Rajasthan Election: રાજસ્થાન વિધાનસભા ચૂંટણી માટે કોંગ્રેસે ચૂંટણી મેનિફેસ્ટો જાહેર કર્યો

કોંગ્રેસે મેનિફેસ્ટોમાં જાતિ સર્વેક્ષણ કરવાનું વચન આપ્યું

 

Rajasthan Election: કોંગ્રેસે રાજસ્થાન વિધાનસભા ચૂંટણી (Rajasthan Election) માટે મેનિફેસ્ટો જાહેર કર્યો છે. આ મેનિફેસ્ટો પાર્ટી કાર્યાલયમાંથી જાહેર કરવામાં આવ્યો છે. મેનિફેસ્ટોમાં મહિલાઓ અને વંચિત વર્ગો માટે કલ્યાણકારી યોજનાઓ પર ધ્યાન કેન્દ્રિત કર્યું છે અને 25 નવેમ્બરની વિધાનસભા ચૂંટણીમાં સત્તા પર આવશે તો જાતિ સર્વેક્ષણનું વચન આપ્યું છે.

Rajasthan Electionના મેનિફેસ્ટોમાં તમામ વચનો પૂરા કરવામાં આવશે: મલ્લિકાર્જુન ખડગે

કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેની હાજરીમાં પાર્ટીએ રાજસ્થાન વિધાનસભા ચૂંટણી (Rajasthan Election) માટે મતદાનના ચાર દિવસ પહેલા મેનિફેસ્ટો બહાર પાડયો છે. 

 

આ પ્રસંગે મુખ્યમંત્રી અશોક ગેહલોત, પ્રદેશ પાર્ટી અધ્યક્ષ ગોવિંદ સિંહ દોતાસરા અને વરિષ્ઠ નેતા સચિન પાયલોટ અને અન્ય ઘણા નેતાઓ હાજર રહ્યા હતા. મલ્લિકાર્જુન ખડગેએ કહ્યું, “અમે ચોક્કસપણે જાહેરાતોને અમલમાં મૂકીશું. તેમાં કોઈ શંકા નથી.”

 

મેનિફેસ્ટોમાં પંચાયત સ્તરે નોકરીઓ માટે નવી રોજગાર યોજના અને ઉજ્જવલા યોજનાના લાભાર્થીઓને ₹ 400માં LPG સિલિન્ડર આપવાનું વચન આપવામાં આવ્યું છે. મેનિફેસ્ટોને લોન્ચ કરતા મુખ્યમંત્રી અશોક ગેહલોતે કહ્યું કે પેપર લીકની સમસ્યાનો સામનો કરવા માટે કાયદો લાવવામાં આવશે.

 

અશોક ગેહલોતે કહ્યું, "હું દરેકને અમારી સરકારનું પુનરાવર્તન કરવાની અપીલ કરું છું. મારા કાર્યકાળ દરમિયાન બનેલી યોજનાઓ, કાયદાઓ અને આપેલી બાંયધરીઓએ મોટી અસર કરી છે. જ્યારે સરકાર બનશે ત્યારે આ ગેરંટીનો અમલ કરવામાં આવશે."

 

રાજસ્થાનના લોકો ગર્વ અનુભવશે - અશોક ગેહલોત

તેમણે વધુમાં કહ્યું, "રાજસ્થાનની આર્થિક સ્થિતિને અમે જે રીતે સંભાળી છે તેના પર. રાજસ્થાનમાં માથાદીઠ આવકમાં 46.48 ટકાનો વધારો થયો છે. અમારું સપનું 2030 સુધીમાં માથાદીઠ આવકમાં નંબર-વનનું સ્થાન હાંસલ કરવાનું છે. 2020-21માં રાજ્યનો જીડીપી 19.50 પર પહોંચી ગયો, જે આ દાયકામાં સૌથી વધુ છે."

 

કોંગ્રેસ અધ્યક્ષ મલ્લિકાર્જુન ખડગેએ રાજસ્થાન વિધાનસભા ચૂંટણી (Rajasthan Election) માટે જયપુરના પાર્ટી કાર્યાલયમાંથી મેનિફેસ્ટો જાહેર કર્યો છે, જેમાં 4 લાખ સરકારી નોકરીઓ આપવાનું વચન આપ્યું છે જ્યારે ખેડૂતોને 2 લાખ રૂપિયા સુધીની વ્યાજ મુક્ત લોન આપવામાં આવશે. આ ઉપરાંત યુવાનો માટે 10 લાખ નવી નોકરીઓ ઉભી કરવામાં આવશે. 

 

મફત માસિક પાસની જાહેરાત કરાઈ

આ ઉપરાંત, પરિવહનમાં મુસાફરી ભાડામાં ડિસ્કાઉન્ટ અને મફત માસિક પાસ પણ જારી કરવામાં આવશે તેમજ મહિલાઓની સુરક્ષા માટે જાહેર સ્થળોએ CCTV કેમેરા લગાવવામાં આવશે તેમજ ગાર્ડની નિમણૂંક કરવામાં આવશે. જાતીય સતામણીના કેસોમાં ઝડપી ન્યાય માટે સરેરાશ તપાસ સમય ઘટાડવા માટે જરૂરી પગલાં લેવામાં આવશે. 

 

કોંગ્રેસે રાજસ્થાન ચૂંટણી (Rajasthan Election) માટે પોતાના મેનિફેસ્ટોનું નામ જનઘોષણા પત્ર-2 રાખ્યું છે. કોંગ્રેસે પંચાયતી રાજ વ્યવસ્થાને મજબૂત બનાવવાનું વચન આપ્યું છે. મેનિફેસ્ટોના વચનોની ઘોષણા કરતા મેનિફેસ્ટો કમિટીના અધ્યક્ષ સીપી જોશીએ કહ્યું કે જો રાજસ્થાનમાં કોંગ્રેસ સરકાર ફરીવાર સત્તામાં આવશે તો ખેડૂતોને 50 લાખ રૂપિયા સુધીનો સ્વાસ્થ્ય વીમો અપાશે.   

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India