Popular Sports Stars: વર્ષ 2023નો સૌથી લોકપ્રિય ખેલાડી બન્યો છે વિરાટ કોહલી

ટોચના લોકપ્રિય ખેલાડીઓની યાદીમાં વિરાટ કોહલીનું નામ પણ સામેલ થઈ ગયું છે. ક્રિસ્ટિયાનો રોનાલ્ડો અને લિયોનેલ મેસ્સી પણ આ યાદીમાં છે.

ભારતીય ક્રિકેટનો સ્ટાર ખેલાડી વિરાટ કોહલી કરોડો દિલો પર રાજ કરે છે. તેના ફેન ફોલોઈંગનો કોઈ જવાબ નથી. માત્ર ભારતમાં જ નહીં પરંતુ સમગ્ર વિશ્વમાં તેના ચાહકો છે. ક્રિકેટર વિરાટ કોહલી માટે વર્ષ 2023 ખૂબ જ ખાસ રહ્યું. આ વર્ષે ટીમ ઈન્ડિયા માટે સૌથી વધુ રન બનાવવાના મામલે તે બીજા સ્થાને રહ્યો. વર્લ્ડ કપ 2023માં વિરાટનું પ્રદર્શન ઘણું સારું રહ્યું હતું. કોહલી વર્ષ 2023માં વિશ્વના ટોચના પાંચ સૌથી લોકપ્રિય ખેલાડીઓની યાદીમાં સામેલ થઈ ગયો છે. તમને જણાવી દઈએ કે, આ લિસ્ટમાં ક્રિસ્ટિયાનો રોનાલ્ડો અને લિયોનેલ મેસી પણ સામેલ છે.

વિરાટ કોહલી ટોપ પાંચમાં સામેલ
વિરાટ કોહલીનું નામ હોપર HQની ટોચની પાંચ યાદીમાં પણ સામેલ છે, જે વિશ્વભરના લોકપ્રિય ખેલાડીઓની યાદી જાહેર કરે છે. આ યાદીમાં અન્ય ઘણા દિગ્ગજ લોકોના નામ પણ સામેલ છે. જેમાં પોર્ટુગલનો દિગ્ગજ ફૂટબોલર ક્રિસ્ટિયાનો રોનાલ્ડો ટોપ પર છે. આ વર્ષે રોનાલ્ડો સૌથી લોકપ્રિય ખેલાડી હતો. આર્જેન્ટિનાના દિગ્ગજ ફૂટબોલર લિયોનેલ મેસ્સી બીજા ક્રમે રહ્યા હતા. રોનાલ્ડો અને મેસીનું પ્રદર્શન જોરદાર રહ્યું છે. આ યાદીમાં વિરાટ કોહલીનું નામ ત્રીજા નંબર પર છે. ટોપ ફાઈવમાં કોહલી એકમાત્ર ક્રિકેટર છે.

વિરાટ કોહલી 2023માં સૌથી વધુ રન બનાવનાર બીજા ક્રમે છે. વિરાટે 35 મેચમાં 2048 રન બનાવ્યા છે. આ દરમિયાન કોહલીએ 8 સદી અને 10 અડધી સદી ફટકારી હતી. તેનો સર્વશ્રેષ્ઠ સ્કોર 186 રન હતો. સૌથી વધુ રન બનાવવાના મામલે શુભમન ગિલ ટોપ પર રહ્યો. ગિલે 48 મેચમાં 2154 રન બનાવ્યા હતા. તેણે 7 સદી અને 10 અડધી સદી ફટકારી હતી. ત્રીજા નંબર પર ન્યુઝીલેન્ડની ખેલાડી ડેરીલ મિશેલ છે. તેણે 50 મેચમાં 1988 રન બનાવ્યા હતા. મિશેલે 6 સદી અને 9 અડધી સદી ફટકારી હતી.

કોહલીએ 2023માં સૌથી વધુ રન બનાવ્યા
જ્યારે, વિરાટ કોહલી 2023 વર્લ્ડ કપમાં સૌથી વધુ રન બનાવનાર ખેલાડી હતો. વર્લ્ડ કપમાં વિરાટે 11 મેચોની સિરીઝમાં 765 રન બનાવ્યા હતા. આ દરમિયાન તેણે 3 સદી અને 6 અડધી સદી ફટકારી હતી. રોહિત શર્મા બીજા સ્થાને હતો. રોહિતે 11 મેચમાં 597 રન બનાવ્યા હતા. રોહિતે એક સદી અને ત્રણ અડધી સદી ફટકારી હતી. ક્વિન્ટન ડી કોક ત્રીજા નંબરે હતો. ડી કોકે 10 મેચમાં 594 રન બનાવ્યા હતા.

• 

  Video: વિરાટ કોહલી બન્યો 'સુપરમેન', હવામાં ઉડીને બાઉન્ડ્રી પર કરી શાનદાર ફિલ્ડિંગ

  Sports

• 

  AFGને હતું કે આવેશ ખાન બોલિંગ કરશે, પરંતુ રોહિતે એવી ચાલ રમી કે, બધાના હોશ ઉડી ગયા

  Sports

• 

  404 Not Out: યુવરાજ સિંહનો 25 વર્ષ જૂનો રેકોર્ડ તોડનારો ભારતીય ખેલાડી કોણ?

  Sports

• 

  IND-AFG વચ્ચે આજે સીરિઝની છેલ્લી T-20 મેચ, માત્ર એક જીત અને રોહિત તોડશે ધોનીનો રેકોર્ડ

  Sports

• 

  IND vs AFG 2nd T20: '0' પર આઉટ થઈને પણ રોહિતે બનાવ્યો મોટો રેકોર્ડ!

  Sports