Rohit Sharma: વર્લ્ડકપમાં મળેલી હાર બાદ ભારતીય કેપ્ટન રોહિત શર્માએ મોટો નિર્ણય લીધો છે. તે ક્રિકેટના ટૂંકા ફોર્મેટ ટી-20થી દૂર રહેશે. હિટમેને આ અંગે મુખ્ય પસંદગીકાર અજીત અગરકર સાથે વાત કરી છે. આવી સ્થિતિમાં તેના માટે આવતા વર્ષે યોજાનાર ટી20 વર્લ્ડ કપમાં રમવું મુશ્કેલ છે.
ઓસ્ટ્રેલિયા સામે 23 નવેમ્બરથી ટી-20 સિરીઝ શરૂ થઈ રહી છે. સૂર્યકુમાર યાદવ તેનું નેતૃત્વ કરશે. વર્લ્ડ કપની ટીમમાં સામેલ મોટાભાગના ખેલાડીઓને આરામ આપવામાં આવ્યો છે. આવી સ્થિતિમાં જ્યારે કેએલ રાહુલ વાપસી કરશે તો તે ટી20 ફોર્મેટમાં કમાન સંભાળી શકે છે.
રોહિત શર્મા છેલ્લા (Rohit Sharma) એક વર્ષથી કોઈ ટી-20 ઈન્ટરનેશનલ મેચ રમ્યો નથી, કારણ કે તેનું ધ્યાન ODI વર્લ્ડ કપ પર હતું. તેણે આ મામલે ચીફ સિલેક્ટર અજીત અગરકર સાથે પણ ચર્ચા કરી હતી. તેણે પોતે T20 ઈન્ટરનેશનલથી દૂર રહેવાની ઈચ્છા વ્યક્ત કરી હતી. આ સંપૂર્ણપણે રોહિતનો નિર્ણય છે. રોહિત સિવાય ભારત પાસે શુભમન ગિલ, યશસ્વી જયસ્વાલ, ઈશાન કિશન અને ઋતુરાજ ગાયકવાડના રૂપમાં 4 ઓપનર બેટ્સમેન છે. આ તમામે આઈપીએલમાં શાનદાર પ્રદર્શન કર્યું છે.
અહેવાલ મુજબ, રોહિત શર્માએ (Rohit Sharma) પસંદગીકારોને પહેલા જ કહી દીધું છે કે તેને T20 ફોર્મેટથી દૂર રાખવામાં આવે. સૂત્રએ કહ્યું, "વર્લ્ડ કપ પહેલા, રોહિત શર્માએ વાત કરી હતી કે તેને T20I માટે વિચારણા ન કરવામાં આવે તેનાથી કોઈ સમસ્યા નથી. પસંદગીકારો છેલ્લા એક વર્ષથી ટી-20 ઈન્ટરનેશનલ માટે યુવાનોમાં ઘણું રોકાણ કરી રહ્યા છે. "અમે આવતા વર્ષે જૂનમાં યોજાનાર T20 વર્લ્ડ કપ માટે આ રણનીતિને વળગી રહેવા માંગીએ છીએ."
ઉલ્લેનનીય છે કે થોડા દિવસ પહેલાં વર્લ્ડ કપની હારને કારણે રોહિત શર્મા સહિતના ખેલાડીઓ અપસેટ છે. તેઓ મજબૂત પ્રેક્ટિસ સાથે પોતાને કમબેક કરવા તૈયાર કરવા માગે છે.
જો યુવા ખેલાડીઓ સારું પ્રદર્શન ન કરી શકે તો પસંદગીકાર અથવા BCCIના અધિકારીઓ રોહિત શર્માને પોતાના નિર્ણય પર પુનર્વિચાર કરવા માટે કહી શકે છે. તે સમજી શકાય છે કે તેની કારકિર્દીના આ તબક્કે રોહિત (Rohit Sharma) તેના વર્કલોડને મેનેજ કરવા માંગે છે. તે IPLમાં પણ સતત રમી રહ્યો છે.
ડિસેમ્બર 2023 થી માર્ચ 2024 સુધી 7 ટેસ્ટ રમવાની છે. આવી સ્થિતિમાં રોહિત મેચ રમવાનું ચાલુ રાખશે. આવી સ્થિતિમાં તેની નજર 2025માં યોજાનારી વર્લ્ડ ટેસ્ટ ચેમ્પિયનશિપની ફાઈનલ અને 2025માં જ યોજાનારી ચેમ્પિયન્સ ટ્રોફી પર પણ રહેશે.
