IND vs SA 2nd Test: આફ્રિકા 172 રન પર ઓલઆઉટ, બુમરાહે લગાવી વિકેટની 'સિક્સર'

ભારત અને દક્ષિણ આફ્રિકા વચ્ચે કેપટાઉનમાં રમાઈ રહેલી બીજી ટેસ્ટ મેચ ખૂબ જ રોમાંચક તબક્કામાં છે. આ લો સ્કોરિંગ મેચમાં, જ્યારે બેટ્સમેનો દરેક રન માટે સંઘર્ષ કરી રહ્યા છે, ત્યારે બોલરોનો દબદબો છે.

ભારતીય ટીમે શાનદાર બોલિંગ કરીને કેપટાઉનના ન્યૂલેન્ડ્સ ક્રિકેટ સ્ટેડિયમમાં સાઉથ આફ્રિકાનો બીજો દાવ 176 રનમાં સમેટી દીધો હતો. આ રીતે રોહિત સેનાને મેચ જીતવા અને સિરીઝ ડ્રો કરવા માટે 79 રનનો ટાર્ગેટ મળ્યો છે. આજે જ્યારે સાઉથ આફ્રિકા રમવા માટે આવ્યું ત્યારે પ્રથમ દાવના આધારે તે ભારતથી 36 રન પાછળ હતું અને પ્રથમ દિવસે પડી ગયેલી 23 વિકેટને જોતા એવું માનવામાં આવતું હતું કે તે જલ્દી જ પરાજય પામશે. એવું થયું પણ ખરા. જસપ્રીત બુમરાહે જ્યારે પ્રથમ 4 વિકેટ ઝડપીને પંજો ખોલ્યો ત્યારે દક્ષિણ આફ્રિકાની ટીમની બેટિંગ પડી ભાંગી હતી. તેની આખી ટીમ બીજી ઇનિંગમાં માત્ર 176 રન જ બનાવી શકી હતી. એકમાત્ર એઇડન માર્કરામ હતો, જેણે 106 રનની ઇનિંગ રમી હતી અને દક્ષિણ આફ્રિકાનો મોરચો સંભાળી રાખ્યો હતો.

જસપ્રીત બુમરાહે દિવસની પહેલી જ ઓવરમાં ઝટકો આપ્યો
આ પહેલા બીજી ટેસ્ટના પહેલા દિવસે દક્ષિણ આફ્રિકા અને ભારતની ઇનિંગ્સ સમેટાઈ હતી. આ ઉપરાંત દક્ષિણ આફ્રિકાએ પણ બીજી ઇનિંગમાં 3 વિકેટ ગુમાવી દીધી હતી. તેણે પહેલા દિવસે સ્ટમ્પ પર 3 વિકેટે 62 રન કર્યા હતા. જ્યારે સાઉથ આફ્રિકાએ આ સ્કોરથી આગળ રમવાનું શરૂ કર્યું ત્યારે પહેલી જ ઓવરમાં જસપ્રીત બુમરાહે બેડિંગહામને ઇનિંગના 18માં ઓવર અને બીજા દિવસની પહેલી ઓવરના છેલ્લા બોલ પર કેએલ રાહુલના હાથે કેચ આઉટ કરાવ્યો. તે 11 રન બનાવીને પેવેલિયન પરત ફર્યો હતો.

જસપ્રીત બુમરાહે પાંચ વિકેટ ઝડપી
સાઉથ આફ્રિકાની ઇનિંગ્સ રિકવર થાય તે પહેલા જ બુમરાહે વિરેનને બાઉન્સરથી ચોંકાવી દીધો હતો અને મિડ-ઓન પર મોહમ્મદ સિરાજે ખૂબ જ સરળ કેચ લીધો હતો. બોલ ઊંચો હતો અને વિરેન પૂલ શોટ મારવા માંગતો હતો પણ ચૂકી ગયો. તે 9 રન બનાવીને આઉટ થયો હતો. આ પછી બુમરાહે માર્કો જાનસેન (11) અને કેશવ મહારાજ (3)ને આઉટ કરીને પાંચ વિકેટ ઝડપી હતી. વિપક્ષી ટીમ પાસે તેની ઘાતક બોલિંગનો કોઈ જવાબ નહોતો.

જીવનદાન મળ્યા બાદ માર્કરમની સદી
આ દરમિયાન એડન માર્કરમે એક છેડો પકડીને બહાદુરી બતાવીને સદી ફટકારી હતી. તેણે 103 બોલમાં 106 રનની ઇનિંગ રમી જેમાં 17 ફોર અને 2 સિક્સર ફટકારી હતી. જોકે, બુમરાહના બોલ પર કેએલ રાહુલે તેનો કેચ છોડ્યો હતો. તે સમયે તે 73 રન પર હતો. જ્યારે સિરાજે માર્કરમને રોહિત શર્માના હાથે કેચ આઉટ કરાવ્યો ત્યારે ભારતીય ટીમે રાહતનો શ્વાસ લીધો. આ પછી કાગીસો રબાડા પ્રસિદ્ધ કૃષ્ણાનો શિકાર બન્યો હતો. મેચમાં પ્રસિદ્ધની આ પ્રથમ વિકેટ હતી.

દક્ષિણ આફ્રિકાનો પ્રથમ દાવ 55 રનમાં પૂરો, પ્રથમ દિવસે 23 વિકેટ પડી
નોંધનીય છે કે પહેલા દિવસે દક્ષિણ આફ્રિકાનો પ્રથમ દાવ માત્ર 55 રનમાં સમેટાઈ ગયો હતો. મોહમ્મદ સિરાજે શાનદાર બોલિંગ કરી અને માત્ર 15 રનમાં 6 વિકેટ લીધી, જ્યારે જસપ્રિત બુમરાહ અને મુકેશ કુમારે 2-2 વિકેટ લીધી. આ પછી ભારતનો પ્રથમ દાવ 153 રનમાં સમેટાઈ ગયો હતો. તેની છેલ્લી 6 વિકેટ એકપણ રન બનાવ્યા વિના પેવેલિયન પરત ફરી હતી. મોહમ્મદ સિરાજ રન આઉટ થયો હતો, જ્યારે કાગિસો રબાડા, લુંગી એનગિડી અને બર્જરને 3-3 વિકેટ મળી હતી.

• 

  Video: વિરાટ કોહલી બન્યો 'સુપરમેન', હવામાં ઉડીને બાઉન્ડ્રી પર કરી શાનદાર ફિલ્ડિંગ

  Sports

• 

  AFGને હતું કે આવેશ ખાન બોલિંગ કરશે, પરંતુ રોહિતે એવી ચાલ રમી કે, બધાના હોશ ઉડી ગયા

  Sports

• 

  404 Not Out: યુવરાજ સિંહનો 25 વર્ષ જૂનો રેકોર્ડ તોડનારો ભારતીય ખેલાડી કોણ?

  Sports

• 

  IND-AFG વચ્ચે આજે સીરિઝની છેલ્લી T-20 મેચ, માત્ર એક જીત અને રોહિત તોડશે ધોનીનો રેકોર્ડ

  Sports

• 

  IND vs AFG 2nd T20: '0' પર આઉટ થઈને પણ રોહિતે બનાવ્યો મોટો રેકોર્ડ!

  Sports