Karni Senaના પ્રદેશ અધ્યક્ષ સુખદેવ સિંહ ગોગામેડીની જયપુરમાં ગોળી મારીને હત્યા

રાષ્ટ્રીય રાજપૂત કરણી સેનાના પ્રમુખ સુખદેવ સિંહ ગોગામેડીની જયપુરમાં ગોળી મારીને હત્યા કરવામાં આવી છે. મંગળવારે ધોળા દિવસે કેટલાક બદમાશોએ ગોગામેડી પર ગોળીબાર કર્યો હતો. આ ઘટના સીસીટીવીમાં કેદ થઈ છે.

જયપુર: રાષ્ટ્રીય રાજપૂત કરણી સેનાના પ્રદેશ અધ્યક્ષ સુખદેવ સિંહ ગોગામેડીની મંગળવારે જયપુરમાં ગોળી મારીને હત્યા કરવામાં આવી છે. શ્યામનગરમાં સ્કૂટી પર આવેલા બદમાશો સુખદેવ સિંહ પર ધોળા દિવસે જ ગોળીબાર કરીને ફરાર થઈ ગયા હતા. ઘટનાને પગલે ગોગામેડીને મેટ્રો માસ હોસ્પિટલમાં લઈ જવામાં આવ્યા હતા, જ્યાં તેમને મૃત જાહેર કરવામાં આવતા હડકંપ મચી ગયો હતો.

પોલીસ પ્રશાસનમાં ખળભળાટ મચી ગયો

#WATCH | Rajasthan | Sukhdev Singh Gogamedi, national president of Rashtriya Rajput Karni Sena, shot dead by unidentified bike-borne criminals in Jaipur. He was declared dead by doctors at the hospital where he was rushed to. Details awaited. pic.twitter.com/wGPU53SG2h

— ANI MP/CG/Rajasthan (@ANI_MP_CG_RJ) December 5, 2023

સુખવીર સિંહ ગોગામેડી પર ફાયરિંગની માહિતી મળતા જ પોલીસ પ્રશાસનમાં ખળભળાટ મચી ગયો હતો. સ્થાનિક પોલીસ ઉપરાંત વરિષ્ઠ અધિકારીઓ ઘટનાસ્થળે પહોંચી ગયા હતા અને વિસ્તારમાં ભારે પોલીસ દળ તૈનાત કરવામાં આવ્યો હતો. જણાવવામાં આવી રહ્યું છે કે સુખવીર સિંહ ગોગામેડીની તેમના ઘર પાસે જ હત્યા કરવામાં આવી હતી. જયપુરમાં રહેતા સુખવીર સિંહના ઘર પાસે ચાર અજાણ્યા બદમાશો હથિયાર લઈને આવ્યા હતા.

CCTVના આધારે પોલીસ તપાસ શરૂ

મીડિયા રિપોર્ટ અનુસાર બદમાશોએ ગનમેન નરેન્દ્રને પણ ગોળી મારી હતી. બનાવની જાણ થતાં જ આસપાસના લોકો દોડી આવ્યા હતા અને પોલીસને જાણ કરવામાં આવી હતી. હાલ પોલીસ સીસીટીવીની તપાસમાં વ્યસ્ત છે. આ ઘટના શ્યામનગરમાં દાના પાણી રેસ્ટોરન્ટની પાછળ બની હતી. ઉલ્લેખનીય છે કે, લોરેન્સ વિશ્નોઈ ગેંગના સંપત નેહરાએ અગાઉ ધમકી આપી હતી.

રાષ્ટ્રીય રાજપૂત કરણી સેનાના નામે અલગ સંગઠન બનાવ્યું

સુખદેવ સિંહ ગોગામેડીને ગોળી ક્યાં વાગી અને કોણે ગોળી ચલાવી તે હજુ સુધી બહાર આવ્યું નથી. સુખદેવ સિંહ ગોગામેડી લાંબા સમયથી રાષ્ટ્રીય કરણી સેના સાથે જોડાયેલા હતા. ઘણા સમય પહેલા કરણી સેના સંગઠનમાં વિવાદ બાદ તેમણે રાષ્ટ્રીય રાજપૂત કરણી સેનાના નામથી અલગ સંગઠન બનાવ્યું હતું. ગોગામેડી તેના પ્રમુખ હતા. તે ફિલ્મ પદ્માવત અને ગેંગસ્ટર આનંદપાલ એન્કાઉન્ટર કેસ બાદ રાજસ્થાનમાં વિરોધ પ્રદર્શનને કારણે ચર્ચામાં આવ્યા હતા.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India