Uttarkashi Tunnel Collapse: સીએમ ધામી ઘટના સ્થળે પહોંચ્યા, સુરંગની અંદર ફસાયેલા તમામ 40 લોકો સુરક્ષિત

આજે સાંજ સુધીમાં કાટમાળ તોડીને કામદારોને બહાર કાઢી લેશે

 

Uttarkashi Tunnel Collapse: ઉત્તરકાશીમાં નિર્માણાધીન ટનલમાં ભૂસ્ખલન થયા બાદ બીજા દિવસે પણ બચાવ કાર્ય ચાલુ છે. બચાવકર્તા ટનલમાં 15 મીટર સુધી ઘૂસવામાં સફળ રહ્યા હતા. લગભગ 35 મીટર વધુ કાટમાળ હજુ પણ સાફ કરવાની જરૂર છે. જોકે, ફસાયેલા કામદારો સુરક્ષિત છે. તેમને પાઈપ દ્વારા ખોરાક અને પાણીની સાથે ઓક્સિજનનો સપ્લાય કરવામાં આવ્યો છે. સીએમ ધામી પણ ઘટનાસ્થળે પહોંચી ગયા છે.

હરિદ્વાર અને દહેરાદૂનથી હ્યુમ પાઇપ મોકલવાની વ્યવસ્થા

મુખ્યમંત્રી ધામી એ કહ્યું કે રાહત અને બચાવ કામગીરી માટે તમામ સંભવિત વિકલ્પો પર વિચાર કરવામાં આવી રહ્યો છે. બચાવ કામગીરી માટે હરિદ્વાર અને દહેરાદૂનથી મોટા વ્યાસની હ્યુમ પાઇપ મોકલવાની વ્યવસ્થા કરવામાં આવી છે. મુખ્યમંત્રીએ વિશ્વાસ વ્યક્ત કર્યો કે ભગવાનની કૃપા અને બચાવ કાર્યમાં લાગેલા લોકોના અથાક પ્રયાસોને કારણે સુરંગની (Uttarkashi Tunnel Collapse) અંદર ફસાયેલા કામદારોને ટૂંક સમયમાં સુરક્ષિત રીતે બહાર કાઢવામાં આવશે.

ફસાયેલા મજૂરોને નાસ્તો અને પાણી આપવામાં આવ્યું હતું

NDRFની ટીમોનું કહેવું છે કે અંદર ફસાયેલા કામદારોને નાસ્તો અને પાણી આપવામાં આવ્યું છે. તેમને આશા છે કે આજે સાંજ સુધીમાં તેઓ કાટમાળ તોડીને કામદારોને બહાર કાઢી લેશે. અમે ફસાયેલા કામદારોને થોડી ચિપ્સ અને પાણી આપવાની વ્યવસ્થા કરી છે. અમે ખાતરી કરી છે કે કામદારો સલામત સ્થિતિમાં છે.

કાટમાળ ભીનો થવાને કારણે મુશ્કેલી

ઉત્તરકાશી ટનલ દુર્ઘટના (Uttarkashi Tunnel Collapse) પર NDRFના આસિસ્ટન્ટ કમાન્ડન્ટ કરમવીર સિંહ ભંડારીનું કહેવું છે કે સુરંગની અંદર ફસાયેલા તમામ 40 લોકો સુરક્ષિત છે, અમે તેમને પાણી અને ખોરાકની વ્યવસ્થા કરી છે. બચાવ કાર્ય ચાલુ છે. કાટમાળ ભીનો હોવાને કારણે અમને થોડી મુશ્કેલીનો સામનો કરવો પડી રહ્યો છે, પરંતુ અમારી ટીમ કોઈ કસર છોડી રહી નથી અને બચાવ કાર્ય ચાલુ છે.

પાઈપ દ્વારાઓક્સિજન પહોંચાડવામાં આવી રહ્યો છે

એક વરિષ્ઠ અધિકારીએ જણાવ્યું કે તમામ 40 કામદારો સુરક્ષિત છે અને તેમને પાઈપ દ્વારા ઓક્સિજન પૂરો પાડવામાં આવી રહ્યો છે. પ્રશાંત કુમારે કહ્યું, "દરેક જણ સુરક્ષિત છે, અમે ફસાયેલા કામદારોના સતત સંપર્કમાં છીએ."

અત્યાર સુધીમાં લગભગ 20 મીટરનો સ્લેબ દૂર કરવામાં આવ્યો

તેમણે કહ્યું કે ટનલ (Uttarkashi Tunnel Collapse)માં ફસાયેલા કામદારોને પાણી અને ખાદ્યપદાર્થો પણ મોકલવામાં આવી રહ્યા છે. ટનલનો તૂટી ગયેલો ભાગ પ્રવેશદ્વારથી લગભગ 200 મીટરના અંતરે સ્થિત છે અને ટનલને ખોલવા માટે અત્યાર સુધીમાં લગભગ 20 મીટરનો સ્લેબ દૂર કરવામાં આવ્યો છે. રેસ્ક્યુ ટીમ એક્સેવેટર અને અન્ય હેવી મશીનોનો ઉપયોગ કરીને કાટમાળ હટાવી રહી છે.

• 

  Gujarat: આ મુખ્યમંત્રીને ક્રિકેટ રમતા આવડે છે!

  Gujarat

• 

  Ahmedabad Civil Hospital: દર્દી ડૉક્ટરને ભગવાન સ્વરૂપે જુએ છે - ધનંજય દ્વિવેદી

  Gujarat

• 

  Gujarat Tablo: તમારો એક વોટ, ગુજરાતના ટેબ્લોને વિજેતા બનાવી શકે છે !

  Gujarat

• 

  દેશના નામે રાષ્ટ્રપતિ દ્રૌપદી મુર્મૂનું સંબોધન, રામ મંદિર અને કર્પૂરી ઠાકુરનો ઉલ્લેખ કર્યો

  India

• 

  બોગસ પ્રમાણપત્રના દેશવ્યાપી કૌભાંડમાં બિહારથી આરોપી ઝડપાયો: 80 હજાર ખોટા પ્રમાણપત્રો બનાવ્યા!

  India