ઈતિહાસ બન્યો Article 370: 4 વર્ષ બાદ મોદી સરકારના નિર્ણય પર વાગી સુપ્રીમ કોર્ટની મહોર

સુપ્રીમ કોર્ટની પાંચ જજોની બંધારણીય પીઠે જમ્મુ-કાશ્મીરને વિશેષ રાજ્યનો દરજ્જો આપતા આર્ટિકલ 370ને નાબૂદ કરવાની અરજી પર સુનાવણી હાથ ધરી હતી. ત્યારે મોદી સરકારના નિર્ણય પર સુપ્રીમ કોર્ટે મહોર મારી હતી.

નવી દિલ્હીઃ સુપ્રીમ કોર્ટમાંથી મોદી સરકારને એક મોટી રાહત મળી છે. સુપ્રીમ કોર્ટે જમ્મુ-કાશ્મીરમાંથી આર્ટિકલ 370 હટાવવાના નિર્ણયને એમને એમ રાખ્યો હતો. સીજેઆઈ ડીવાઈ ચંદ્રચૂડે કહ્યું કે, જમ્મુ-કાશ્મીર ભારતનું અભિન્ન અંગ છે. તેની કોઈ આંતરિક સંપ્રભુતા નથી. 5 ઓગસ્ટ 2019માં મોદી સરકારે જમ્મુ-કાશ્મીરમાંથી આર્ટિકલ 370 હટાવી દીધો હતો. સાથે જ રાજ્યને જમ્મુ-કાશ્મીર અને લદ્દાખ એમ બે ભાગમાં વહેંચી દીધા હતા. 

રાજ્યને બે ભાગમાં વહેંચ્યું 
જ્યારે જમ્મુ-કાશ્મીરમાંથી આર્ટિકલ 370 હટાવવામાં આવ્યો ત્યારે તેનો ભારે વિરોધ થયો હતો. સાથે જ જમ્મુ-કાશ્મીર અને લદ્દાખ એમ બે ભાગમાં વહેચી દેવામાં આવ્યા હતા. બંનેને કેન્દ્ર શાસિત પ્રદેશ બનાવી દેવામાં આવ્યા હતા. આ મામલે સુપ્રીમ કોર્ટમાં 23 જેટલી અરજીઓ કરવામાં આવી હતી. તમામ અરજીઓ સાંભળ્યા બાદ સપ્ટેમ્બરમાં નિર્ણય સુરક્ષિત રાખ્યો હતો. 

ચાર વર્ષ, ચાર મહિના અને છ દિવસ 
ચાર વર્ષ ચાર મહિના અને છ દિવસ બાદ મોદી સરકારના નિર્ણય પર સુપ્રીમ કોર્ટે પોતાની મહોર મારી છે. જજોએ કહ્યું કે, જમ્મુ-કાશ્મીરના બંધારણમાં સંપ્રુભતાનો કોઈ ઉલ્લેખ નહોતો. જો કે, ભારતના બંધારણમાં પ્રસ્તાવનામાં તેનો ઉલ્લેખ જોવા મળે છે. ભારતીય બંધારણ આવ્યા બાદ જમ્મુ-કાશ્મીર પર આર્ટિકલ 370 લાગુ થયો હતો. 

ચૂંટણી કરવા નિર્દેશ 
આ નિર્ણય સાથે સુપ્રીમ કોર્ટની બેન્ચે ભારતના ચૂંટણી પંચને સપ્ટેમ્બર, 2024 સુધીમાં જમ્મુ-કાશ્મીરમાં ચૂંટણી કરવા માટે પણ નિર્દેશ આપ્યો છે. જેથી હવે જમ્મુ-કાશ્મીરમાં ચૂંટણી પંચ ચૂંટણીની તૈયારીઓ શરુ કરશે. જે દરમિયાન તમામ પક્ષો ફરીથી સક્રીય થશે. ખાસ કરીને જમ્મુ-કાશ્મીરની ચૂંટણી ખૂબ જ મહત્વ ધરાવે છે. 

કોર્ટે શું કહ્યું? 
સુપ્રીમ કોર્ટે કહ્યું કે, આર્ટિકલ 370 એક અસ્થાયી સુવિધા હતી. જમ્મુ-કાશ્મીર ભારતનું અભિન્ન અંગ છે. જમ્મુ-કાશ્મીર પાસે કોઈ આંતરિક સંપ્રભુતા નહોતી. એટલે હવે એ સ્પષ્ટ થઈ ગયું છે કે, આર્ટિકલ 370 હટાવવો એ યોગ્ય છે કે અયોગ્ય. 

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India