર સૌથી વધુ ફ્લાઈટ મુવમેન્ટનો રેકોર્ડ સર્જાયો

શહેરના સરદાર વલ્લભભાઈ પટેલ ઈન્ટરનેશનલ (SVPI) એરપોર્ટ પર ICC વર્લ્ડ કપ ODI ટૂર્નામેન્ટની ફાઈનલ મેચના દિવસે રવિવારે એક જ દિવસમાં 40,801 મુસાફરોની અવરજવર જોવા મળી હતી. આ એક જ દિવસમાં હવાઈ મુસાફરોની સંખ્યાનો નવો રેકોર્ડ બની ગયો છે. માઈક્રો પ્લાનિંગ અને પ્રી-પ્લાનિંગના કારણે એરપોર્ટ (Ahmedabad Airport ) પર અત્યાર સુધીની સૌથી વધુ ફ્લાઈટ મુવમેન્ટનો રેકોર્ડ સર્જાયો હતો.

એર શોને કારણે એર સ્પેસને 45 મિનિટ સુધી બંધ રાખવામાં આવી

રવિવારે શહેરના નરેન્દ્ર મોદી સ્ટેડિયમ ખાતે રમાયેલી વર્લ્ડ કપની ફાઇનલ મેચને કારણે એરપોર્ટ પર 260 થી વધુ શેડ્યૂલ સહિત 359 એર ટ્રાફિક મૂવમેન્ટ (ATM)નો રેકોર્ડ સર્જાયો હતો. SVPI એરપોર્ટ પર આવતા મુસાફરોમાંથી 33642 સ્થાનિક અને 7159 આંતરરાષ્ટ્રીય હતા. જણાવવામાં આવી રહ્યું છે કે ભારતીય વાયુસેનાના એર શોને કારણે એર સ્પેસને 45 મિનિટ સુધી બંધ રાખવામાં આવી હતી.

આ પછી, ફ્લાઇટ અને મુસાફરોનો આ માઇલસ્ટોન 23 કલાકમાં હાંસલ કરવામાં આવ્યો હતો.આ પહેલા 2 નવેમ્બરના રોજ SVPI એરપોર્ટ પર પેસેન્જરનો ટ્રાફિક સૌથી વધુ હતો. આ સમયગાળા દરમિયાન, 273 ફ્લાઇટ મૂવમેન્ટ સાથે 38243 મુસાફરો એરપોર્ટ (Ahmedabad Airport ) પર આવ્યા. આ વર્ષે 19મી ફેબ્રુઆરીએ 37793 મુસાફરોએ 268 ફ્લાઈટ મૂવમેન્ટ સાથે મુસાફરી કરી હતી.

23 કલાકમાં બનાવ્યો રેકોર્ડ

ભારતીય વાયુસેનાના એર શોના કારણે એરફિલ્ડ 45 મિનિટથી વધુ સમય માટે બંધ રહ્યા બાદ 23 કલાકમાં આ સિદ્ધિ હાંસલ કરવામાં આવી હતી. સૌથી વધુ પેસેન્જર ટ્રાફિક સાથે, અમદાવાદ એરપોર્ટે બે VVIP મહેમાનોના સ્વાગત સાથે ફ્લાઇટના સંકલનની ખાતરી કરી.

અમદાવાદ એરપોર્ટના (Ahmedabad Airport ) સત્તાવાર નિવેદનમાં કહેવામાં આવ્યું છે કે આ શક્ય બન્યું છે કારણ કે એરપોર્ટ પર મુસાફરોની સુવિધાઓ સતત વિસ્તૃત કરવામાં આવી રહી છે. આ સિવાય મેનેજમેન્ટને અપગ્રેડ કરવામાં આવ્યું છે. આ જ કારણ હતું કે વર્લ્ડ કપની મોટી ઈવેન્ટમાં એરપોર્ટે નવો રેકોર્ડ બનાવ્યો અને તેમાં કોઈ અડચણ ન આવી.

Tags :