નીતિશે તો ના પાડી દીધી.., INDIA ગઠબંધનની બેઠકમાં ખડગેને લઈને મોટો નિર્ણય, વાંચો વિગતો

બિહારના મુખ્યમંત્રી નીતિશ કુમારે I.N.D.I.A ગઠબંધનના અધ્યક્ષ બનવાની ઓફરને ફગાવી દીધી છે. નીતિશે કહ્યું કે તેમને કોઈ પદમાં કોઈ રસ નથી.

I.N.D.I.A ગઠબંધનની બેઠક સમાપ્ત થઈ ગઈ છે. બિહારના મુખ્યમંત્રી નીતિશ કુમારે સંયોજક બનવાના પ્રસ્તાવને ફગાવી દીધો છે. બેઠક પૂરી થયા બાદ બિહારના મંત્રી સંજય ઝાએ આ માહિતી આપી હતી. એવું કહેવામાં આવ્યું છે કે કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે I.N.D.I.A ગઠબંધનના અધ્યક્ષ બની શકે છે. બેઠકમાં પાર્ટીના નેતા રાહુલ ગાંધીના નામ પર પણ તેમને અધ્યક્ષ બનાવવા માટે ચર્ચા કરવામાં આવી હતી, પરંતુ ખડગે પર સર્વસંમતિ સધાઈ હતી. બેઠકમાં ડીએમકે નેતા સ્ટાલિન નીતિશ કુમારને કન્વીનર બનાવવાનો પ્રસ્તાવ લાવ્યા હતા.

જેડીયુ વતી પાર્ટી અધ્યક્ષ અને બિહારના મુખ્યમંત્રી નીતિશ કુમાર, પૂર્વ અધ્યક્ષ લલન સિંહ અને સંજય ઝાએ ભાગ લીધો હતો. જેડીયુ નેતા સંજય ઝાએ કહ્યું કે વર્ચ્યુઅલ મીટિંગ દરમિયાન કોંગ્રેસે મુખ્યમંત્રી નીતિશ કુમારને કન્વીનર બનાવવાનો પ્રસ્તાવ મૂક્યો હતો. તેના પર બિહારના મુખ્યમંત્રીએ કહ્યું કે કોંગ્રેસને I.N.D.I.A બ્લોકના અધ્યક્ષ બનવું જોઈએ. સંજય ઝાના કહેવા પ્રમાણે, નીતિશ કુમારે હજુ સુધી સંયોજક બનવા માટે સંમતિ આપી નથી. નીતીશે બેઠકમાં કહ્યું, 'મને કોઈ પદમાં રસ નથી. અમે ઇચ્છીએ છીએ કે ગઠબંધન આગળ વધે. મહત્વનું છે કે મહાગઠબંધનમાં સામેલ પક્ષો વચ્ચે એકતા હોવી જોઈએ. સંજય ઝાના જણાવ્યા અનુસાર, શીટ શેરિંગ પર પણ કોઈ ચર્ચા થઈ નથી.

બેઠકમાં કોણ રહ્યું ગેરહાજર?
લાલુ યાદવ અને તેજસ્વી યાદવે RJD તરફથી I.N.D.I.A ગઠબંધનની બેઠકમાં હાજરી આપી હતી. જેડીયુ તરફથી નીતિશ કુમાર, લલન સિંહ અને સંજય ઝાએ ભાગ લીધો હતો. આ સિવાય ડીએમકેના એમકે સ્ટાલિન, સીપીએમના સીતારામ યેચુરી, સીપીઆઈના ડી રાજા, સીપીઆઈ એમએલના દિપાંકર ભટ્ટાચાર્ય, જેએમએમના હેમંત સોરેન અને આમ આદમી પાર્ટીના સંયોજક અરવિંદ કેજરીવાલ બેઠકમાં સામેલ થયા હતા. તે જ સમયે, પશ્ચિમ બંગાળના મુખ્યમંત્રી મમતા બેનર્જી અને સમાજવાદી પાર્ટીના વડા અખિલેશ યાદવે બેઠક ટાળી હતી.

ઉલ્લેખનીય છે કે, I.N.D.I.A ગઠબંધનની છેલ્લી બેઠકમાં મમતા બેનર્જીએ વડાપ્રધાન પદના ચહેરા તરીકે મલ્લિકાર્જુન ખડગેનું નામ આગળ કર્યું હતું. આ પછી દિલ્હીના મુખ્યમંત્રી અરવિંદ કેજરીવાલે ખડગેના નામ પર પોતાની સંમતિ આપી દીધી હતી. એ પણ નોંધનીય છે કે નીતિશ કુમારે I.N.D.I.A ગઠબંધન બનાવવામાં મહત્વની ભૂમિકા ભજવી હોવાનું કહેવાય છે. શરૂઆતથી જ જેડીયુના નેતાઓ કહેતા આવ્યા છે કે નીતિશ કુમાર વડાપ્રધાન પદના દાવેદાર છે, જો કે નીતિશ પોતે ઘણી વખત કહી ચૂક્યા છે કે તેમને કોઈ પદની ઈચ્છા નથી.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India