PM મોદીએ 22 જાન્યુઆરીએ ભક્તોને રામ મંદિર ન આવવાની અપીલ કરી, જાણો કેમ?

પીએમ મોદીએ કહ્યું, 'હું હાથ જોડીને વિનંતી કરું છું કે 22 જાન્યુઆરીએ રામ મંદિર આવવાનું નક્કી ન કરો, પહેલા કાર્યક્રમનું આયોજન થવા દો અને પછી 23 જાન્યુઆરી પછી તમે ગમે ત્યારે આવી શકો છો.

વડાપ્રધાન નરેન્દ્ર મોદીએ શનિવારે નવી ટ્રેનો અને સુધારેલા રેલવે સ્ટેશન સહિત અન્ય ઘણા વિકાસ પ્રોજેક્ટ્સ ઉપરાંત અયોધ્યામાં મહર્ષિ વાલ્મિકી એરપોર્ટનું ઉદ્ઘાટન કર્યું હતું. આ દરમિયાન તેમણે રામ ભક્તોને કહ્યું હતું કે, 'હાથ જોડીને મારી આ વિનંતી છે, 22 જાન્યુઆરીએ રામ મંદિર આવવાનું નક્કી ન કરો. પહેલા કાર્યક્રમ થવા દો અને પછી 23 જાન્યુઆરી પછી તમે ગમે ત્યારે આવી શકો છો. દરેક વ્યક્તિ ઇવેન્ટમાં હાજરી આપવા માંગે છે, પરંતુ લોજિસ્ટિક્સ અને સુરક્ષા કારણોસર દરેકને સમાવી શકાય તેવું શક્ય નથી. તમે 550 વર્ષથી વધુ રાહ જોઈ છે તો હજુ થોડી સમય રાહ જોઈ લો.' આ સાથે જ પીએમ મોદીએ એવું સૂચન પણ કર્યું કે, 'અહીં આવવાને બદલે 22 જાન્યુઆરીએ ઘરે દીવો પ્રગટાવો. તે દિવસે સમગ્ર ભારતમાં દિવાળી હોવી જોઈએ.'

પીએમ મોદીએ કહ્યું કે ભવ્ય કાર્યક્રમની તૈયારીઓ વર્ષોથી ચાલી રહી છે અને તેમાં કોઈ વિક્ષેપ ન થવો જોઈએ. ભીડ ના કરશો, કારણ કે મંદિર ક્યાંય નહીં જાય; તે ત્યાં સદીઓ સુધી રહેશે. તમે જાન્યુઆરી, ફેબ્રુઆરી અથવા માર્ચ અથવા આવતા વર્ષે ગમે ત્યારે આવી શકો છો. પરંતુ 22 જાન્યુઆરીએ ના આવશો. PM મોદીએ કહ્યું કે ભક્તોને કારણે મંદિરના મેનેજમેન્ટને કોઈ મુશ્કેલી ન થવી જોઈએ.

પીએમ મોદીએ કહ્યું, "સમારંભમાં માત્ર થોડા લોકોને જ આમંત્રણ આપવામાં આવ્યું છે. અને 23 પછી મુલાકાત લેવી વધુ સરળ બનશે." અયોધ્યાના લોકોને દેશનું સૌથી સ્વચ્છ શહેર બનાવવાની વિનંતી કરતા પીએમ મોદીએ કહ્યું કે, અયોધ્યાએ હવે લાખો મુલાકાતીઓનું આયોજન કરવા માટે તૈયાર રહેવું પડશે અને તે અનંતકાળ સુધી ચાલુ રહેશે. અયોધ્યાના લોકોએ અયોધ્યાને દેશનું સૌથી સ્વચ્છ શહેર બનાવવા માટે શપથ લેવા પડશે.

22 જાન્યુઆરીએ અયોધ્યામાં રામ મંદિરના ઉદ્ઘાટન પહેલા, ભારતના તમામ મંદિરોએ સ્વચ્છતા અભિયાન હાથ ધરવું જોઈએ તેવું કહેતા પીએમ મોદીએ મકરસંક્રાંતિના અવસરે 14 જાન્યુઆરીથી શરૂ થતી 8 દિવસની સ્વચ્છતા અભિયાનની જાહેરાત કરી છે. 'ભગવાન રામ સમગ્ર દેશના છે, અને હવે જ્યારે તેઓ આવી રહ્યા છે, ત્યારે કોઈ પણ મંદિર ગમે તેટલું નાનું હોય કે મોટું ગંદુ ન રહે,' તેવું પીએમ મોદીએ કહ્યું હતું.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India