Gautam Gambhir T20 વર્લ્ડ કપમાં આ ખેલાડીને ઈન્ડિયન ટીમના કેપ્ટન તરીકે જોવા માંગે છે

T20 વર્લ્ડ કપ જૂન 2024માં વેસ્ટ ઈન્ડિઝ અને અમેરિકામાં આયોજિત કરવામાં આવશે

 

Gautam Gambhir: ODI વર્લ્ડ કપમાં હાર બાદ હવે ટીમ ઈન્ડિયાની નજર આવતા વર્ષે T20 વર્લ્ડ કપ જીતવા પર છે. આ ટૂર્નામેન્ટ જૂન 2024માં વેસ્ટ ઈન્ડિઝ અને અમેરિકામાં આયોજિત કરવામાં આવશે. એવું માનવામાં આવે છે કે ઘણા વરિષ્ઠ ભારતીય ખેલાડીઓ T20 ફોર્મેટથી દૂર રહી શકે છે, પરંતુ ભૂતપૂર્વ ભારતીય ઓપનર ગૌતમ ગંભીર (Gautam Gambhir)નું કહેવું છે કે રોહિત શર્મા અને વિરાટ કોહલીએ ટૂર્નામેન્ટમાં રમવું જોઈએ. રોહિત શર્માએ કેપ્ટનશિપ પણ કરવી જોઈએ.

 

રોહિત શર્માએ T20 વર્લ્ડ કપ 2022માં ટીમ ઈન્ડિયાની કેપ્ટનશિપ કરી હતી. ત્યારપછી ભારત સેમિફાઈનલમાં ઈંગ્લેન્ડ સામે હારી ગયું હતું. તે પછી રોહિત શર્માએ એક પણ T20 મેચ રમી નથી. તેની ગેરહાજરીમાં હાર્દિક પંડ્યા અને અન્ય ખેલાડીઓએ ટીમની કમાન સંભાળી હતી. આ દરમિયાન રોહિત શર્માની આગેવાનીમાં ભારત ODI વર્લ્ડ કપની ફાઈનલમાં પહોંચ્યું હતું. ત્યાં ઓસ્ટ્રેલિયા સામે ટીમને હારનો સામનો કરવો પડ્યો હતો.

 

ગૌતમ ગંભીરે (Gautam Gambhir) કહ્યું કે હાર્દિક પંડ્યા છેલ્લા એક વર્ષથી T20માં ટીમનું નેતૃત્વ કરી રહ્યો હોવા છતાં રોહિત શર્માએ T20 વર્લ્ડ કપમાં કમાન સંભાળવી જોઈએ. ગૌતમ ગંભીરે કહ્યું કે રોહિત શર્મા અને વિરાટ કોહલી બંનેને T20 વર્લ્ડ કપ માટે ટીમમાં પસંદ કરવા જોઈએ. 

 

ગૌતમ ગંભીરે (Gautam Gambhir) એક ઈન્ટરવ્યુમાં કહ્યું, “વિરાટ કોહલી અને રોહિત શર્માની પસંદગી થવી જોઈએ. સૌથી મહત્વની વાત એ છે કે હું રોહિત શર્માને T20 વર્લ્ડ કપમાં કેપ્ટન તરીકે જોવા માંગુ છું. હા, હાર્દિક પંડ્યાએ T20માં કેપ્ટનશિપ કરી છે, પરંતુ હું હજુ પણ રોહિત શર્માને T20 વર્લ્ડ કપમાં કેપ્ટનશિપ કરતો જોવા માંગુ છું."

રોહિત શર્માની પસંદગી થશે તો વિરાટ કોહલી પણ ટીમમાં સામેલ થશેઃ Gautam Gambhir

ગૌતમ ગંભીરે (Gautam Gambhir) વધુમાં કહ્યું, “રોહિત શર્મા અને વિરાટ કોહલીએ આ વર્લ્ડ કપમાં પોતાની બેટિંગથી શાનદાર પ્રદર્શન કર્યું હતું. જો રોહિત શર્માની T20 વર્લ્ડ કપમાં પસંદગી થશે તો વિરાટ કોહલી આપોઆપ પસંદ થઈ જશે. 

 

જો રોહિત શર્મા T20 વર્લ્ડ કપમાં રમવાનું નક્કી કરે તો તેને માત્ર બેટ્સમેન નહીં પરંતુ કેપ્ટન તરીકે પસંદ કરવો જોઈએ."

 

અગાઉ, BCCIએ ઓસ્ટ્રેલિયા સામે 23 નવેમ્બર, ગુરુવારથી શરૂ થયેલી T20 સિરીઝની જાહેરાત કરી હતી. સૂર્યકુમાર યાદવને ભારતના કેપ્ટન તરીકે નિયુક્ત કરવામાં આવ્યા છે. નિયમિત કેપ્ટન રોહિત શર્માની ગેરહાજરીમાં સૂર્યકુમાર ટીમનું નેતૃત્વ કરશે, જેને વર્લ્ડ કપ ફાઈનલમાં ઓસ્ટ્રેલિયા સામેની હાર બાદ આરામ આપવામાં આવ્યો છે. 

 

વાઈસ કેપ્ટન હાર્દિક પંડ્યા ઈજાના કારણે ટીમની બહાર છે. સૂર્યકુમાર ટીમનું નેતૃત્વ કરશે જ્યારે ઋતુરાજ ગાયકવાડ પ્રથમ ત્રણ T20 માટે વાઈસ કેપ્ટન હશે. શ્રેયસ ઐય્યર છેલ્લી બે મેચમાં રમશે અને તે ઋતુરાજ ગાયકવાડના સ્થાને વાઈસ કેપ્ટન હશે.

• 

  Video: વિરાટ કોહલી બન્યો 'સુપરમેન', હવામાં ઉડીને બાઉન્ડ્રી પર કરી શાનદાર ફિલ્ડિંગ

  Sports

• 

  AFGને હતું કે આવેશ ખાન બોલિંગ કરશે, પરંતુ રોહિતે એવી ચાલ રમી કે, બધાના હોશ ઉડી ગયા

  Sports

• 

  404 Not Out: યુવરાજ સિંહનો 25 વર્ષ જૂનો રેકોર્ડ તોડનારો ભારતીય ખેલાડી કોણ?

  Sports

• 

  IND-AFG વચ્ચે આજે સીરિઝની છેલ્લી T-20 મેચ, માત્ર એક જીત અને રોહિત તોડશે ધોનીનો રેકોર્ડ

  Sports

• 

  IND vs AFG 2nd T20: '0' પર આઉટ થઈને પણ રોહિતે બનાવ્યો મોટો રેકોર્ડ!

  Sports