Deepfake Concerns: તમામ સોશિયલ મીડિયા પ્લેટફોર્મ્સે કરવું પડશે ITના આ નિયમોનું પાલન

ડીપફેકને લઈને વધતી જતી ચિંતાઓ વચ્ચે કેન્દ્ર સરકારે તમામ સોશિયલ મીડિયા પ્લેટફોર્મને આઈટી નિયમોનું પાલન કરવાની સલાહ આપી છે. IT મંત્રાલયે પ્લેટફોર્મને કહ્યું કે જે કન્ટેન્ટને IT નિયમો હેઠળ મંજૂરી નથી તેની સ્પષ્ટપણે વપરાશકર્તાઓને જાણ કરવી પડશે.

નવી દિલ્હી: સરકારે મંગળવારે ઔપચારિક રીતે તમામ મધ્યસ્થીઓ અને સોશિયલ મીડિયા પ્લેટફોર્મને ખાતરી કરવા જણાવ્યું હતું કે તેમના પ્લેટફોર્મ પર માત્ર IT એક્ટની મર્યાદામાંની સામગ્રી જ પ્રસારિત થાય છે. જો આનો ભંગ થશે તો તેમની સામે કાર્યવાહી કરવામાં આવશે.

ઈલેક્ટ્રોનિક્સ અને આઈટી મંત્રાલયે ઈન્સ્ટાગ્રામ અને X જેવા તમામ મધ્યસ્થીઓ અને સોશિયલ મીડિયા પ્લેટફોર્મને તેમના યુઝર્સને તેમની સ્થાનિક ભાષામાં સરકારી સલાહ વિશે માહિતી આપવા જણાવ્યું છે. સોશિયલ મીડિયા પ્લેટફોર્મ પર AIની મદદથી બનાવવામાં આવેલા ડીપફેક વીડિયોના પ્રસારણમાં વધારો થયા બાદ સરકારે તેના પર પ્રતિબંધ મૂકવા માટે ગયા મહિને તમામ પ્લેટફોર્મ સાથે બેઠક યોજી હતી. તે બેઠકમાં થયેલી સર્વસંમતિના આધારે મંગળવારે ઔપચારિક સલાહ આપવામાં આવી છે.

મંત્રાલયે કહ્યું છે કે IT એક્ટના નિયમ 3 (1) B (5) હેઠળ, કોઈપણ પ્રકારની ખોટી અથવા ભ્રામક માહિતી સોશિયલ મીડિયા પ્લેટફોર્મ પર પોસ્ટ કરી શકાતી નથી. તે સોશિયલ મીડિયા પ્લેટફોર્મનું કામ છે કે તે યૂઝર્સને ખોટા વીડિયો, મેસેજ અથવા કન્ટેન્ટ પોસ્ટ કરવાથી અટકાવે જેથી તે અન્ય યુઝર્સને નુકસાન ન પહોંચાડે. પ્લેટફોર્મ યુઝર્સને એ પણ જણાવશે કે જો તેઓ આઈટી એક્ટના નિયમોનું પાલન નહીં કરે તો તેમની સામે ભારતીય દંડ સંહિતા હેઠળ કાર્યવાહી થઈ શકે છે.

IT નિયમો હેઠળ, જો પ્લેટફોર્મ પર કોઈ ખોટી અથવા ભ્રામક માહિતી પ્રસારિત કરવામાં આવી રહી છે, તો તે સામગ્રીને તાત્કાલિક દૂર કરવાની મધ્યસ્થીઓ અથવા પ્લેટફોર્મની જવાબદારી છે. મધ્યસ્થીઓએ પણ આવા પગલાં લેવા પડશે જેથી યુઝર્સ પ્લેટફોર્મ પર ખોટી સામગ્રી અપલોડ ન કરી શકે અને જો તેઓ કરે તો તેમને તરત જ તેના વિશેની માહિતી મળી જાય.

ઈલેક્ટ્રોનિક્સ અને આઈટી રાજ્ય મંત્રી રાજીવ ચંદ્રશેખરે કહ્યું કે આગામી સપ્તાહથી સરકાર દ્વારા જારી કરવામાં આવેલી સલાહના અમલની તપાસ કરવામાં આવશે અને જો જરૂર પડશે તો આઈટી નિયમોમાં ફેરફાર કરી શકાય છે. તેમણે કહ્યું કે AIની મદદથી બનાવવામાં આવેલી ખોટી માહિતી અને ડીપફેક વીડિયો ડિજિટલ નાગરિકોની સુરક્ષા માટે જોખમી છે. મહત્વનું છે કે, વડાપ્રધાન નરેન્દ્ર મોદીએ ગયા મહિને એક કાર્યક્રમ દરમિયાન ડીપ ફેક વીડિયો અંગે ચિંતા વ્યક્ત કરી હતી.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India