શું કોંગ્રેસ પાસે ચૂંટણી લડવાના પૈસા ખૂટ્યા? પાર્ટીએ ક્રાઉડ ફંડિંગ અભિયાનની કરી જાહેરાત!

અભિયાનને અધિકારીક રીતે 18 ડિસેમ્બરના રોજ નવી દિલ્હીમાં કોંગ્રેસના અધ્યક્ષ મલ્લિકાર્જુન ખડગે દ્વારા શરૂ કરવામાં આવશે. 

ભારતની સૌથી જૂની રાજકીય પાર્ટી કોંગ્રેસે 18 ડિસેમ્બરના રોજ એક ક્રાઉડફંડિંગ અભિયાનની જાહેરાત કરી છે. એટલે, સરળ ભાષામાં એવું કહી શકાય કે, કોંગ્રેસે હવે ભારતના લોકો પાસેથી દાન માંગવાની યોજના બનાવી છે. આ અભિયાનને ‘ડોનેટ ફોર દેશ’ નામ આપવામાં આવ્યું છે. પાર્ટીએ કહ્યું કે, આ પહેલ 1920-21 માં મહાત્મા ગાંધીના ઐતિહાસિક ‘તિલક સ્વરાજ ફંડ’ થી પ્રેરીત છે. આજે એક પ્રેસ કોન્ફરન્સને સંબોધીત કરતા કોંગ્રેસના મહાસચિવ કેસી વેણુગોપાલ અને અજય માકને આ જાહેરાત કરી છે. 

અજય માકને કહ્યું કે, કોંગ્રેસ પાર્ટીના 138 વર્ષ પૂરા થવા પર અમે દેશવાસીઓને અપીલ કરીએ છીએ કે તેઓ કોંગ્રેસને મજબૂત કરવા માટે કોંગ્રેસના ખાતામાં  ₹138, ₹1,380, ₹13,800 ની રકમ જમા કરાવે, જેથી કોંગ્રેસ આવનારા સમયમાં વધુ સારા ભારત માટે કામ કરી શકીએ. અભિયાનને અધિકારીક રીતે 18 ડિસેમ્બરના રોજ નવી દિલ્હીમાં કોંગ્રેસના અધ્યક્ષ મલ્લિકાર્જુન ખડગે દ્વારા શરૂ કરવામાં આવશે. 

જિલ્લા કોંગ્રેસ કમિટી, પ્રદેશ કોંગ્રેસ કમિટી અને અખિલ ભારતીય કોંગ્રેસ કમિટીના પદાધિકારીઓને ઓછામાં ઓછા 1380 રૂપીયાનું દાન કરવા માટે કહેવામાં આવ્યું છે. કોંગ્રેસે જણાવ્યું કે, આ રણનૈતિક દ્રષ્ટીકોણથી વધુ સારા ભારતના અમારા દ્રષ્ટીકોણની સફળતા સુનિશ્ચિત કરશે. 

આમ આદમી પાર્ટીના મોડલ પર આધારિત છે આ અભિયાન 
કોંગ્રેસની આ પહેલ આમ આદમી પાર્ટીના ઓનલાઈન ક્રાઉડફંડિંગ મોડલ પર આધારિત છે. આ જાહેરાત ત્યારે કરવામાં આવી છે જ્યારે પાર્ટી આર્થિક સંકટનો સામનો કરી રહી છે. 2023 માં પાર્ટીએ ભાજપની 6,046.81 કરોડ રૂપીયાની તુલનામાં 805.68 કરોડ રૂપીયાની સંપત્તિની જાહેરાત કરી હતી. છેલ્લા કેટલાય વર્ષોમાં પાર્ટીના કોર્પોરેટ ફંડિંગમાં ઘટાડો જોવા મળ્યો છે. 

અજય માકને કહ્યું કે, આ અભિયાન અંતર્ગત પાર્ટીના કાર્યકર્તાઓ ઘરે-ઘરે જઈને પ્રત્યેક બુથના ઓછામાં ઓછા 10 ઘરને કવર કરશે. તેમણે કહ્યું કે, દાનદાતાઓની ઉંમર 18 વર્ષથી વધારે હોવી જોઈએ અને તે ભારતના નાગરિક હોવા જોઈએ. 

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India