એકબીજાના થયા ભાજપ MLA ભવ્ય અને IAS પરી... ઉદયપુરમાં ધામધૂમથી થયા 'શાહી' લગ્ન

પૂર્વ સીએમ ચૌધરી ભજનલાલના પૌત્ર અને આદમપુરના ભાજપ ધારાસભ્ય ભવ્ય બિશ્નોઈના રાજસ્થાનના ઉદયપુરમાં IAS પરી સાથે લગ્ન થયા છે.

હરિયાણાના પૂર્વ મુખ્યમંત્રી ચૌધરી ભજન લાલના પૌત્ર ભવ્ય બિશ્નોઈ અને રાજસ્થાનના રહેવાસી IAS પરી બિશ્નોઈ આખરે એક બીજાના થઈ ગયા છે. બંનેના શાહી લગ્ન 22 ડિસેમ્બરે રાજસ્થાનના ઉદયપુરમાં થયા હતા. ભવ્ય બિશ્નોઈ હિસારના આદમપુરથી ભાજપના ધારાસભ્ય છે. હવે લગ્ન બાદ રિસેપ્શન નવી દિલ્હી, હરિયાણાના આદમપુર અને રાજસ્થાનના પુષ્કરમાં યોજાશે. નવી દિલ્હીમાં યોજાનાર કાર્યક્રમમાં કેન્દ્રીય મંત્રીઓ અને વીવીઆઈપી ભાગ લેશે.

ભવ્ય વિશ્નોઈ અને IAS પરીના લગ્ન હોટેલ રાફેલ્સમાં થયા હતા. ઉદયસાગર તળાવની મધ્યમાં બનેલી ફાઈવ સ્ટાર હોટલમાં બંને પરિવારના માત્ર નજીકના સંબંધીઓ જ હાજર રહ્યા હતા. હવે આવતીકાલે 24મી ડિસેમ્બરે રાજસ્થાનના અજમેરના પુષ્કરમાં રિસેપ્શન યોજાશે જ્યારે 26મી ડિસેમ્બરે આદમપુરમાં રિસેપ્શન યોજાશે. આ પછી 27 ડિસેમ્બરે નવી દિલ્હીમાં ભવ્ય રિસેપ્શન યોજાશે.

શુક્રવારે સાંજે લગભગ 7.30 કલાકે હોટલથી જાન નીકળી હતી. વરરાજા ભવ્ય બિશ્નોઈએ સફેદ રંગની શેરવાની પહેરી હતી. લગ્નના મહેમાનોએ પાઘડી પહેરી હતી. જાન ત્યાં પહોંચતા જ દુલ્હન પક્ષે તેમનું સ્વાગત કર્યું. રાત્રે 9.30 વાગ્યા પછી મંદિર પાસેના બગીચામાં જ ફેરા હતા. આ પહેલા અહીં ગુરુવારે રાત્રે સંગીત કાર્યક્રમનું આયોજન કરવામાં આવ્યું હતું.

1 મેના રોજ થઈ હતી ભવ્ય-પરીની સગાઈ
હરિયાણાના પૂર્વ સીએમ ચૌધરી ભજનલાલના પૌત્ર અને આદમપુર સીટના ધારાસભ્ય ભવ્ય બિશ્નોઈ અને પરી બિશ્નોઈની સગાઈ 1 મેના રોજ થઈ હતી. પરી બિશ્નોઈ યુનિયન પબ્લિક સર્વિસ કમિશન (UPSC) 2019 બેચની મહિલા અધિકારી છે. તેમને સિક્કિમ કેડર મળી છે. તેમણે લગ્ન માટે તેમની કેડર બદલી નાખી છે. હવે તેમને હરિયાણા કેડરનું એનઓસી પણ મળી ગયું છે.

પરીએ 2019માં UPSC પાસ કરી
IAS પરી વિશ્નોઈનો જન્મ બિકાનેર જિલ્લામાં થયો હતો. તેમના પિતા મણિરામ વકીલ છે અને માતા સુશીલા વિશ્નોઈ નાગૌર એસીબીમાં છે. પરીના પિતા ચાર વખત તેમના ગામના સરપંચ રહી ચૂક્યા છે. પરીએ દિલ્હી યુનિવર્સિટીમાંથી ગ્રેજ્યુએશન દરમિયાન સિવિલ સર્વિસ પરીક્ષાની તૈયારી શરૂ કરી હતી. સ્નાતક થયા પછી, પરીએ એમડીએસ યુનિવર્સિટી, અજમેરમાંથી પોલિટિકલ સાયન્સમાં પીજી કર્યું. આ પછી, વર્ષ 2019માં, પરીએ તેના ત્રીજા પ્રયાસમાં UPSC પાસ કરી. તેમણે ઓલ ઈન્ડિયામાં 30મો રેન્ક મેળવ્યો હતો.

ભવ્ય બિશ્નોઈએ ઓક્સફોર્ડ યુનિવર્સિટીમાંથી કર્યો છે અભ્યાસ
ભવ્યના પિતા કુલદીપ બિશ્નોઈ પણ સાંસદ રહી ચૂક્યા છે. ભવ્યએ ઓક્સફોર્ડ યુનિવર્સિટીમાંથી અભ્યાસ કર્યો છે. બીજેપી નેતા કુલદીપ બિશ્નોઈએ ઓગસ્ટ 2022માં કોંગ્રેસ છોડી દીધી હતી. આ પછી તેમણે વિધાનસભામાંથી રાજીનામું આપી દીધું હતું. વર્ષ 2022માં આદમપુર વિધાનસભા બેઠક પર યોજાયેલી પેટાચૂંટણીમાં કુલદીપ બિશ્નોઈનો પુત્ર ભવ્ય પ્રથમ વખત ધારાસભ્ય બન્યો હતો. અગાઉ તેમના પિતા કુલદીપ બિશ્નોઈ આ બેઠક પરથી ધારાસભ્ય હતા. તેમના રાજીનામા બાદ આ બેઠક ખાલી પડી હતી.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India