Janbhawna TimesBharatvarshSaurashtra KutchSalaam TeluguThe India Daily Live

શાહરૂખની ફિલ્મ 'ડંકી'નો રિવ્યુઃ જાણો આ ફિલ્મ જોવા થીયેટરમાં જવાય? કે ન જવાય...

આ ફિલ્મ શાહરૂખની શાનદાર ફિલ્મ છે. કારણ કે આ ફિલ્મ છેક સુધી દર્શકોને પકડી રાખે છે.

Vyas Hardik
  • Last Updated : 21 December 2023, 10:58 PM IST

Share:

હાઈલાઇટ્સ

  • જો તમને સારી ફિલ્મો જોવી ગમતી હોય તો શાહરૂખ ખાનની આ “ડંકી” ફિલ્મ જોવા માટે થીયેટરમાં જવાય. 
  • વિક્કી કૌશલ પર પોતાના નાના પાત્રથી ફિલ્મમાં એક મોટી અસર છોડી જાય છે.

દર્શકો જેની આતૂરતાથી રાહ જોતા હતા તે શાહરૂખ ખાનની ફિલ્મ ડંકી થીયેટરમાં રિલીઝ થઈ ચૂકી છે. શાહરૂખ ખાનના ફેન્સે થીયેટરમાં જ સેલીબ્રેશન કર્યું હતું. ડંકીનો ફર્સ્ટ ડે-ફર્સ્ટ શો જોવા માટે શાહરૂખના ફેન્સે આતુરતા દર્શાવી હતી. રાજકુમાર હિરાનીના દિગ્દર્શનમાં બનેલી આ ફિલ્મ લોકોને પસંદ આવી રહી છે. ફિલ્મના પ્રાથમિક રિવ્યુઝ સારા છે. ફેન્સનું માનવું છે કે, શાહરૂખની આ ફિલ્મ સુપરહિટ થશે. 

શું છે ફિલ્મની સ્ટોરી? 
પંજાબના એક ગામમાં રહેનારા કેટલાક લોકો લંડન જવા માંગે છે. તેમને લાગે છે કે ત્યાં જઈને તેમની ગરીબી સમાપ્ત થઈ જશે. એકે તો પોતાની ગર્લફ્રેન્ડને લેવા જવું છે, જેનો પતિ તેને મારે છે. તેઓ IELTSના પેપરની તૈયારી કરે છે, પરંતુ અંગ્રેજી શીખી શકતા નથી. પછી તેઓ ‘ડંકી’ ફ્લાઇટ એટલે કે ગેરકાયદેસર રીતે જાય છે અને પછી શું થાય છે એ જોવા તમારે થિયેટરમાં જવું પડશે.


કેવી છે ફિલ્મ?
આ ફિલ્મ શાહરૂખની શાનદાર ફિલ્મ છે. કારણ કે આ ફિલ્મ છેક સુધી દર્શકોને પકડી રાખે છે. ફિલ્મમાં એકપણ સીન એવો નથી કે જે દર્શકોને બોર કરે. આ ફિલ્મ તમને હસાવશે પણ ખરી અને કોઈક જગ્યાએ તમારી આંખો પણ ભીંજવી દેશે. આખી ફિલ્મમાં શાહરૂખ છવાયેલો રહે છે. જો કે, ફિલ્મના દરેક પાત્રો એવા છે કે જેની સાથે તમે કનેક્ટ થઈ શકશો. આ ફિલ્મ સંપૂર્ણ પારિવારીક ફિલ્મ છે. 

આ ફિલ્મમાં શાહરૂખ ખાને શાનદાર પ્રદર્શન કર્યું છે. અન્ય પાત્રોએ પોતાના દમદાર અભિનય કૌશલ્યથી ફિલ્મને નેક્સ્ટ લેવલની બનાવવાનો પ્રયાસ કર્યો છે. અહીંયા બે શાહરૂખ જોવા મળે છે. એક યંગ શાહરૂખ અને બીજો વૃદ્ધ શાહરૂખ. જો કે, આમાં મેકઅપ હજી થોડો સારો થઈ શકતો હતો. તાપસી પન્નૂએ ફિલ્મમાં શાનદાર કામ કર્યું છે. શાહરૂખ સાથે તેની જોડી મેચ થાય છે. વિક્કી કૌશલ પર પોતાના નાના પાત્રથી ફિલ્મમાં એક મોટી અસર છોડી જાય છે. બોમન ઈરાની અને હીરાનીની જોડી તો વર્ષોથી બનેલી છે અને અહી બોમન કમાલનું કામ કરી ગયો.

એકંદરે એવું કહી શકાય કે તમે શાહરૂખના ડાય હાર્ટ ફેન હોવ કે ન હોવ એ વાત અલગ છે, પરંતુ જો તમને સારી ફિલ્મો જોવી ગમતી હોય તો શાહરૂખ ખાનની આ “ડંકી” ફિલ્મ જોવા માટે થીયેટરમાં જવાય. 
 

Tags :

Related News

Recent News

×